iranama
ගතිගුණ කියන නාසයේ චමත්කාර සිත්තම් රහස්
වරාමලක් බඳු නාසය ඇති කත සැමියාට රස මංජුසාවකි
කුල්ලක හැඩය ඇති නාසය හිමි කාන්තාව දුප්පත්ය
සුන්දර කාන්තාවන් තමන්ගේ ජීවිතයේ අවසන් අර්ධයේදී ඉතාමත් සැපවත් දිවි පෙවෙතකට හිමිකම් කියන්නේද, බොහොම ධන ධාන්‍ය ලබන්නේද තම පවුල් සංස්ථාවේ ශ්‍රියා කාන්තාව ලෙස ඇය බබළන්නේද, එසේ නම් ඇතෙකුගේ සොඬයක හැඩය උකහා ගත් නාසයක් ජන්මයෙන්ම ඇයට දායාද කොට ඇතුවාට සැකයක් නැත. යම් කිසි ස්ත්‍රීයකගේ නාසයේ හැඩය චමත්කාරව දිස්වන්නේ නම් එයද ඇය කරකාර බඳිනා සහකාරයා ද පියවරෙන් පියවර කීර්ති ප්‍රශංසා වගේම යසස ද ලබන බව කිව යුතුය
.
එසේම තවත් සුබපල ගෙනෙන ලයාන්විත පිහිටීමක් ඇත්තේ වරාමලක පොහොට්ටුවක හැඩය ගත් නාසයක් ඇය සතුවී ඇත්නම් පමණි. මෙවන් ස්ත්‍රීය විසින් ක්‍රමවත් පිළිවෙලකට ජීවතය හැඩ ගස්වා ගැනීමට සමත්කම් දක්වයි. එවැනි කාන්තාවට කිසිම දිනෙක ධනයෙන් අඩුවක් නැත. සැප සම්පතින් ද ආඪ්‍ය වන පිහිටිමකි. ලතාවකට හැඩ ගැන්වුනු නාසයක් ඇති ස්ත්‍රීයකගේ දියුණුවේ අත්තිවාරම ක්‍රම ක්‍රමයෙන් ඇය විසින්ම සලසා ගනු ලබයි කොටින්ම කියතොත් ඇය සැමියාට රසින් පිරුණු මංජුසාවකි. නිදි යහනේදී ඇය විසින්ම තම සැමියා රස ගුලාවක කිමිදවයි. උපරිම තෘප්තියක් ලබා දේ. ඇය පුරුෂයන් සෙවීමට මහන්සි නොගනී. පතිවත රැකී වාසනා ගුණ යහපත් දූ දරුවන් ලැබීමට ද ඇය වාසනාවන්ත වේ.
ඇය නිතරම සිටින්නේ ජයග්‍රහණය නැතහොත් ජය කණුව ළඟයි. එලෙස වරාමලක පෙහොට්ටුවේ හැඩය ගත් නාසයක් හිමි තැනැත්තිය සිය පතිවත මැණිකක් රකිනා නා රජිදෙකු මෙන් රකී. සැමියාට එක සිතින්ම හිතවත්භාවය දක්වයි. ඇය ඉතාමත් ක්‍රියාශිලීව කටයුතු කරන තැනැත්තියකි. තම ජීවිතය පිළිබඳ පුදුමාකාර අවබෝධයකින් යුතුව කටයුතු කිරීමට සමත්කමක්ද දක්වයි. ඇගේ ගති ලක්ෂණ අනුව කාමුක ස්වරුපයක් ගත්තද, අධම ගති සිරිත් තම ජීවිතයෙන් බැහැර කරයි. දිගැටි හැඩයෙන් යුත් සිහින් නාසයක් ඇත. ඇයගේ කිසියම් විධියේ යහපත් ලක්්ෂණයක් නැත.
