මිනිස් ජීවිතය පාලනය කරන ලග්නයට අධිපති ග්‍රහයා

ඔබේ දිවිපෙවෙත පාලනය කරන ආත්ම කාරක ග්‍රහයා ගැන මෙම ලිපිය තුළින් කරුණු රැසක් ඔබට වටහා දීමට මම බලාපොරොත්තු වෙමි. ඔබේ ආත්මය පාලනය කරන්නේ ඔබේ ලග්නයට අයිති ග්‍රහයා වෙයි. මේෂ, වෘෂභ, මිථුන, කටක, සිංහ, කන්‍යා, තුලා, වෘශ්චික, ධනු, මකර, කුම්භ යන ලග්න 12න් ඔබ කිනම් ලග්නයකින් උපන්නත් ඔබේ ආත්මය පාලනය කරන්නේ ඔබේ ලග්නයට අධිපති ලග්නාධිපති ග්‍රහයා බව ඔබ දැනගත යුතුය.ඔබේ දිවිපෙවෙත පාලනය කරන ආත්ම කාරක ග්‍රහයා ගැන මෙම ලිපිය තුළින් කරුණු රැසක් ඔබට වටහා දීමට මම බලාපොරොත්තු වෙමි. ඔබේ ආත්මය පාලනය කරන්නේ ඔබේ ලග්නයට අයිති ග්‍රහයා වෙයි. මේෂ, වෘෂභ, මිථුන, කටක, සිංහ, කන්‍යා, තුලා, වෘශ්චික, ධනු, මකර, කුම්භ යන ලග්න 12න් ඔබ කිනම් ලග්නයකින් උපන්නත් ඔබේ ආත්මය පාලනය කරන්නේ ඔබේ ලග්නයට අධිපති ලග්නාධිපති ග්‍රහයා බව ඔබ දැනගත යුතුය.මෙම ග්‍රහයා මොනයම් ග්‍රහයෙක් වුවත් එම ග්‍රහයා භාව 12න් ඔබේ කේන්දරයේ මොනයම් රාශි භාවයක හෝ තැන්පත් වී සිටි අයුරු මත ඔබ උපන් තැන සිට ඔබේ මරණය දක්වා මේ මඟුල් සක්වළ ජීවත්වන තාක්කල් ඔබේ දිවි පෙවෙත ඔහුගේ උපතේ පිහිටි බල දුබලතා මත පාලනය වන අයුරු දැන් සලකා බලමු. 

මේෂ

මේෂ ලග්නයෙන් ඉපදුණු අයකුට ලග්නාධිපති කුජ ග්‍රහයා වෙයි.මෙම ග්‍රහයා උපතේ බලවත්ව සිටි අය මේෂ ලග්නයෙන්ම ඉපදී කුජ ලග්නගතව සිටීද ඔහු තරබාරු මහත දේහ ලක්ෂණයකින් හෙබි නිර්භීත සටන්කාමී එඩිතර අයෙක් වන අතර ආත්ම ශක්තියෙන් බලවත් තම උත්සාහය මුළු ජීවිතය පුරාම විසිරී පැතිරී පවතින අයෙක් වන අර කාටවත් යටත් නොවන තම උත්සාහයෙන් දියුණුව උදාකර ගන්නා අයෙකි.

වෘෂභ

වෘෂභ ලග්න හිමියාට සිකුරු ලග්නාධිපති වේ. සිකුරු ලග්නයේ සිට වෘෂභ ලග්නයේ නම් කලාව ප්‍රිය කරන අයෙක් වන අතර මනා රූප ස්වභාවයකින් හෙබි ඇත්ත කතා කරන අනුකම්පාව කරුණාව ඇති පරිත්‍යාගශීලී අයෙක් වෙන අතර සිකුරු උපතේ බලවත්ව පිහිටියේ නම් කලා අංශවලින් තම ජීවිතයේ වෘත්තීය ලාභ වශයෙන් තෝරාගෙන කරන කාටවත් කරදර නොමැතිව ජීවත්වන අයෙක් වන අතර ලග්නාධිපති ග්‍රහයාගේ බලය අනුව පෙර පින, මෙලොව පින සිකුරු විසින් පාලනය කරමින් වෘෂභ ලග්න හිමියාගේ දිවි පෙවෙත තුළ හොඳ නරක සිකුරු උපතේ බලවත් වූ ආකාරය මත වෘෂභ ලග්නකාරයා පාලනය කරයි.

