iranama
දරුඵල ප්‍රමාද ද?
එහෙනම් අනිවාර්යයෙන් කියවන්න
යුග දිවියට ඇතුළු වූ බොහෝ අඹු සැමියන්ගේ බලාපොරොත්තුව දරු සුරතල් බැලීමයි. ඔවුන්ගෙන් ඇතැමෙකුට දරු සුරතල් බැලීමේ වාසනාව උදාවන අතර තවත් කෙනෙක්‌ ඒ සඳහා වෙහෙසෙති. බාරහාර වෙති. දියුණු වෛද්‍ය ප්‍රතිකාර ක්‍රම උපයෝගී කර ගනිති.
මිහිපිට ඇති උසස්‌ම වින්දනය වූ විවාහ සතුට, හදවත් තුළ වඩාත් පිබිදෙන්නේ දරු සම්පත් ලැබූ විටය. විවාහක කාන්තාවක මවක්‌ වීම ඇයට හා ඇයගේ ස්‌වාමි පුරුෂයාට මහත් සතුටක්‌ හා සොම්නසක්‌ ගෙන දෙන්නා වූ කරුණක්‌ වේ. මාතෘත්වයට සමාජය විසින් පූජනීයත්වයක්‌ ලබාදී ඇත. විවාහ ජිවිතය තුළ ජනිත වන සතුට සොම්නස මාතෘත්වය සමඟ ඉදිරියට ගලා යයි.
වර්තමාන සමාජයේ දරුඵල සම්බන්ධයෙන් අඹුසැමියන් අතර සිත් තැවුල්, කරදර, මතභේද, පසුතැවිලි යනාදිය නිරන්තරයෙන් ඇතිවේ. මෙහිදී බොහෝ විට කාන්තාව දැඩි පීඩනයකට ලක්‌වේ. පුතා විවාහ කර ගන්නා ස්‌ත්‍රියට අවුරුද්දක්‌ ඇතුළතවත්, දරුවකු පිළිසිඳ නොගතහොත් නැන්දම්මා ලේලිය කෙරෙහි අසුබවාදී ලෙස බලන්නීය. තම පුතණුවන් විවාහ කරගත් ස්‌ත්‍රිය දරුවන් නොමැති කෙනෙක්‌ වුවහොත් එයින් තම පුතා දැඩි කණස්‌සල්ලට පත්වන අතර ස්‌ත්‍රිය අන් අයගේ සමච්චලයට ලක්‌වේ.
දරුඵල සම්බන්ධයෙන් කාන්තාවට පමණක්‌ වරද පැටවීම සාධාරණ නැත. අද සමාජයේ දරුවන් නොලබන, වඳ භාවය ලබන ස්‌ත්‍රීන් පමණක්‌ නොව පුරුෂයන්ද සිටිය හැකි බව බොහෝ දෙනා නොදන්නා කාරණයකි. මෙවැනිවූ කරුණු උගත් ජ්‍යෙdතිෂවේදියකුට ඔවුන්ගේ කේන්ද්‍ර පරීක්‍ෂා කිරීම තුළින් දැනගත හැකිවේ.
ග්‍රහ තාරකාවන්ගේ හැසිරීම් රටා ඉතා සංකීර්ණ බැවින් දරුඵලවලට අදාළ ජ්‍යෙdතිෂ්‍ය පදනම හරි හැටි අවබෝධ කරගැනීම පහසු කාර්යයක්‌ නොවේ. ප්‍රධාන වශයෙන් ජන්ම පත්‍රයක දරුඵල සම්බන්ධයෙන් විමසා බලනුයේ පස්‌වැන්නෙනි. පස්‌වැන්න දරුවන්ගේ ශුභ සිද්ධිය කෙරෙහි බලපාන වැදගත්ම භාවය බැවින් එම භාවය නියෝජනය කරන භාවයට දෘෂ්ටිගත වන හෙවත් පස්‌වැනි භාවය අධිපති වන ග්‍රහයා ශුභදායක අන්දමින් පිහිටා තිබේ නම් වාසනාවන්ත දරුවන් අපේක්‍ෂා කළ හැක.
තවද 5 වැන්නෙන් 5 වැන්නා වූ 9 වැන්නාධිපති බලවත්ව සිටීම දරුඵල සඳහා ශුභදායක වේ. යම් ජන්ම පත්‍රයක චන්ද්‍ර ලග්නයද මෙම දරුඵල සම්බන්ධයෙන් ශුභදායක ලෙස පිහිටා ඇත්දැයි බැලිය යුතුය.
