මේ වසරේ අවසන් ග්‍රහ මාරුව

ග්‍රහලොව රාශි වළල්ලේ පියා හෙවත්, ග්‍රහ ලොව පාලක ග්‍රහ තාරකාව වන රාජ්‍යකාරක රවි ග්‍රහ මාරුව 2015 වසර නිමා වීමට පෙර සිදුවන අවසන් රවි මාරුව වන අතර මෙම රවි මාරුව ඉතාම ප්‍රබල ග්‍රහ මාරුවකි. විශේෂයෙන් රවි ධනුවට පිවිසෙන විට ඉතා වැදගත් අනෙක් ආලෝක ග්‍රහයා වන සඳු හෙවත් චන්ද්‍රයා ශනි හෙවත් සෙනසුරුට අයත් කුම්භ රාශියේ සම රාශි ගතව කුජට අයත් දෙනට නැකැතේ තෙවැනි පාදයේ තැන්පත්ව සිටී. ඒ අනුව මෙම ග්‍රහ මාරු දෙකම සැලකිල්ලට ගැනීමේදී කුම්භ ලග්න ලංකා කේන්දරය තුළ රවි බුධ සමඟ යෝගව 11 වැන්න හෙවත් අයස්ථානයේ සඳු ලග්න භාවයේමත් තැන්පත් වීම අප රට පැත්තෙන් බැලූ කල යම් පමණක සුබවාදී ග්‍රහ තත්ත්වයකි. මේෂ ලග්න ලෝකායතන කේන්දරය අනුව රවි බුධ සමඟින් 9 වැන්නේ හෙවත් පුණ්‍යස්ථානයේ තැන්පත් වන අතර සඳු 11 වැන්න හෙවත් අයස්ථානයේ තැන්පත්ව සිටී.


ඒ අනුව මෙම ප්‍රධාන ආලෝක ග්‍රහයන් දෙදෙනාගේ ග්‍රහ ගෝචරය සලකා බැලීමේදී විශේෂයෙන් මෙම ග්‍රහමාරුව රාජ්‍ය පාලක ඇත්තන්ට ඉතාමත් යහපත් වනු ඇත. පැවැති බාධා දුරු වී යන කාලයකි. රටට ලැබෙන විදේශ ආධාර ඉහළයනු ඇත. විදේශීය සහයෝගය මෙන්ම ගෞරවයද අප රට කෙරෙහි මෙම කාලසීමාව තුළ ලැබෙනු ඇත. සංචාරක ව්‍යාපාරය වර්ධනය වන කාලයකි. නව ආරංචි ගලා එන කාල සීමාවක් වනු ඇත. ඉදිකිරීම් ක්‍ෂේත්‍රයේ කැපී පෙනෙන දියුණුවක් ඇති වනු ඇත. ජනතාවගේ ලැබීම් අංශය වැඩිදියුණු වන කාලයකි. පසුගිය කාලයේ පැවැති කාලගුණ, දේශගුණ විපර්යාස, ළමා හිංසනය, රිය අනතුරු, මංකොල්ල, අපරාධ යම් පමණක අඩුවීමක් මෙම කාලය තුළ දැක ගත හැකි වනු ඇත. එසේම මෙම ග්‍රහ මාරුව මිථුන, කටක, කන්‍යා, වෘශ්චික, මකර, කුම්භ, මීන යන ලග්න හිමියන්ටත් රවි, සඳු මහ දශා අතුරු දශා ගතකරන්නන්ටත් ඉතා යහපත් හා සුබ ප්‍රතිඵල උදා කරනු ඇත.


මේෂ ලග්නය
අලුත් නිවාස
ඔබට මෙම කාලය තුළ බලවත් තනතුරු ලැබෙන අතර ප්‍රධානීන්ගේ සිත දිනාගැනීමට අවස්ථාව උදා වනු ඇත. අලුතින් නිවාස ඉදිකිරීමට හා දේපළ මිලදී ගැනීමටත් මෙම කාලය සුබයි. විදේශ ගමන්වලට එක්විය හැකිය. පවුල් ජීවිතය තුළ පැවැති ගැටුම් සමනය වන අතර තම සහකාරියගෙන් හෝ සහකරුගෙන් ධනය ලැබීමටද හැකිය. පැවැති රෝග සුව වන අතර සෞඛ්‍ය තත්ත්වය යහපත්ය.
වෘෂභ ලග්නය
ගැහැනු දරුපල
මහන්සියේ තරමට ප්‍රතිඵල ලබා ගත නොහැකිය. ඥාතීන් සමඟ හිතවත්කම් ඉහළ යෑමට හේතු වනු ඇත. ගැහැනු දරු ලාභ ඇති වන අතර යම් යම් අංශවලින් සුබයි. ඔබගේ අධ්‍යාපනයට ඉතාම හොඳයි. ඒ වගේම රැකියා ස්ථානයෙන් උසස්වීමක්ද හිමිවීමට ඉඩ තිබෙනවා. ආගමට දහමට නැඹුරු වන කාලයකි. ශරීර සෞඛ්‍ය යහපත් වන අතර ඔබට සමාජයේ ගෞරවය හිමි වනු ඇත.


