Kitchen
එළවළු සුප්
අවශ්‍ය ද්‍රව්‍ය : -
කැරට් අල 2
ගෝවා කොළ 2
බෝංචි කරල් 5
ලීක්ස් ගස් 1
අර්තාපල් ලොකු ගෙඩි 1
රතු ලූණු ගෙඩි 10
රට ලූණු ලොකු ගෙඩි 1
කරපිංචා ඉති 1
දෙහි ගෙඩි 1
වතුර පීරිසි කෝප්ප 15
ගම්මිරිස්, කොත්තමල්ලි, සූදුරු, බාර්ලි, පරිප්පු ටිකක් සමග ලුණු සහ එළවළු තෙල් අවශ්‍ය ප්‍රමාණයට.
සාදන ක්‍රමය :
එළවළු හොඳින් සෝදා වතුර බේරෙන්නට හැර හීනියට කපා බඳුනකට දමා වතුර වත්කර ගන්න. සූදුරු , කොත්තමල්ලි, ගම්මිරිස් තලා එයටම දමා ලිප තැබු වතුරෙන් පංගුවක් පමණ හිඳුනාට පසුව එළවළු ටික භාජනයකට දමා පොඩිකර නැවත ලිප ඇති බඳුනටම දමා ස්වල්ප වේලාවකින් ලිපෙන් බා පෙරා ගන්න. වෙන බඳුනක් ලිප තබා අවශ්‍ය ප්‍රමාණයට තෙල් දමා අනෙකුත් ද්‍රව්‍ය දමා සුප් එක තෙම්පරාදු කර අවශ්‍ය ප්‍රමාණයට ලුණු ඇඹුල් දමා ගන්න.