ඇය වෛශ්‍යා ස්ත්‍රියක් සේ දුටුවන් සතපවයි. එපමණක් නොව සන්තර්පණයට පොළඹවයි. ඇය ජීවිත කාලය තුළ රහසින් හරි පස් පව්වලට බරව කටයුතු කිරීමට පෙළඹේ. එපමණක් නොව කාමාශාවෙන් පිරුණු මෙවන් ස්ත්‍රින් අධික ලෙස කාමසුඛල්ලිකානු යෝගිව හැසිරීමට සමත්කම් දක්වයි. සිය ජීවිතයේ කාමය උද්දීපනය සඳහා කාමාශාව සංසිදුවා ගැනීමට මැය නොකරන දෙයක් නොමැත. කොටින්ම ඇයට අවශ්‍ය වන්නේද එයයි. කිසිම පැකිළීමක් නැතිව වරදේ බැ‍‍‍ඳෙන්නට තරම් ඇය සමත් වෙයි.
රහසේ තම කටයුතු ඉටුකර ගැනීමට අධික ලෙස සමත්කම් දක්වයි. කපුටු බඩගින්න මෙන් ඇගේ රාග ගින්න නිවීමක් නැත. නොයෙක් අන්දමේ පුරුෂයන් රාගය නිවා ගැනීමට පොළඹවා ගැනීමට විශේෂයෙන් ඇය සමත්කම් දක්වයි. ඇයගේ යුග දිවයේ සැනසීමක් කිසිදු විටක නොලබන්නට කතරම් ඇය අවාසනාවන්තය. කිහිපවරක් තමන් සරණ බන්ධනයෙට ඇතුල් වුවත් ඇය කිසිම සැනසීමක් ලබන්නට සමත් නොවේ. කොටින්ම කියතොත් මැය විකෘති කාමාශාවෙන්පෙලෙන තැනැත්තියකගේ ලක්ෂණ ගනී
හුරුබුහුටි නාසය
යම්කිසි කාන්තාවකගේ ජීවිතය ඉතාමත් පිරිපුන් බවකින් හැඩ වන්නේද ඇයගේ නාසයද හුරුබුහුටිය. එසේම කලාත්මක ස්වරූපයක් හඟවයි. මැය ඉතාමත් වාසනාවන්ත තැනැත්තියකි. තල මලක දිස්වෙන චමත්කාර බව මෙවන් වාසනාවන්ත ස්ත්‍රියකගේන් ප්‍රදර්ශනය වේ. සමහර ස්ත්‍රින්ගේ නාසයේ අග කොටස පමණට වඩා මහත් බවක් දක්වයි.
නාසයේ මධ්‍ය කොටස සමහර විට එබී ගිය ස්වරූපයක් ගනියි. මෙය විමර්ශනය කිරීමේදී පෙනී යන්නේ මේ පිහිටීම ඉතාමත් අසුබ ලක්ෂණයක් බවයි තවත් අතකට බලන විට සුබපල හීන කරන ලක්ෂණ නාසයෙන් දක්නට ඇත. නාසයේ මැද ඉරක හැඩය දිස්වන්නේ නම් එය ද සුබපල හීන කරන අසුබවාදි ලක්ෂණයකි. පුරුෂයින් ඉක්මනට වසඟයට ගන්නා තැනැත්තියන්ගේ නාසයේ අග කොටස උඩට නෙරා ගොස් ඇත.
එසේම අර්ධ කවාකාර හැඩයක් ගනී. මෙවන් තැනැත්තියන් පුරෂයන් රාග ගින්නට හසුකරගනී. එසේම ඔවුන් අසහනයට මෙන්ම දැඩි පීඩනයට ද පොළඹවමින් තම තෘප්තියට නතු කර ගනී. සමහර කාන්තාවන් යහපත් ඇසුරකට සුදුසු නොවන්නේ තැන්පත් කෙනෙකුගේ ගති ලක්ෂණ ඔවුන් සතු නොවන නිසාය. මොවුන් ඔබ දැක තිබේ දැයිමතක් කරගන්න. මෙවැනි තැනැත්තියන් නාසය ගස්සයි. සෙලවෙන ස්වරූපයක් ගනී. ඔබට ඔවුන් හමු වී තිබේ නම් පරෙස්සම් වන්න. ඔවුන් ඇසුරට සුදුසු නොවේ.