මිථුන ලග්නය
යුගදිවියට බාධා
අලුතින් නිවාස ඉදිකිරීමට හා දේපළ මිලදී ගැනීමටත් මෙම කාලය සුබයි. රැකියා සම්බන්ධ කටයුතුවල දැඩි අර්බුදකාරී තත්ත්ව ඇති වනු ඇත. පපුවේ සෙම් අමාරු හා ලේ සම්බන්ධ රෝගාබාධ ඇතිවිය හැකිය. රෝහල්ගත වීමේ අවදානමකුත් තිබෙනවා. සෙම් රෝග බහුල වන අතර යුගදිවි සමඟියට බාධා ඇති වනු ඇත.
කටක ලග්නය
ප්‍රසිද්ධිය හා කීර්තිය
හදිසි ගමන් බිමන් යෑමට අවස්ථාව සැලසෙන අතර වන්දනා ගමන් හා දුරගමන්ද යෙදීමට ඉඩ ඇත. ඔබට ප්‍රසිද්ධිය හා කීර්තිය ලැබෙන කාලයකි. ඇස්වහ කටවහ දෝෂ හටගැනීමේ ප්‍රවණතාවක් ඇත. රෙදිපිළි හා වස්තු ලාභ ලැබෙන කාලයකි. ශරීරයේ අලංකාරයට අවශ්‍ය දේ මිලදී ගැනීමට අවස්ථාව ලැබෙන අතර මෙම කාලයේදී ප්‍රණීත රසමුසු ආහාර ද ලැබීමේ හැකියාව පවතී.


සිංහ ලග්නය
වන්දනා ගමන්
විවාහ ජීවිතයේ කරදර හා බාධා මෙම කාල සීමාව තුළ යම් පමණකට උදා වනු ඇත. හදිසි ගමන් බිමන් යෑමට නිතර අවස්ථාව සැලසෙන අතර වන්දනා ගමන් හා දුර ගමන් යෙදීමට ඉඩ ඇත. ශරීර සැප නොලැබීම හා ඔබ කාර්යබහුල වීමට ඉඩ ඇත. සහෝදරයකුට යම් අපලතාවක් පෙනේ. ආදායම් තත්ත්ව පහත වැටීම හා ගේ‍ෙදාර කටයුතුවලට බාධා ඇතිවීමට ඉඩ ඇත.
කන්‍යා ලග්නය
ලොතරැයි
සේවක ගැටලු හා ගෘහ නිර්මාණයකට සම්බන්ධව ගැටලු පැන නැඟීමට හැකිය. වා, පිත්, සම්බන්ධ රෝගාබාධ හට ගැනීමට අවස්ථා ඇත. ස්වයං රැකියාවල නිරතවන්නන්ට සුබ දායකය. පැවැති රෝගවලින් සුවය ලැබේ. ශරීරය පැහැපත් වනු ඇත. ගෘහ ජීවිතය සතුටුදායකය. රැකියාවේ උසස්වීම් වගේම වෙනස්වීම්ද බලාපොරොත්තු විය හැකිය. නීතියට එරෙහිව කටයුතු කිරීම නිසා මුදල් හෝ රැකියාවේ පාඩු සිදු විය හැකිය. ලොතරැයි ජයග්‍රහණ හිමි වන කාලයකි.
තුලා ලග්නය
සතුරු කරදර
සතුරු කරදරයකින් ජය ගත හැකිය. බලාපොරොත්තු වූ ණය මුදලක් ලැබීමට හැකිය. මුත්‍රා අමාරු හෝ සෙම්රෝග ඇතිවීමට ඉඩ ඇත. ඔබට මෙම කාලය මිශ්‍ර ඵල දායකවෙයි. අසනීපවලින් යම් සුවයක් අත්වෙයි. ගෘහ ජීවිතය තුළ වැය පක්ෂය ඉහළ යනු ඇත. එදිනෙදා කටයුතුවලද යම් ආවේගශීලී තත්ත්වයක් දක්නට ලැබේ. උසස් කෙනකු හෝ අසල්වාසීන් සමඟ අමනාප වීමට ඉඩ ඇත. දරුවන්ගේ කටයුතු වර්ධනය වන අතර රැකියාවේ ඉදිරි ගමනට යම් යම් බාධා ඇති විය හැකිය. සමාජයේ පිළිගැනීම ඇතිවන අතර ඔබට අසල්වැසියන්ගෙන් නම් පොඩි පොඩි බාධාද ඇතිවිය හැකියි.


