මෙලොව එළිය දකින ඔයාගේ දරුවාව රැකබලා ගන්නේ කොහොමද යන්න පිළිබඳව මවකට බොහෝ ප්‍රශ්න තිබෙන්න පුළුවන්. ඔයා පළපුරුදු අම්මා කෙනෙක් තාත්තා කෙනෙක් වුණත් ඔයාගේ අලුත උපන් බිළිඳාව වඩා ගන්නට යාමේදී මුලදී බියජනක හැඟීමක් දැනෙනවා. ඔයාගේ අලුත උපන් බිළිඳාව නිවැරදි ආකාරයට වඩා ගන්නට පියවරෙන් පියවර උපදෙස් මෙන්න.
ඔයාගේ අත් සෝදන්න
දරුවා වඩා ගන්නට පෙර ඔයාගේ දෑත් පිරිසිදුව තබා ගැනීමට වග බලා ගන්න. ඊට හේතුව ළදරුවාගේ ප්‍රතිශක්තිකරණ පද්ධතිය තවමත් වර්ධනය වෙමින් පවතින නිසායි. එබැවින් ඔයා රැගෙන යන ඕනෑම විෂබීජයකට දරුවාව ලෙඩ කරන්න පුළුවන්. සබන් හා උණුසුම් ජලය භාවිතා කරමින් දෑත් හොඳින් සෝදා ගන්න. කුඩා දරුවා බැලීමට පැමිණෙන අමුත්තන්ට අත් සෝදා ගැනීමෙන් පසු දරුවාගේ කමරයට ඇතුළු වන්නට ඉඩ දෙන්න. දරුවා අල්ලීමට පෙර සෑම විටම දෑත් පිරිසිදු කිරීමට මතක තබා ගන්න.
පහසුවෙන් ඉන්න
සුවපහසුව කියන්නේ දරුවා වඩා ගැනීමේදී අවශ්‍ය කරන වැදගත්ම දෙයක්. ඔයාට ශාරීරිකව සුවපහසුවක් දැනීමට අවශ්‍ය වනවා පමණක් නොව, ඔයා දරුවා වඩා ගැනීමේදී ඔයා මතම විශ්වාසයක් ඇති කර ගැනීමටද අවශ්‍යයි. අලුත උපන් බිළිඳාව වඩා ගැනීමේ පහසුවෙන් සිටීමට මිනිත්තු පහක් පමණ ගත වනවා.
මුලදී මඳක් විකාර සහගත බවක් දැනුණත් එයට කාලය දෙන්න, හොඳින් හුස්මක් ගෙන විශ්වාසයක් ඇති කර ගැනීමට මතක තබා ගන්න!
සහාය ලබා දෙන්න
අලුත උපන් බිළිඳකු වඩා ගැනීමේදී, හිසට සහ බෙල්ලට ආධාර කිරීමට සැමවිටම අත තිබීම ඉතා වැදගත්. ඇත්තෙන්ම, ඔයාගේ දරුවාගේ හිස උපතේදී දරුවාගේ ශරීරයේ බරම කොටසයි.
අලුත උපන් බිළිඳුන්ට දරුවාගේ බෙල්ලේ මාංශ පේශි පාලනය කරන්න බැහැ. ජීවිතයේ සිව්වන මාසයට ආසන්න වන තෙක්, මෙම සන්ධිස්ථානය වන තෙක් ඔයාගේ සහාය දරුවට අවශ්‍යයි.
ඔසවන ආකාරය තෝරන්න
වඩා ගැනීම ආරම්භ වන්නේ දරුවාව එසවීමෙනුයි. ඔයා දරුවා ඔසවන්නට යන විට, එක් අතක් දරුවාගේ හිස යටින් ද අනෙක් අතක් දරුවාගේ තට්ටම් වලින්ද තබන්න. එතැන් සිට දරුවාගේ සිරුර ඔයාගේ පපුවේ මට්ටමට ඔසවන්න.
ඔයා ළදරුවාගේ හිස සහ බෙල්ලට සහය දක්වන තාක් කල්, වඩාගන්නා ආකාරය ඔයාට භාරයි. ඔයාගේ දරුවා සතුටු විය හැකි විවිධාකාර වඩා ගැනීම් කිහිපයක් තියෙනවා. ඔබ දෙදෙනාට වඩාත් පහසු ක්‍රමය තෝර ගෙන අත්හදා බලන්න.
තොටිල්ලේ ඉරියව්ව
ඔයාගේ අලුත උපන් බිළිඳා මුල් සති කිහිපය තුළ රඳවා තබා ගැනීමට ඇති පහසුම හා හොඳම ක්‍රමයකි:
ළදරුවා ඔයාගේ පපුවේ මට්ටමින් තිරස් අතට, දරුවාගේ බෙල්ලට ආධාර කිරීම සඳහා ඔයාගේ අත පහළ සිට ඉහළට තල්ලු කරන්න.
ඔයාගේ වැලමිටට ළදරුවාගේ හිස මෘදු ලෙස තබා ගන්න.
දරුවාගේ හිස ස්ථාන ගත කරන අතරතුර, ආධාරක හස්තය සෙමෙන් පහළට ගෙන යන්න.
ඔයාගේ නිදහස් අත වෙනත් දේවල් කිරීමට හෝ දරුවට අමතර සහාය ලබා දීමට තියා ගන්න. රූපයේ පරිදි.
උරහිස මත රඳවා තබා ගැනීම
ළදරුවාගේ ශරීරය ඔයාට සමාන්තරව දරුවාගේ හිස ඔබේ උරහිස් උසට ඔසවන්න.
ඔයාගේ පපුව සහ උරහිස මත හිස තබන්න.
එක් අතක් දරුවාගේ හිස සහ බෙල්ල මත තබා ගන්න, සහ අනෙක් අත ළදරුවාගේ තට්ටම් මත තබන්න. මේ ආකාරයට වඩා ගැනීමෙන් ළදරුවාගේ හෘද ස්පන්දනය ඇසීමටද ඉඩ ඇත.
බඩින් අල්ලාගෙන සිටින්න
දරුවාගේ හිස වැලමිට දෙසට තබා ඔබේ ඉදිරි අත දිගේ දරුවා මුණින් අතට තබන්න.
දරුවාගේ පාද ඔයාගේ අතේ දෙපසින් දමා ගන්න. දරුවා සුළු කෝණයකින් සිටියි.
ළදරුවාට ගුඩුස් යැවීමට අවශ්‍ය නම් මෙම ක්‍රමය ප්‍රයෝජනවත් වෙනවා.
උකුල මත තබා ගැනීම
පුටුවක වාඩි වී ඔයාගේ පාද බිම තබාගෙන දරුවාව උකුලේ තබන්න. දරුවාගේ හිස ඔයාගේ දණහිස ගාවට තබාගන්න.
ආධාරය සඳහා අත් දෙකෙන්ම දරුවාගේ හිස ඔසවන්න. ළදරුවාගේ පාද ඉණට තදින් ඇලවිය යුතුයි.
ඔයා ළදරුවන් වඩා ගෙන සිටින අතරතුර දරුවාගේ මනෝභාවය කෙරෙහි අවධානය යොමු කරන්න. දරුවා කලබල වී හෝ අඬනවා නම්, එය දරුවාට වඩාත් සුවපහසු ගෙන දෙන වෙනත් විදිහකට වඩා ගන්න.
