අනෝදා මාලුවෙන් වකුගඩු ගල් දුරලමු

පිරිමියෙකුට වකුගඩු ගල් හටගන්නේ වයස 30 න් පසුවයි. එහෙත් ඊට පෙරත් වකුගඩු ගල් මතුවිය හැකි අවස්‌ථා තිබෙනවා. අධික රුධිර පීඩනය, දියවැඩියාව, ස්‌ථුලභාවය යන කාරණා නිසාත් වකුගඩු ගල් හටගන්නවා.

ප්‍රශ්නය - පසුගිය සති කිහිපය තුළ අප මුත්‍රා බොක්‌කේ ගල් සහ පිත්තාශයේ ගල් ගැන වැදගත් සාකච්ඡා කිහිපයක්‌ ඔබ සමඟ කළා. මේ සතියේ අපට පාඨකයන්ගෙන් ඉල්ලීම් රැසක්‌ ලැබුණා. වකුගඩු ගල් ගැන තොරතුරු ලබා දෙන ලෙස. මොනවද මේ වකුගඩු ගල්.

වෛද්‍ය සමන් රන්ජන් මුහන්දිරම්, බටහිර වෛද්‍ය විද්‍යාවේ හැටියට වකුගඩු ගල් හඳුන්වන්නේ ඹරදකසඑයස්‌sසි යන නමින්. ඒවා වකුගඩු තුළ නිර්මාණය වී පසුව මුත්‍රා මාර්ගය ඔස්‌සේ ශරීරයෙන් පිටතට යනවා. මෙවැනි ගල්වලින් කුඩා ප්‍රමාණයේ ඒවා කිසිදු රෝග ලක්‍ෂණයක්‌ පහළ නොකරම මුත්‍රා සමඟම මුත්‍රා මාර්ගයෙන් පිටව යනවා. එහෙත් වකුගඩු ගලක්‌ සෙ. මී. 5 ට වඩා වැඩි වුණොත් එයින් මුත්‍රා මාර්ගය අවහිරවීම සහ යටිබඩ වේදනා දීම සිදුවෙනවා.

ප්‍රශ්නය - වකුගඩු ගලක්‌ හටගන්නා බව දැනගන්නෙ කොහොමද?

වෛද්‍ය සමන් රන්ජන් මුහන්දිරම් - යටි බඩේ වේදනාවක්‌ තිබෙනවා නම් අල්ට්‍රා සවුන්ඩ් ස්‌කෑන් එකක්‌ මගින් පරීක්‍ෂණයක්‌ කර වකුගඩු ගල් තිබෙනවාද යන්න බලාගත හැකියි. නැත්නම් Cඔ ස්‌කෑන් පරීක්‍ෂණයක්‌ මගිනුත් මෙය සොයා ගත හැකියි.

ප්‍රශ්නය - වකුගඩු ගලක්‌ හටගත් විට වේදනා ඇති වන්නේ ශරීරයේ කවර තැන්වලද?

වෛද්‍ය සමන් රන්ජන් මුහන්දිරම් - වකුගඩු ගලක්‌, වකුගඩුවෙන් මිදී මුත්‍රා මාර්ගයට අවතීර්ණ වනතුරු වේදනාවක්‌ හටගන්නෙ නැහැ. එසේ වකුගඩු ගලක්‌ මුත්‍රා මාර්ගයට අවතීර්ණවීම සඳහා ටික කලක්‌ ගතවෙනවා. එහෙත් එය මුත්‍රා මාර්ගයට වැටී එම මාර්ගය අවහිර කිරීම පටන් ගත් විට වේදනාව හටගන්නවා. යටිකය, උකුල් ඇට ප්‍රදේශය සහ ඉලඇටවල පහළ කොටස මෙසේ වේදනාවට ලක්‌වෙනවා.

ප්‍රශ්නය - වකුගඩු ගල් හටගැනීමේ ප්‍රතිශතය කෙබඳුද?

වෛද්‍ය සමන් රන්ජන් මුහන්දිරම් - බොහෝවිට පිරිමියෙකුට වකුගඩු ගල් හටගන්නේ වයස 30 න් පසුවයි. එහෙත් ඊට පෙරත් වකුගඩු ගල් මතුවිය හැකි අවස්‌ථා තිබෙනවා. අධික රුධිර පීඩනය, දියවැඩියාව, ස්‌ථුලභාවය යන කාරණා නිසාත් වකුගඩු ගල් හටගන්නවා.

ප්‍රශ්නය - නිවිති වැඩිපුර අනුභව කළ විට වකුගඩු ගල් හටගන්නා බව කියනවා. එය ඇත්තක්‌ද?

වෛද්‍ය සමන් රන්ජන් මුහන්දිරම් - ඔව්· ප්‍රමාණය ඉක්‌මවා නිවිති කන විට වකුගඩු ගල් හටගන්නවා. නිවිතිවල ඔක්‌සෙලේට්‌ නමැති රසායනික ද්‍රව්‍ය බහුලව තිබෙනවා. එසේම සමහර තද කොළ පැහැති පලා වර්ගවල ඔක්‌සලේට්‌ බහුලයි.

ප්‍රශ්නය - මේ සඳහා සුදුසු අත් බෙහෙත් තිබෙනවද?

වෛද්‍ය සමන් රන්ජන් මුහන්දිරම් -ප්‍රධානතම අත් බෙහෙතක්‌ ලෙස කටු අනෝදා ගෙඩි ව්‍යාංජනය හඳුන්වා දිය හැකියි. ග්‍රෑම් 500 ක්‌ පමණ බර අමු කටු අනෝදා ගෙඩියක්‌ ගන්න. එය කැබැලිවලට කපා ඇට ඉවත් කරන්න. ඉන්පසු පොල් මිරිකා දිය කිරෙන් තම්බා ලුණු ස්‌වල්පයක්‌ දමා හෝ නොදමා ආහාරයට ගන්න. බත් හෝ වෙනත් ආහාරයක්‌ සමඟ මිශ්‍ර නොකර මෙය පමණක්‌ සතියකට දෙදිනක්‌ එක ආහාර වේලක්‌ ලෙස ගත්තොත් හොඳයි. මෙය මේ විදියට මාස 2 ක්‌ කළ විට වකුගඩු ගල් ඉවත්වී මුත්‍රා මාර්ගයට වැටී මුත්‍රාශය ඔස්‌සේ මුත්‍රා සමඟ ඉවත්ව යනවා.

මේ අතර ඉදුණු කටු අනෝදා බ්ලෙන්ඩරයක දමා ජලය සමඟ මිශ්‍රකර ගසාගෙන බීම සාදා පානය කිරීම වකුගඩු ගල් ඉවත් කිරීම සඳහා ඉතාම යෝග්‍ය මගක්‌. සෙම් රෝග නැත්නම් මෙය හැමදාම වුණත් පානය කළාට වරදක්‌ නැහැ. සෙම් රෝග තිබේ නම් සතියකට 3 වරක්‌ මෙය පානය කරන්න. මෙය වකුගඩු ගල්වලට අත්දුටු ප්‍රතිකාරයක්‌.

නොමිලේ විස්‌තර සඳහා 0753224360/ 071 2277620/ 0815736155 අමතන්න.

Wmqgd .ekSu wdfrda.Hd mqj;a m; weiqfrks