හනී මස්ටර්ඩ් චිකන් ඇන්ඩ් වෙජිටබල්ස් විත් රයිස්

විවිධාකාර රසයෙන් යුත් බත් කන්න කැමැති ඔබට කදිමට ගැළපෙන බතක් ලෙස මෙය හැඳින්විය හැකියි. රසය මෙන්ම ගුණයෙන් ද පිරිපුන් මේ බත ඔබේ පවුලේ පෝෂණය ඉහළ නංවන්නත් කදිමයි. පහසුවෙන් සකසා ගත හැකි මේ අපූරු බත සකසා ගන්නේ මේ ආකාරයටයි.


අවශ්‍ය ද්‍රව්‍ය:

ඔලිව් තෙල් මේස හැන්දක්
කුඩා ලීක්ස් ගසක් - සුදු පැහැති කොටස, රවුම් ලෙස කපා ගත්
චිකන් බ්‍රෙස්ට් ග්‍රෑම් 500 ක්
හනි මස්ටර්ඩ් චිකන් රෙසිපි බේස් ග්‍රෑම් 175ක් (සුපර් මාකට්වලින් මිල දී ගත හැකියි)
බෝංචි කරල් කිහිපයක්
යොදය සහිත කිරි කෝප්ප භාගයක් (ආදේශකයක් ලෙස පොල්කිරි ද යොදා ගත හැකියි)
ගී‍්‍රන් පීස් කෝප්ප 3/4 ක්
සුදු සම්බා හාල් ග්‍රෑම් 200 ක්
පාස්ලි කොළ කුඩු මේස හැන්දක්

දැන් එය මෙලෙසින් සාදමු:

විශාල, ගැඹුරු පෑන් එකක් ළිප තබා මඳ ගින්නේ තෙල් රත් වන්නට හරින්න. එම තෙල් හොඳින් රත් වූ පසුව කපා ගත් ලීක්ස් දමා හැඳි ගාමින් ඒවායෙහි අග රන්වන් පැහැ වන තෙක් විනාඩි 3-4 ක් බැදෙන්නට හරින්න. මෙයට සෙන්ටි මීටර 3 ක පමණ කැබැලිවලට කපා ගත් කුකුළු මස් ද එකතුකර ඒවා දුඹුරු පැහැ වන තෙක් හැඳි ගාමින් විනාඩි 5 ක පමණ වේලාවක් බැදගන්න.
පසුව හනී මස්ටර්ඩ් චිකන් රෙසිපි බේස් එක හා කිරි සහ කපාගත් බෝංචි එකට මිශ්‍රකර තම්බා ගන්න. ගින්දර මඳක් අඩුකර මඳ ගින්නේ විනාඩි 5 ක පමණ වේලාවක් මේවා තම්බා ගන්න. ගී‍්‍රන්පීස් ඇට ද මඳ ගින්නේ විනාඩි 2ක් පමණ වේලාවක් තම්බා ගත යුතුයි. කුකුළු මස් තැම්බුණු පසු එළවළු මිශ්‍රණය ද එයට දමා තෙම්පරාදු කරගන්න. රස අනුව ලුණු ද එකතු කරන්න.
ඒ අතරතුර සහල් ද සාමාන්‍යයෙන් බත් තම්බන ආකාරයට සකසා ගන්න. පසුව සකසා ගත් චිකන් කරිය එය උඩට දමා පාස්ලි කොළ එයට උඩින් ඉස කෑම මේසයට යවන්න.
රාත්‍රී කෑම වේලකට මිතුරන්ට සංග්‍රහ කිරීමටත් මේ මස් කරිය හොඳින් ම ගැළපේවි

Wmqgd .ekSu Ys% ,xld ñr¾ fjí wvúh weiqfrks