කෙටි නාසය ඇති තැනැත්තිය
ඉතාමත් පහසුවෙන් වරදේ බැ‍ඳෙන ස්ත්‍රීන් ඔබ දැක ඇතුවාට සැකයක් නැත. ඔවුන් ගැන විග්‍රහ කරතොත් ඔවුන් තුළ මෝඩකම ඉහවහා ගොස් ඇත. එසේම බුද්ධිය පලා ගොස් ඇත. අනුවණ කමින් කටයුතු ඉටු කර ගැනීමට පෙළඹේ. මෙවන් ගති ලක්ෂණ ඇති තැනැත්තියගේ ඇත්තේ කෙටි නාසයකි. පළල් වූ නාසය ඉතාමත් සරාගී බවක් දනවන ස්ත්‍රීන්ගේ නාසය පිහිය තුඩක උල්පිහියක් ආකාරයක් දක්වයි. ඉතාමත් සුක්ෂම අන්දමින් කම්සැප ලබාදෙන පිරිමි මෙවන් ස්ත්‍රීන්ට හමුවේ. එවිට ඔවුන් මෝහනය කර ගැනීමට ස්ත්‍රී හූ දක්ෂ වෙති.
කලාත්මක නාසයක් හිමි කත
සමහර ස්ත්‍රීන් සුරදූතිකාවන්ගේ ස්වරූපයක් ගනී. ඇය දෙවඟනක් සේ දිස්වේ. ඔබටත් කලාත්මක නාසයක් ඇත්නම් ඔබද සුරඟනකි, දෙවඟනකි, එසේම සුරදූතියෙකි. ලෝකයේ අග්‍රහණ්‍යයේ ඉතාමත් වාසනාවන්ත සුන්දර පිරිමින් ලැබීමට තරම් මෙම ස්ත්‍රීන් වාසනාවන්ත වෙති.
උස් වූ කවාකාර හැඩැති නාසය හිමිකත
සමහර ස්ත්‍රීන් හරිම සංවේදී බවක් දක්වයි. යහපත් ගතිගුණ පිහිටයි. බුද්ධිමත්ව කටයුතු කරයි. චාම් දිවිය උසස් ලෙස හැසිරීමට මෙන්ම පිළීගැනීමට ද ලක්වේ. එවැනි ස්ත්‍රීන්ගේ නාසය උස් වූ තරමක් කවාකාර හැඩයකට හිමිකම් කියන්නේය.
කුල්ලක හැඩය ඇති නාසය හිමි කාන්තාව
සමහර ස්ත්‍රීන් හරිම දුප්පත්. එසේම දිළිඳු වී උපදී. නොයෙක් තැන්වල මෙහෙකාර කමට පත්වේ. ඔබ හොඳීන් ඇය දිහා බලන්න. කුලු නැටුමකට දිසවන කුල්ලක හැඩය ගන්නා, නාසය ඇයගේ වැන්ඳඹු ගති ලක්ෂණ පහල කරයි.
මාලගිරා හැඩය ඇති නාසය හිමි කත
සමහර ස්ත්‍රීන්ගේ නාසය මාල ගිරාවෙකුගේ හැඩය ගනී. ඔබ ඔබ ගැනම තක්සේරුවක් කර බලන්න. මේ අයුරින් ඔබේ ගතිගුණ, ඇති වාසනා මහිමය උරගා බලන්න. සියල්ල ජය ගනී. තවද ඔබ ඔබේම සිතින් මැන බලන්න. එවිට ඔබ සිටිනා තැන ඔබේ ගති ලක්ෂණ කණ්ණාඩියේ පෙනෙන රුව මෙන් මතකයේ සටහන් වනු ඇති.
ප්‍රවීණ ජ්‍යොතිෂවේදී
හේමපාල පතිරණ
Sethmina.lk