වෘශ්චික ලග්නය
තනතුරු ලාභ
ඔබගේ පවුලේ හෝ හිතවතකුට ඇති වන අසනීප තත්ත්වයක් නිසා ඔබට බොහෝ කාලය, ශ්‍රමය, ධනය ඒ වෙනුවෙන් ගත කිරීමට සිදුවනු ඇත. පසුගිය දිනවල පැවැති බාධා යම් පමණක ඉවත් වෙයි. තනතුරු ලාභ ලැබෙයි. ඉගෙනීමේ කටයුතු සාර්ථක වන අතර අධ්‍යාපන හා උසස් අධ්‍යාපන කටයුතු සාර්ථක වන අතර අලුතින් අරඹන කටයුතු ද මේ කාලයේ සාර්ථක වෙයි. එසේම මේ කාලසීමාව තුළ ශරීර සෞඛ්‍ය යම් පමණකට පිරිහීමට හැකියාව පවතිනවා. සිතේ ඇතිවන මානසික අසහනය දුරු වෙයි. දරුවන්ගේ දියුණුවට කටයුතු යෙදේ.


ධනු ලග්නය
ලෙඩදුක්
ඇස් රෝග හා මුත්‍රා අමාරු ඇතිවිය හැකිය. මේ කාලයේදී තම ශරීර සෞඛ්‍ය ගැන විමසිලිමත් වීම වැදගත්. විශේෂයෙන් අහුවෙන්නේ නැති ලෙඩ හැදෙන්න පුළුවන්. ඒ නිසා සුබ වගේම අසුබ පලත් ලැබෙනවා. මේ කාලසීමාව තුළ ශරීර සෞඛ්‍ය පිරිහීමට හැකියාව පවතිනවා. නමුත් ආදායම් තත්ත්වය යම් ප්‍රමාණයකට වර්ධනය වෙයි. සමාජ සේවා පොදු කටයුතුවලින් ගෞරවය හා පිළිගැනීම ඔබට ලැබෙයි. පරම්පරා ගත දේපළ වාසි හිමිවෙයි.
මකර ලග්නය
දේශපාලනයට සුබයි
කාලයක් පැවැති රෝගාබාධවලින් සුවය ලැබෙන කාලයකි. මෙතෙක් කාලයක් අඩාලව පැවැති යම් යම් කාරණා ඉටු වන කාලයකි. ඉහළ රැකියා හා රැකියා උසස්වීම් මෙන්ම නව රැකියා අවස්ථා උදා වනු ඇත. විවාහ බාධා ඇතිවීමට ඉඩ ඇත. සහෝදරයකුට අපලතාවක් පෙනේ. ලැබීම් අඩාල වන කාලයකි. දේශපාලනයේ නිරත අයට සුබදායක වනු ඇත.


කුම්භ ලග්නය
උසස්වීම්
ඔබගේ ජනප්‍රියතාව ඉහළ යන කාලයකි. රැකියාවේ උසස්වීම් බලාපොරොත්තු විය හැකිය. පවුල් ජීවිතය යහපත් වන අතර ආදායම් තත්ත්වය ඉහළ යනු ඇත. අලුතින් නිවාස ඉදිකිරීමට හා දේපළ මිලදී ගැනීමටත් මෙම කාලයේදී සිත යොමු වෙයි. පැවැති නඩු හබවලින් පහසුවෙන් ජය ගත හැකිය.
මීන ලග්නය
කාර්යබහුලයි
මෙම කාලයේ නෑයෙක් හෝ හිතවතුන් සමඟ අමනාප වීමට ඉඩ ඇත. බලාපොරොත්තු වූ ණයක් ලැබෙයි. කාර්ය බහුල කාලයකි. සහෝදරයන්ට අසුබ වෙයි. කෙටි ගමන් බිමන් නම් අධික වෙයි. විමසිලිමත් වීම වැදගත්. අනතුරුවලට ලක්විය හැකියි. සහෝදරයන්ට අසුබ වෙයි.

Wmqgd .ekSu u