නව වසරේ ලොතරැයි දිනුමක් ලග්න ‍ෙදාළහටම සුබ නැකැත්

දිනෙන් දිනම රට තුළ උදාව පවතින ගැටලු නිරාකරණය කර ගැනීමට තම ආර්ථිකය සවිමත් කර ගැනුමට කුමන තරාතිරමක අයකු වුවද තමන් කරනු ලබන කුමන හෝ රැකියාව තුළින් ලබන ආදායමට වඩා වෙනත් ආකාරයකටද අමතර මුදලක් සොයා ගැනීමට උත්සුක වන කාලයකට වර්තමානයේදී පෙරටත් වඩා පෙලඹෙමින් සිටින බව පැහැදිලි වෙයි.


ඒ හේතුව මත පෙරට වඩා ජනතාව ලොතරැයි පත් මිලදී ගැනීමට පෙලැඹී සිටින අතර එමඟින් තම වාසනාව උරගා බැලීමට පෙලැඹී සිටී.
කුමන අරමුණක් ඉටු කර ගැනීමේදී වුවද අෑත අතීතයේ සිට අප රටේ ජනතාව එකී පරමාර්ථ ඉටු කර ගැනීම සඳහා අවශ්‍ය උපදෙස් නිසි පරිදි ලබා ගැනීමට ගමේ සිටින දෛවඥ මහතා හෝ වෙද මහතාද, විහාරස්ථානයේ විහාරාධිපති හිමියන්ද හමුවී ජේ‍යාතිෂය මුල්කර ගෙන අවශ්‍ය උපදෙස් සැලැසුම් ලබා ඇත.
ඔබ ලොතරැයි පතක් මිලදී ගැනීමට එම වෙළෙඳ ස්ථානයකට සුබ වේලාවක පිටත්ව යා යුතුයි.


ඉරිදා, අඟහරුවාදා දිනක අස්විද, බෙරණ, කැති, රෙහෙන, මුවසිරස යන නැකැතකින්ද නන්දා තිථියකින්ද මේෂ, සිංහ, වෘශ්චික ලග්න උදාවන මොහොතක ගුරු හෝරාවේ පංචමයද, ශුෂ්මයද සලකා නැඟෙනහිර බලා පිටත් වීම තුළින් තම අපේක්ෂාවන් ඉටු කර ගැනීමට මාර්ගය උදාකර ගත හැකිය.
මේ ආකාරයට සඳුදා, බදාදා දිනයන්හි ආපෝ නැකැතකින්ද, භද්‍රා තිථියකින්ද සඳුදා දිනයක කටක ලග්නයෙන්ද, බදාදා දිනයකදී මිථුන, කන්‍යා ලග්නවලින්ද සිකුරුගේ හෝරාව පංචම ශුක්ෂ්මයෙන්ද දකුණ දිශාව බලා පිටත් වීම සුබ වන අතර කාල සම්පත්ති ජය මුහුර්තය නමින්ද හැඳින්වෙන ප්‍රබලත්වය පෙන්වා දෙයි.
එමෙන්ම විෂ්ණු සම්පත්ති ජය මුහුර්තය සේ සැලකෙන සෙනසුරාදා දින ආකාශ නැකැතකින්ද පූර්ණ තීර්ථයකින්ද, මකර හෝ කුම්භ ලග්නය උදා වන ශනි හෝරාවේ පංචමයෙන් ශුක්ෂ්මය බලා අහස දෙස බලා පිටත් වන්න.


ගුරු (බ්‍රහස්පතින්දා) දිනක තේජෝ නැකැතද, ඡායා තීර්ථයක් යෙදෙන ධනු හෝ මීන ලග්නයෙන් කුජ හෝරාවේ පංචම ශුක්ෂ්මයෙන් බටහිර බලා පිටත් වීම සුදුසු වන අතර ශ්‍රී සම්පත්ති ජය මුහුර්තය ලෙස සැලකෙන බවද සැලැකේ.
ඉරිදා දිනයක සිංහ ලග්නයද, අඟහරුවාදා දිනයක නම් මේෂ, වෘශ්චික ලග්නවලින්ද උදාවන මොහොතක පිටත්වීම සුබ වන අතර මෙය මහේෂ්වර සම්පත්ති යෝගය වශයෙන් සලකනු ලබයි.


සිකුරාදා දිනයක වායෝ නැකැතක්ද රික්තා තීර්ථයක්ද ඇතිව වෘෂභ, තුලා ලග්න උදාවන අවස්ථාවේ බුධගේ හෝරාවේ පංචම ශුක්ෂ්මය වේලාව බලා උතුර බලා පිටත් වීම සුදුසු වන අතර බ්‍රහ්ම සම්පත්ති යෝගය වශයෙන් සැලකෙන බැවින් ඉහත සඳහන් මෙකී වේලාවන් තුළ තම අපේක්ෂා ඉටු කර ගැනීමට උත්සාහ ගැනීම සුදුසු වෙයි.
මේ හා සමඟම ඕනෑම අයකුට තමන් උපන් ලග්නයට අනුවද සුබ හෝරාවක් උදාවී පවතින අතර ඒ අනුව ඔබේ ලග්නයට අනුව මෙහි සඳහන් වේලාවන් තුළ ලොතරැයි පත් මිලදී ගැනීම තුළින් ජයග්‍රහණය ලබා ගැනීමට හැකිවනු ඇත.


