iranama
ග්‍රහ ලොව රජු සුර ගුරු නිවසට
වසරේ අවසන් ග්‍රහ මාරුව
* ලග්න රැසකට සුබයි
* මහජනයාට යහපත් කාලසීමාවක්‌
* රටට ගෞරවය හා කීර්තිය ගෙනදේ
2015 දෙසැම්බර් 16 වන බදාදා දින අපරභාග (සවස) 14. 42 (2.42) ට ග්‍රහ ලොව රජු හෙවත් නව ග්‍රහයින් අතරින් අපට ශක්‌තිය දෙන ආලෝකය මෙන්ම ජීවය දෙන ප්‍රධාන ආලෝක ග්‍රහ තාරකාව වන රවි ග්‍රහයා (සූර්යයා) තම මිත්‍ර රාශියක්‌ වන ගුරු හිමි ධනු රාශියට පිවිසෙයි. ඒ අනුව කේතුට අයත් මුල නැකතේ පළමු පාදයට පිවිසෙන රවි ග්‍රහයා එම ධනු රාශියේ මසකට ආසන්න කාලයක්‌ ගත කරනු ඇත. ග්‍රහ ලොව රාශි වළල්ලේ පියා හෙවත්, ග්‍රහ ලොව පාලක ග්‍රහ තාරකාව වන රාජ්‍යකාරක රවි ග්‍රහ මාරුව 2015 වසර අවසන් වීමට පෙර සිඳුවන අවසන් රවි මාරුව වන අතර මෙම රවි මාරුව ඉතාම ප්‍රබල ග්‍රහ මාරුවකි. විශේෂයෙන් රවි ධනුවට පිවිසෙන විට ඉතා වැදගත් අනෙක්‌ ආලෝක ග්‍රහයා වන සඳු හෙවත් චන්ද්‍රයා ශනි හෙවත් සෙනසුරුට අයත් කුම්භ රාශියේ සම රාශිගතව කුජට අයත් දෙනට නැකතේ තෙවන පාදයේ තැන්පත්ව සිටී. ඒ අනුව මෙම ග්‍රහ මාරු දෙකම සැලකිල්ලට ගැනීමේදී කුම්භ ලග්න ලංකා කේන්දරය තුළ රවි බුධ සමඟ යෝගව 11 වැන්න හෙවත් අයස්‌ථානයේත් සඳු ලග්න භාවයේමත් තැන්පත් වීම අප රට පැත්තෙන් බැලූ කල යම් පමණක සුබවාදී ග්‍රහ තත්ත්වයකි. මේෂ ලග්න ලෝකායතන කේන්දරය අනුව රවි බුධ සමඟින් 9 වැන්නේ හෙවත් පුණ්‍යස්‌ථානයේ තැන්පත් වන අතර සඳු 11 වැන්න හෙවත් අයස්‌ථානයේ තැන්පත්ව සිටී. ඒ අනුව මෙම ප්‍රධාන ආලෝක ග්‍රහයන් දෙදෙනාගේ ග්‍රහ ගෝචරය සලකා බැලීමේදී විශේෂයෙන් මෙම ග්‍රහ මාරුව රාජ්‍ය පාලක ඇත්තන්ට ඉතාමත් යහපත් වනු ඇත. පැවති බාධා දුරු වී යන කාලයකි. රටට ලැබෙන විදේශ ආධාර ඉහළ යනු ඇත. විදේශීය සහයෝගය මෙන්ම ගෞරවයද අප රට කෙරෙහි මෙම කාල සීමාව තුළ ලැබෙනු ඇත. සංචාරක ව්‍යාපාරය වර්ධනය වන කාලයකි. නව ආරංචි ගලා එන කාල සීමාවක්‌ වනු ඇත. ඉදිකිරීම් ක්‌ෂේත්‍රයේ කැපී පෙනෙන දියුණුවක්‌ ඇති වනු ඇත. ජනතාවගේ ලැබීම් අංශය වැඩි දියුණු වන කාලයකි. පසුගිය කාලයේ පැවති කාලගුණ, දේශගුණ විපර්යාස, ළමා හිංසනයන්, රිය අනතුරු, මංකොල්ල, අපරාධ යම් පමණක අඩු වීමක්‌ මෙම කාලය තුළ දැක ගත හැකි වනු ඇත. එසේම මෙම ග්‍රහ මාරුව මිථුන කටක කන්‍යා වෘශ්චික මකර කුම්භ මීන යන ලග්න හිමියන්ටත් රවි, සඳු මහ දශා අතුරු දශා ගත කරන්නන්ටත් ඉතා යහපත් හා සුබ ප්‍රතිඵල උදා කරනු ඇත.
දෙසැම්බරයේ රවි මාරුවේ ලග්න දොළසේ සුබ අසුබ මෙන්න.
