කාලයක්‌ සමග සියල්ල වෙනස්‌ වෙනවා. වෙනස්‌ නොවන කිසිදෙයක්‌ නොමැති අතර වෙනස්‌ නොවන එකම දෙය වෙනස්‌ වීම පමණක්‌ බව ඔබ අසා ඇති වදනකි. බුද්ධ දර්ශනයේ පදනම මෙම වෙනස්‌ වීම නැතහොත් අනිත්‍ය බවයි. ලෝකයේ පවතින ජීවී අජීවී සෑම දෙයක්‌ම වෙනස්‌ වෙමින් පවතින අතර එය සදාතනික සත්‍යකි. මෙම ක්‍රියාවලියෙන් මිදීමට කිසිවෙකුටත් නොහැකි අතර එය හඳුනාගෙන ඊට මුහුණ දීම කළ යුතුව ඇත.
මෙම වෙනස්‌ වීමේ ස්‌වභාවය ඔබගේ නිවසට පොදු ලක්‌ෂණයකි. අතිතයේ රජකම් කළ ප්‍රබල රජවරු තමාගේ රජ මාලිගයට තමාගේ බල පරාක්‍රමයේ සංකේතයක්‌ ලෙස ඉදි කර ඇති බව ඉතිහාසය පිරික්‌සීමේදී පෙනී යයි. එසේම පිය රජුq ඉදිකළ රජ මාලිගයට පුතා වෙනස්‌ කම් සිදු කර ඇත. නැතහොත් අලුතින් මාලිගාවක්‌ තනා ගන්නා ලදී. පොලොන්නරුවේ එකම ස්‌ථානයේ රජ මාලිගා තුනක්‌ ඉදිකර ඇත්තේ වාස්‌තු සිද්ධාන්ත ගලපා ගැනීමට බව පෙනී යයි. නූතනයේදී පියා විසින් ඉදිකරන මහ ගෙදර පුතා විසින් එ ආකාරයට පාවිච්චි නොකරන අතර යම් යම් වෙනස්‌කම් නැතහොත් නවීකරණයන් සිදු කරන බව පෙනේ. කාලයත් සමඟ සිදු වන නවතාවන්ට අනුව තමාගේ නිවාසය කළින් කලට කඩා බිඳ වෙනස්‌ කිරීම් සිදු කිරීම අවශ්‍ය දෙයක්‌ වුවද එහිදී සිදුවන වාස්‌තු මූල ධර්මයන්ගේ වෙනස්‌ වීම් පිළිබඳ ඔබව දැනුවත් කිරීම මෙම ලිපියේ ප්‍රධාන අරමුණ වේ.
තමා පදිංචි නිවස කඩා බිද වෙනස්‌ කිරීම් කිරීමට සිදු වන අවස්‌ථා පහත පරිදි හඳුනා ගත හැක.
1. දැනට පදිංචි නිවසට අලුතෙන් කොටසක්‌ එක්‌ කිරීමට හා අලුත්වැඩියාව.
2. මිලට ගත් නිවස නවීකරණය කිරීමට කොටසක්‌ එකතු කිරීම.
3. දැනට පදිංචි වී සිටින නිවසේ කොටසක්‌ ඉවත් කරමින් නව නිවසක්‌ ඉදිකිරීම.
ඉහත කුමන අවස්‌ථාවකදී වුවද ඔබගේ ගෘහයේ වාස්‌තු මූල ධර්ම වෙනස්‌ වන බව මතක තබා ගත යුතුයි. මෙසේ සිදු වන වාස්‌තු මූල ධර්මවල වෙනස්‌ වීම වල බලපෑම යහපත් හෝ අයහපත් විය හැකිය. තමාගේ කුසල් බලවත් නම් යහපත් දෑ සිදු වන අතර අකුසල් බලවත් නම් අයහපත් බලගැන්වීම් ඇතිවනු ඇත. ඔබ කළ යුත්තේ එවැනි වෙනස්‌කම් සිදු කිරීමේදී වාස්‌තු සිද්ධාන්ත පිළිබඳව සොයා බැලීම මිස අවදානමක්‌ ලබා ගැනීම නොවේ.