පෙර ආත්මවල කරන ලද කුසල් - අකුසල් මත යහපත හෝ අයහපත සිදුවන අතර තම ආත්ම ශක්තිය තුළ පෙර ආත්මවල කරන ලද කුසල් මතුවී අපේක්ෂා ඉටු කර ගැනීමට ලග්නයට අනුව යෙදෙන සුබ වේලාවන් තුළ ලොතරැයි පත් මිලදී ගැනීම තුළින් ඔබ වාසනාවන්තයකු බවට පත් කරනු ඇත.
මේෂ ලග්නයෙන් උපත ලද අයකු නම් සෙනසුරාදා බුධ හෝරාවෙන් උදේ කාලයේ 11-12 අතරද, සවස 6.00 - 7.00ත් අතරද තම ලග්නයට ජයග්‍රාහී මොහොත උදාවන බැවින් ඒ වේලාවට ලොතරැයි පත් මිලදී ගැනීම සුදුසු වෙයි.


වෘෂභ ලග්න හිමි අයට බ්‍රහස්පතින්දා බුධ හෝරාවෙන් උදේ 10.00ට සිට දහවල් 11.00 දක්වාද, සවස 3.00 සිට සවස 06.00 දක්වාද ලොතරැයි පත් මිලදී ගැනීම සුබදායක වෙයි.
මිථුන ලග්න හිමි අයට සිකුරුදා උදේ 09.00 සිට උදේ 10.00 දක්වා කාලය තුළද සවස 04.00 සිට සවස 05.00 දක්වා කාලය තුළද ලොතරැයි පත් මිලදී ගැනීම සුබ වෙයි.


කටක ලග්න හිමි අයට සිකුරාදා දිනයන්හි උදේ 07.07 සිට උදේ 08.00 දක්වා කාලය තුළද, සවස 02.00 සිට සවස 03.00 දක්වා කාලය තුළද ලොතරැයි පත් මිලදී ගැනීම සුබ දායක වෙයි.
සිංහ ලග්න හිමි අයට උදේ 06.00 සිට උදේ 07.00 දක්වා කාලය තුළදීද, සවස 01.00 සිට සවස 02.00 දක්වා කාලය තුළදීද ලොතරැයි පත් මිලදී ගැනීමට සුබදායකයි.


කන්‍යා ලග්න හිමි අයට සඳුදා දහවල් 12.00 සිට 07.00 දක්වාත්, රාත්‍රි 07.00 සිට රාත්‍රි 08.00 දක්වාත් ලොතරැයි පත් මිලදී ගැනීම සුබදායකයි.
තුලා ලග්න හිමි අයට ඉරිදා උදේ 08.00 සිට උදේ 09.00 දක්වා කාලය තුළද, සවස 03.00 සිට සවස 04.00 දක්වාද ලොතරැයි පත් ලබා ගැනීම සුබදායකයි.
වෘශ්චික ලග්න හිමි අයට සඳුදා උදේ 06.00 සිට උදේ 07.00 දක්වාද, සවස 01.00 සිට සවස 02.00 දක්වාද රාත්‍රි 08.00 සිට රාත්‍රි 09.00 දක්වාද ලොතරැයි පත් ලබා ගැනීම සුබදායක වෙයි.


ධනු ලග්න හිමි අයට සිකුරාදා උදේ 07.00 සිට උදේ 08.00 දක්වාද, සවස 02.00 සිට සවස 03.00 දක්වාද ලොතරැයි පත් මිලදී ගැනීමට සුබදායකයි.
මකර ලග්න හිමි අයට සිකුරාදා උදේ 09.00 සිට උදේ 10.00 දක්වා අතර කාලය තුළද, සවස 04.00 සිට සවස 05.00 දක්වාද ලොතරැයි පත් මිලදී ගැනීමට සුදුසු වෙයි.


කුම්භ ලග්න හිමි අයට බ්‍රහස්පතින්දා උදේ 10.00 සිට උදේ 11.00 දක්වා කාලය තුළද, සවස 05.00 සිට සවස 06.00 දක්වා අතර කාලය තුළද ලොතරැයි පත් මිලදී ගැනීම සුබදායක වෙයි.
මීන ලග්න හිමි අයට සෙනසුරුදා දහවල් 11.00 සිට දහවල් 12.00 දක්වා කාලය තුළද, සවස 06.00 සිට රාත්‍රි 07.00 දක්වා කාලය තුළද ලොතරැයි පත් ලබා ගැනීම තුළ තම වාසනාව උරගා බැලීමට හැකිවෙයි.


2015 වසරේ අවසානයත් සමඟ 2016 නව වසරට පාතබන මොහොතේ දෙසැම්බර් මස 16 වැනි බදාදා සවස 02.42ට 2003 දෙසැම්බර් 16 වැනි දින රවි, ධනු රාශිගත සිදුවූ පරිවර්තන යෝගය යළි වසර 12කට පසු රවි ග්‍රහයා රවි ගුරු පරිවර්තන යෝගයක් උදා කරමින් 2016 ජනවාරි මස 14 වැනිදා තෙක් ගුරුට අයත් ධනු රාශියේ ගමන් කිරීම තුළින් ඔහු සිංහ, මේෂ ලග්නවලට විශේෂ සුබපල උදාකරන බැවින්ද වෘෂභ, කන්‍යා, මකර ලග්නවලට හැර අනෙක් ලග්නවලට මෙම පරිවර්තන යෝග බලය මත විවිධ සුබ කටයුතුවලින් ජයග්‍රහණ යහපතට මාර්ගයක් උදා කරවයි. විශේෂයෙන් ධනු, සිංහ, මේෂ ලග්නවලින් උපත ලද සැමට මෙකී පරිවර්තන යෝගයේ උසස්ම ප්‍රතිඵල ලැබෙන බැවින් මෙම සියලුම ලග්න හිමියනට ලොතරැයි පත් ගැනීම තුළින් වාසනාව උරගා බැලීමට මාර්ගය උදා කර ගත හැකිය.

Wmqgd .ekSu u