iranama
මිථුන ලග්න හිමියා වාසනාව උදාකරගත යුත්තේ මෙහෙමයි
මිථුන ලග්නයෙන් උපන් ඔබ මිනිස් ජීවිතය පිළිබඳවත් මානුෂිකත්වය පිළිබඳවත් හොඳ දැනීමක් ඇති අයෙකි. ඕනෑම කෙනකුගේ සිත් ගන්නා කතා විලාසයක් ඔබ සතුය. මේ නිසා මහජනයා තමා වෙත ආකර්ෂණය කර ගැනීමේ ශක්තිය ඇති වේ. වෙළෙඳ ව්‍යාපාරවලට මෙන්ම මහජනයා සමග කරන වෙනත් කටයුතුවලටද මෙය ඉතා ප්‍රයෝජනවත් වේ. ස්ථානෝචිත ප්‍රඥාවෙන් යුක්ත නිසා ඔබට අවස්ථාව අනුව හොඳින් කටයුතු කළ හැකි වේ. ඕනෑම කෙනකු සමග සුහදව කටයුතු කිරීමට ඔබ සමත් වේ. හවුල් ව්‍යාපාරවලින් බොහෝ ලාභ ලබාගත හැකි වේ. බොහෝ විට කලාවට රුචියක් දක්වයි. ඒ පිළිබඳව දක්ෂතාද ඇති වේ. කලා කටයුතු හා ජනමාධ්‍ය අංශයේ කටයුතු කිරීම දියුණුවට හේතු වේ. තමන් කරන රැකියාව සිත් ගන්නා අයුරින් කිරීමට දනී.
ඉතා ඉක්මනින් මිතුරන් ඇති කර ගැනීමට ඔබට ශක්තිය ඇත. රටේ තොටේ කවරකු හෝ ඔබට ප්‍රයෝජනවත් යයි සිතුණොත් ඔහු හෝ ඇය සමග මිත්‍රත්වයක් ගොඩ නගා ගෙන සුහදව කටයුතු කළ හැකි වේ. දක්ෂ කථිකත්වයක් ද ඔබ සතුය. රැකියා දෙකක් එකවර කිරීමේ ශක්තිය ඔබ වෙත ඇත. මේ ශක්තියෙන් ප්‍රයෝජන ගැනීමෙන් ඔබේ ආදායම දෙගුණ කර ගත හැකි වේ.
තම වයසට වඩා බාල අය ඇසුරු කිරීමට කැමැත්තක් දක්වයි. වැරදි වැඩ නොකරයි. ලද දෙයින් සතුටු වීමේ ගුණය ඔබ සතු වටිනාම එකකි. දකින දකින දේවල් මිලදී ගැනීමට ඔබ ගියොත් වටිනා කාලයත් මුදලත් අපතේ යනු ඇත. තම කටයතු තමන්ම කිරීම යහපත් වේ. එය අනුන් ලවා කරවීමට ගියොත් සමහර විට ඔබ බලා‍පොරොත්තු වූ ප්‍රතිඵල නොලැබි යන්නට ඉඩ ඇත. අදහස් පාලනය කර ගැනීමේ හැකියාව ඔබ සතුය. අදහස් නැගී එන තරමට ඒවාට ගැති වී ක්‍රියාත්මක කිරීමට ගියොත් ඔබ අමාරුවේ වැටීමට ඉඩ ඇත.
තමා ගන්නා තීරණ වෙනස් කිරීම ස්ථිරත්වයට බාධාවකි. ස්ථිර ගතිය පවත්වා ගැනීමට ගෙන ගියොත් ජයග්‍රහණ ළං කර ගත හැකි වේ. ඔබ නොදන්නා දේ දන්නා ලෙස පෙන්වීමට යාමෙන් කරදරයට පත් විය හැකිය. පටන් ගත් වැඩය අවසන් නොකර තවත් වැඩකට අත ගැසීමට යාම නිසා වැඩ ගොඩ ගැසී එකක්වත් නිම කිරීමට අ‍පොහොසත් වේ. ඒ නිසා පටන් ගත් වැඩය නිම කොට ඊට පසු වෙනත් වැඩක් පටන් ගත යුතුය.
ඒ සඳහා කාලය හා ධනය වැය නොකරයි. අන්ධානුකරණයෙන් ආගම වෙනුවෙන් කටයුතු නොකරයි.
ඕනෑවට වඩා අනුකම්පා ගතිය තමන්ට කරදර ඇති කරවන සුලුය. තමන් කරන වැඩ කටයුතු නිසියාකාර කිරීමට උත්සාහ කළ යුතුය.
අනුන්ගේ ප්‍රශ්න තමන් වෙත පවරා ගැනීම නිසා ඔබ ඕනෑ කමින් කරදර විඳියි. තම විවේකී බව නැති කර ගනී. මෙවැනි දේවලින් මිදී යහපත් ජීවිතයක් ගත කිරීමට ඔබට ධෛර්යය හා වාසනාව ඇත. සිත එක අරමුණක තබා ගැනීමේ ශක්තිය ඔබට අඩුය. සිත චංචලය. ඔබ මේ ගතිය වෙනස් කර ගත යුතුය. දිනකට විනාඩි පහක්වත් භාවනාව ප්‍රගුණ කිරීම ඔබ වැනි අයට ඉතා හොඳය. රසවත් කෑමට ගිජුය. ඇවිදීමට ප්‍රිය වේ. ඇවිදීමට හේතුවක් නැත්නම් හේතුවක් සාද ගනී. සඟවන දේ නැත. කිව යුතු දේ එළිපිටම කියයි. ඔබ මිතුරකු ලෙස ඇසුරු කිරීමට ඉතා හොඳය. ඒ ඔබ මිත්‍ර ධර්මය රැකෙන පරිදි කටයුතු කරන නිසාය.