මේෂ - ඔබට මෙම කාලය තුළ බලවත් තනතුරු ලැබෙන අතර ප්‍රධානීන්ගේ සිත දිනාගැනීමට අවස්‌ථා උදා වනු ඇත. අලුතින් නිවාස ඉදිකිරීමට හා දේපළ මිලදී ගැනීමටත් මෙම කාලය සුබයි. විදේශ ගමන් වලට එක්‌විය හැකිය. පවුල් ජීවිතය තුළ පැවති ගැටුම් සමනය වන අතර, තම සහකාරියගෙන් හෝ සහකරුගෙන් ධනය ලැබීමටද හැකිය. පැවති රෝග සුව වන අතර සෞඛ්‍ය තත්ත්වය යහපත්ය.
වෘෂභ - මහන්සියේ තරමට ප්‍රතිඵල ලබා ගත නොහැකිය. ඥාතීන් සමඟ හිතවත් කම් ඉහළ යාමට හේතු වනු ඇත. ගැහැනු දරු ලාභ ඇතිවන අතර යම් යම් අංශ වලින් සුබයි. ඔබගේ අධ්‍යාපනයට ඉතාම හොඳයි. ඒ වගේම රැකියා ස්‌ථානයෙන් උසස්‌ වීමක්‌ද හිමි වීමට ඉඩ තිබේ. ආගමට දහමට නැඹුරු වන කාලයකි. ශරීර සෞඛ්‍යය යහපත් වන අතර ඔබට සමාජයේ ගෞරවය හිමි වනු ඇත.
මිථුන - අලුතින් නිවාස ඉදිකිරීමට හා දේපළ මිලදී ගැනීමටත් මෙම කාලය සුබයි. රැකියා සම්බන්ධ කටයුතුවල දැඩි අර්බුධකාරී තත්ත්ව ඇති වනු ඇත. පපුවේ සෙම් අමාරු හා ලේ සම්බන්ධ රෝගාබාධ ඇතිවිය හැකිය. රෝහල්ගත වීමේ අවධානමකුත් තිබේ. සෙම් රෝග බහුල වන අතර යුග දිවි සමගියට බාධා ඇති වනු ඇත.
කටක - හදිසි ගමන් බිමන් යැමට අවස්‌ථාව සැලසෙන අතර වන්දනා ගමන් හා දුර ගමන් ද යෙදීමට ඉඩ ඇත. ඔබට ප්‍රසිද්ධිය හා කීර්තිය ලැබෙන කාලයකි. ඇස්‌වහ කටවහ දෝෂ හටගැනීමේ ප්‍රවණතාවක්‌ ඇත. රෙදි පිළි හා වස්‌තු ලාබ ලැබෙන කාලයකි. ශරීරයේ අලංකාරයට අවශ්‍ය දේ මිලදී ගැනීමට අවස්‌ථාව ලැබෙන අතර මෙම කාලයේදී ප්‍රනීත රසමුසු ආහාර ද ලැබීමේ හැකියාව පවතී.
සිංහ - විවාහ ජීවිතයේ කරදර හා බාධා මෙම කාල සීමාව තුළ යම් පමණකට උදා වනු ඇත. හදිසි ගමන් බිමන් යැමට නිතර අවස්‌ථාව සැලසෙන අතර වන්දනා ගමන් හා දුර ගමන් ද යෙදීමට ඉඩ ඇත. ශරීර සැප නොලැබීම හා ඔබ කාර්ය බහුල වීමට ඉඩ ඇත. සහෝදරයෙකුට යම් අපලතාවක්‌ පෙනේ. ආදායම් තත්ත්ව පහත වැටීම හා ගේ දොර කටයුතුවලට බාධා ඇතිවීමට ඉඩ ඇත.
කන්‍යා - සේවක ගැටලු හා ගෘහ නිර්මාණයකට සම්බන්ධව ගැටලු පැනනැඟීමට හැකිය. වා, පිත් සම්බන්ධ රෝගාබාධ හට ගැනීමට අවස්‌ථා ඇත. ස්‌වයං රැකියා වල නිරතවන්නන්ට සුබදායකය. පැවති රෝග වලින් සුවය ලැබේ. ශරීරය පැහැපත් වනු ඇත. ගෘහ ජීවිතය සතුටුදායකය. රැකියාවේ උසස්‌ වීම් වගේම වෙනස්‌වීම්ද බලාපොරොත්තු විය හැකිය. නීතියට එරෙහිව කටයුතු කිරීම නිසා මුදල් හෝ රැකියාවේ පාඩු සිදු විය හැකිය. ලොතරැයි ජයග්‍රහන හිමි වන කාලයකි.
තුලා - සතුරු කරදරයකින් ජය ගත හැකිය. බලාපොරොත්තු වූ ණය මුදලක්‌ ලැ
Wmqgd .ekSu u