නිවසකට කොටස්‌ එකතු කිරීමේදී වෙනස්‌ වන ප්‍රධාන වාස්‌තු සිද්ධාන්තයන් මොනවාද යන්න පිළිබඳව ඔබ දැනුවත් විය යුතු අතර එවැනි ප්‍රධාන සිද්ධාන්තයන් පහතින් දක්‌වා ඇත.
1. බ්‍රහ්ම පාදය - දැනට පවතින බ්‍රහ්ම පාදයේ පිහිටන ස්‌ථානය වෙනස්‌ වේ.
2. ගෘහ පිණ්‌ඩය - දැනට බලගැන්වී ඇති ගෘහ පිණ්‌ඩය සම්පත් පරම මෛත්‍රී සිට වධ විපත් හා දක්‌වා වෙනස්‌ විය හැකිය.
3. ද්වාර සටහන - දැනට පවතින ද්වාරයන් පිහිටන දිශාවන් වෙනස්‌ විය හැකිය.
4. දිශානුගත කරණය - දැනට යහපත් දිශාවල ස්‌ථානගත වී ඇති ගෘහ අංග අයහපත් ස්‌ථාන වලට ස්‌ථාන ගත විය හැකිය.
5. මුල්ගල - පැරණි නිවසේ තිබූ මුල් ගල පෑගෙන ස්‌ථානයකට යෙදිය හැකිය.
6. පාද සටහන - ගෘහයක පාද සටහන ඉතා වැදගත් වාස්‌තු මූලධර්මයකි. මෙහිදී බිත්ති හා ද්වාර නන්දා/ ජයා/ පූර්ණා යන සුභ පාද වලින් ඉවත් වී භද්‍රdරික්‌කා යන අසුභ පාද වල පිහිටිය හැකිය.
7 වහලයේ වෙනස්‌ වීම් - වහලයේ හැඩතල හා පරාල කුරුපා යටලී ආදිය මෙන්ම පිහිලි හා වතුර බැස යන පල වල ස්‌ථානය වෙනස්‌ විය හැකිය.
ඉහතින් පෙන්වා දුන් පරිදි ඔබගේ නිවසේ එක්‌ බිත්තියකින් අඩි 1 ක්‌ හෝ 2 ක්‌ වෙනස්‌ වීම යනු එම නිවසේ වාස්‌තු මූලධර්මද එයට අනුරූපව වෙනස්‌ වන බව සිතන්න. ඔබ විසින් නිවසට හිතුමතේට සිදු කරනු ලබන එකතු කිරීම් සිදු කිරීමට පෙර එම වෙනස්‌කම් කළ පසු නිවසේ සිදු වන වාස්‌තු වෙනස්‌ වීම් පිළිබඳව විශේෂ අවධානය යොමු කළ යුතුය. එහිදී ඔබ සෑම වීටම වාසියක්‌ මිසක්‌ අවාසියක්‌ සිදු නොවේ. ඔබගේ නිවසේ සෑම කටයුත්තක්‌ම වාස්‌තු සිද්ධාන්තවලට අනුව ගළපා ගැනීම තුළ සෑම වීටම සිදුවන පාඩු අවම කර ගත හැකිය.
නිවසකට කොටසක්‌ එකතු කිරීමේදී වාස්‌තු නොසලකා හැරීම නිසා ඔබට සිදු වන පාඩු
1 ගෘහ පිණ්‌ඩය වෙනස්‌ වන නිසා - නිවස සෑදීම නතර වීම සහ ප්‍රමාද වීම.
2 බ්‍රහ්ම පාදය වෙනස්‌ වීම - ලෙඩ දුක්‌ හා මූල්‍ය හානි සිදු වීම.
3 ද්වාර සටහන වෙනස්‌ වීම - නිවසේ සමගිය බිඳ වැටීම.
4 මුල් ගල පෑගීම - ගෘහ හිමියාගේ මරණය හා නිවස හැර යාම.