ඔබේ ශුභ දවස් වනුයේ බ්‍රහස්පතින්දා සහ බදාදාය. සඳුදාද තරමක ශුභ දවසකි. ඉරිදා සාමාන්‍ය දවසකි. අඟහරුවාදා, සිකුරාදා සහ සෙනසුරාදා ඔබට ශුභ අශුභ දෙකින්ම යුක්ත නිසා ඒ දවස්වල ආරම්භ කරන වැඩවලින් ශුභ ඵල මෙන්ම අශුභ ඵලද ලැබිය හැකිය.
සැලසුම් සහගතව වැඩ නොකිරීමේ පුරුද්ද ඔබ අසාර්ථකත්වයට පත් කරයි. කුමන වැඩක් හෝ කිරීමට මත්තෙන් සැලසුම් කිරීම සාර්ථකත්වයට මග පාදයි. කටට එන දෙයක් ඔහේ කීවත් එය අන්‍යයන්ට මිහිරි වීම ඔබේ ජනප්‍රියත්වය දිගටම පවත්වාගෙන යාමට හේතු වේ. තව ටිකක් සිතා මතා කතා කළොත් බොහෝ දෙනා තමා වටේ සිටිනු ඇත. බොහෝ විට බුද්ධිය මෙහෙයවා කරන රැකියාවක් තෝරා ගනී. පත පොත සම්බන්ධව කෙරෙන අධ්‍යාපන ක්‍ෂේත්‍රයේ ජනමාධ්‍ය ක්‍ෂේත්‍රයේ රැකියා කිරීම දියුණුවට හේතු වේ.
විරුද්ධ ලිංගිකයන් වෙනුවෙන් අනවශ්‍ය පරිදි මුදල් වැය කිරීමට ඉදිරිපත් වන ගතියක් ඔබ තුළ ඇත. විවාහ වීමට කලින් තම පෙම්වතා හෝ පෙම්වතිය වෙනුවෙන් බොහෝ මුදල් වැය කරන අය අතර මිථුන ලග්න කාරයින් වැඩියෙන් ඇත. මෙම දුර්වලකම නිවැරදි කර ගත යුතුව ඇත. තම ධනය ආරක්ෂා කර ගැනීමට කටයුතු කරන්න. තම උත්සාහයෙන් ව්‍යාපාර කටයුතු කරගෙන යන අයුරු යහපත් වේ. ඒ සඳහා ඔබ අනුන්ගේ උදව් නොගනී. තම උත්සාහයෙන් ඉදිරියට යාමේ ශක්තිය ඇත. ඔබට ජය නියතය. පවු‍ලේ දියුණුව ගැන පොදුවේ කටයුතු කිරීම විනා තම පෞද්ගලික දියුණුව ගැන උනන්දුව දැක්වීම අඩුය. විශේෂයෙන් තම දියුණුව ගැන කටයුතු කළ යුතුය. ආගමට ලැදිය. රැකියාව සම්බන්ධයෙන් සහ හවුල් කටයුතු සම්බන්ධයෙන් බ්‍රහස්පතින්දා යෝග්‍ය වේ. ඉඩකඩම් හා ගෙවල් දොරවල් සම්බන්ධ කටයුතු බදාදා ආරම්භ කිරීමෙන් යහපත් ප්‍රතිඵල ලැබේ. පෞද්ගලික කටයුතු සඳහාද ශුභ වනුයේ බදාදාය. ඉතිරි කිරීමේ කටයුතු සඳහා සඳුදා යෝග්‍ය වේ. ඔබට වැඩියෙන්ම ශුභ වර්ණය වනුයේ රන්වන් පාටය. ඊළඟට කොළ පාටද සුදු පාටද ශුභ දායක වේ. නිතර ඇස ගැටෙන ඇඳුම් පැළඳුම් දොර ජනෙල් රෙදි, ඇඳ ඇතිරිලි ආදියට මේ වර්ණ යොදා ගැනීම වාසනාව උදා වීමට හේතුයි. රන්වන් පාට මැණිකක් රන් මුද්දක අල්ලා පැළඳීම භාග්‍යය උදා කරයි. 3 සහ 5 අංකද යම් කිසි සංඛ්‍යාවක අංක එකතු කිරීමෙන් ඉහත අංක ලැබේ නම් එම සංඛ්‍යාද ඔබට ජය උදා කරයි. උදා:-21,23 විශේෂ කටයුතු සඳහා ශුභ දවස් යොදා ගන්න. විශේෂ අවස්ථා සඳහා ශුභ වර්ණ වලින් යුත් ඇඳුම් අඳින්න 3 වැනිදා, 5 වැනිදා, 21 වැනිදා ආදී වශයෙන් ජය අංක වලට අදාළව විශේෂ කටයුතු සඳහා දින යොදා ගන්න.
Wmqgd .ekSu ,la