පස්‌වැන්න අධිපති ශුභ රාශිගතව ශුභ ග්‍රහයන්ගේ දෘෂ්ටි ලබමින් සිටියදී ගුරු කේන්ද්‍රගත නම් දරුඵල හිමිය. හත අධිපති එක, දෙක හෝ පස්‌වැනි භාවයක සිටියදී ඔහුට සංයෝග වූ ග්‍රහයෙකු නවාංශකාධිපති සමඟ එක්‌වීමෙන් බහුපුත්‍ර යෝගය යෙදේ. එමෙන්ම පස්‌වැන්න අධිපති සහ ලග්නාධිපති යෝග වීම, ඔවුනොවුන් දෙදෙනා පරිවර්තනය වීම, ඔවුනොවුන් දැකීම දරුඵල සඳහා හේතු වේ. බ්‍රහස්‌පති පස්‌වැන්නාධිපතියාව සිටියදී රවි ග්‍රහයා ප්‍රබල භාවස්‌ථානයක යෙදී සිටියහොත් තැන්පත් ගුණවත් දරුවකු ලැබීමේ වාසනාව හිමිවේ. පස්‌වැන්නාධිපතියා ත්‍රිකෝණයක හෝ කේන්ද්‍රස්‌ථානයක සිටීමෙන් එක්‌ දරුවකු පමණක්‌ ලබයි.
කුජ රාහු වැනි බලවත් පාපියෙක්‌ පස්‌වැන්නේ සිටී නම් හෝ පස්‌වැන්නට එවැනි පාපීන්ගේ දෘෂ්ටි ලැබේ නම් ගබ්සා වීම්, දරු උපතේදී සැත්කම් ආදී වූ කටුක අත්දැකීම්වලට මුහුණ දෙන්නට සිදුවිය හැකි අතර දරු ඵලද අඩුවිය හැක.
පස්‌වැන්නට රාහුගේ පීඩනය බලවත් වූ විට දරු උපත් සම්බන්ධයෙන් අවිනිශ්චිත තාවයක්‌ ඇති කරයි. එමෙන්ම කේතු පස්‌වැන්නේ පීඩාකාරී ලෙස ක්‍රියාත්මක වුවහොත් මළදරු උපත් ඇතිවීමට ඉඩ තිබේ. ශනි මෙම භාවය තුළ අශුභ ආකාරයට ක්‍රියාත්මක වීමෙන් මවට ප්‍රසූතියේ දී ශාරීරික වේදනාවන් හා අපහසුතාවයන් ඇති කරයි.
ස්‌ත්‍රියකගේ ගර්භාෂයේ තැන්පත් වන ශුක්‍ර ධාතු සහ බීජ විනාශවීම දරුඵල කෙරෙහි අහිතකර ආකාරයෙන් බලපාන අතර බොහෝ දුරට එය සදාකාලිකවම දරුඵල අහිමි වීමකටද බලපාන්නට ඉඩ ඇත. අධික උෂ්ණත්වයක්‌ සහිත කාන්තාවකගේ ගර්භාෂයෙහි පිහිටන දරුවන් ගබ්සා වීමට විනාශ වීමට එම උෂ්ණාධික බවද හේතුවන බව පෙනේ. පස්‌වැන්නේ රාහු, කුජ සිටීම උෂ්ණාධික බව ඇතිවීමට හේතු සාධකයක්‌ වේ. එමෙන්ම පුත්‍රකාරක වූ ගුරු ග්‍රහයා පාප දෘෂ්ටිවලට ලක්‌වීමත්, සතුරු රාශිගත වීමත් යන කාරණාද දරුඵල හීනකරන සාධක වේ.
මේ අතර දරුඵල හානි කරන ග්‍රහයෝග ගණනාවක්‌ද ජ්‍යෙdතිෂයේ සඳහන් වේ.
* යම් ජන්මියෙකුගේ පස්‌ වැන්නාධිපති අඟහරුට හෝ රාහුට සම්බන්ධ වී සිටීම.
* රවි ග්‍රහයා ලග්නයේද, අඟහරු පස්‌වැන්නේද සිටීම දරුඵල හානි කරන යෝගයකි.
* එකොළොස්‌ වැන්නේ ශනි, රවි, රාහු, කේතු, කුජ යන ග්‍රහයන්ගේ සප්තම දෘෂ්ඨ§ය පස්‌වැන්නට වැටේ නම් එයද දරුවන් පිළිසිඳ ගැනීම වළක්‌වන ක්‍රියාවලියක්‌ වනු ඇත.
දරුඵල ප්‍රමාද වීමකට මුහුණපා ඇති යුවතිපතීන්ට දිය යුතු හොඳම අවවාදය නම් හැකි තරම් පින් දහම්වලට යොමුවී, ඒ අතරම වෛද්‍ය උපදෙස්‌ද පිළිපදින අතර ඒ සඳහා සුබදායී වන කාලයන් පිළිබඳ උගත් ජ්‍යෙdතිෂවේදියෙකු මගින් දැනුවත් වී ඒ අනුව කටයුතු කිරීමයි. වැඩිදුර විස්‌තර 0771268646 අංකය මගින් නොමිලේ ලබාගත හැක.
ජ්‍යෙතිෂවේදිනී
තුෂාරා වික්‍රමසිංහ
317, දාගොන්න (වැව පාර) මීගමුව
Wmqgd .ekSu /�K mqj;am; weiqfrks