ඔබ විසින් ඔබගේ දැනට ඇති නිවසේ කුමන හෝ වෙනස්‌ කිරීමක්‌ සිදු කිරීමේදී ඊට ප්‍රථම වාස්‌තු සිද්ධාන්ත ගලපා ගැනීමට උත්සාහ ගත යුතුය. එවිට ඔබට සිදුවන අයහපත් සියල්ල මගහැරී යහපත හා වාසනාව උදාකර ගත හැකි බව සිතන්න. විශේෂයෙන්ම දරුවන් ලැබීමට සිටින මව්වරු සිටින නිවාසවලට කොටස්‌ එකතු කිරීම ගැබිනි කාලය තුළ නොකිරීමට වග බලා ගත යුතුය.
ඔබගේ පැරණි නිවසට කොටසක්‌ එකතු කිරීමේදී දැනට ඔබගේ නිවසේ පවතින වාස්‌තු දෝෂ ඉවත් කර ගැනීමට ඔබට ලැබෙන මහඟු අවස්‌ථාවක්‌ බව සිතන්න. දැනට පවතින ගෘහයේ ඇත්තේ අයහපත් වර්ග අඩි ප්‍රමාණයක්‌ නම් ඔබගේ ගෘහයේ ගෘහ පිණ්‌ඩය ඉතා යහපත් ලෙස ගලපා ගත හැකි අවස්‌ථාවකි. එසේම ඔබගේ බ්‍රහ්ම පාදය දුර්වල වී තිබෙන විට සක්‍රීය කිරීමට මෙන්ම නිවසේ අනෙකුත් දුර්වල වාස්‌තු මූල ධර්මයන් සක්‍රීය කොට යහපත් කිරීමට මෙම නව එකතු කිරීම් යොදා ගත හැකි බව තරයේ සිහිතබා ගත යුතුය.
එසේම ඔබගේ මංගල ද්වාරය වෙනස්‌ කිරීමට අවශ්‍ය වන සෑම වීටම එය ගැළවීම නැකතකට සිදු කළ යුතු අතර නැවත එය තැබීමද නැකතකට කළ යුතුය. එසේම පැරණි නිවසේ වහලයේ දැව ගැලවීමටද සුභ මුහුර්තියක්‌ ලබා ගත යුතු අතර නැවත දැව තැබීමේදී ගෘහ හිමියාගේ ජන්ම නැකතට ගැළපෙන දැව වර්ගයක්‌ එක්‌ කර වහලයට තැබීමට වගබලා ගත යුතුය.
ඔබගේ නිවසට කොටසක්‌ එකතු කිරීමේදී එය ආවාට ගියාට සිදු නොකරන්නට සිහි තබා ගත යුතුය. යහපත් මෙන්ම අයහපතද සිදුවන බව කිව යුතුය. එය මුලින් හඳුනාගන්නට තරම් අප සතු ශිල්ප ඥානය තිබෙන නිසා අවදානමක්‌ භාර නොගෙන වාස්‌තු ශිල්පයේ සහාය ලබා ගෙන ඔබගේ ගෘහය වාසනාවන්ත ලෙස නවීකරණය කර ගන්න උත්සාහ ගත යුතුය. එය ඔබගේ ආර්ථිකයට මෙන්ම රටේ ආර්ථිකයටද සහනයක්‌ වන බව සිතන්න. අප සිදු කරන සෑම දෙයක්‌ම අවසාන බලාපොරොත්තුව සතුටින් ජීවත් වීමට නම් ඒ සඳහා Rෂිවරු අපට ලබා දුන් මෙම පැරණි ශිල්ප ක්‍රමවල පිහිට ඔබත් ලබාගන්න. දැන හෝ නොදැන වාස්‌තු එකඟ වීමට ඉඩ නොදී සිහියෙන් යුතුව වාස්‌තු ශිල්ප ක්‍රම යොදා ගෙන ඔබේ ජීවිතය සතුටින් නීරෝගමත්ව ගත කිරීමට සොබා දහමේ ශිල්ප ඥානය ඔබ වෙත බෙදා දීම මාගේ උත්සාහයයි.