මිථුන

මිථුන ලග්නයට ලග්නාධිපති බුධ වන විට බුධ ලග්නාධිපති වශයෙන් බලවත් විණි නම් තරමක උස හැටියට මහත ඇති මිථුන ලග්න හිමි අයගේ ලග්න ගතව බුධ සිටිමින් සඳු, ගුරු, සිකුරු කේන්දරේ බලවත් විණි නම් ඔහු උගත්කමින් අග තැන්පත් උසස් මානව දයාව හිමි අයෙක් වන අතර තැනට සුදුසු නුවණද ඇති අයෙකි. ලග්නාධිපති මිථුන ලග්නයේ බුධ බලවත් වූ අය බුද්ධිය නිසා ධනය සොයන තම බුද්ධියෙන් දියුණුව ලබන අය වේ.

කටක 

කටක ලග්නය හිමි අයට සඳු ලග්නාධිපති වෙමින් ලග්නගතව ගුරු සමඟ සඳු ලග්නයේ සිටීද එයද කටක ලග්න හිමි අයට ජන්ම පතේ පිහිටි අනිටු පාපග්‍රහ බල විගසින් නසා සුබ ප්‍රතිඵල කටක ලග්න හිමියාට උදාකරන ග්‍රහ බලයක් වන අතර මෙම යෝගය කටක ලග්න හිමියන්ට බහුශ්‍රැත පඩිවරයෙක් වීමට වාසනාව දෙමින් ඔහු හෝ ඇය සිත දියුණු කෙරූ අනුන්ට උදවු කරන අයෙක් වන අතර අවංක ගති ඇති ස්ථිර අදහස් ඇති හොඳ ආත්ම සංයමයක් ඇති අයෙක් වන අතර සඳු ලග්නාධිපති වෙමින් උපතේ බලවත් නම් උත්සාහයෙන් දියුණුව ලබන දුකට ඔරොත්තු දෙන ගතියක්ද ඇති අයෙකි.

සිංහ

සිංහ ලග්නයෙන් උපන් අයට ලග්නාධිපති රවි ග්‍රහයා වන අතර ඔහු බලවත්ව උපතේ ලග්නයේ සිටිමින් ගුරු, සිකුරු, බුධ, කුජ යන ග්‍රහයන් උපතේ බලවත්ව ඇත්ද ඔහු හෝ ඇය ලොව මවිත වන වැඩ කරන කාගේවත් අදහස් පිළිනොගන්නා සටන්කාමී බලයක් හිමි වයස 30න් පසුව තම උත්සාහය තුළින් ජීවිතේ දියුණුව ලබන රාජ්‍ය පාලනය පළාත් පාලන අංශවල ඉහළ රැකියා කරන අයෙක් වන අතර කාටවත් යටත් නොවන අවංක, නීතියට වැඩ කරන ප්‍රසිද්ධ අයෙක් වෙයි. ආගිය තැන නායකත්වය ලැබේ. 

කන්‍යා 

කන්‍යා ලග්නයෙන් උපදින අයට ලග්නාධිපති බුධ වේ. බුධ බලවත්ව උපතේ ලග්නගතව හෝ බුධ, මිථුන රාශියේ සිටීද ඔහු ලේඛන කලාව ගණිත මනිත අංශ කලා නිර්මාණ ලොවට මවන අයෙක් වන අතර ලැබෙන ධනයේ ප්‍රමාණය බලා වියදම් කරන අයෙක් වේ.

තුලා

තුලා ලග්නයෙන් ඉපදී ලග්නාධිපති වෙමින් සිකුරු ලග්නගතව සඳු සමඟ සිටීද රසාලිප්ත බලයක් හිමි ගතිගුණ ඇති සුරූපී කලාවට ප්‍රියභාවය දක්වන අයෙක් වන අතර කලාවෙන් ජීවිතය රස ගුලාවක් කරගන්නා සුරූපී අය විවාහයට ලැබෙන විනෝදවත් ජීවිතයක් ගත කරන අය වෙති. එසේ වන්නේ ලග්නාධිපති සිකුරු ග්‍රහයා බලවත් වූ විටය.

වෘශ්චික

වෘශ්චික ලග්නයට ලග්නාධිපති කුජ වන අතර මෙම කුජ ලග්නගතව බලවත් විණි නම් වාශ්චික ලග්නයෙන් ඔබ උපත ලබා මුළු පළාතටම නායකයෙක් සේ වැඩ කරන අයෙක් වන අතර වැඩි හරියක් ආරක්ෂක අංශ, ඉන්ජිනේරු, කාර්මික විද්‍යා අංශ, නීතිවේදී අංශ නියෝජනය කරන අයෙක් වේ. තවද එසේ සිදුවන්නේ කුජ උපතේ බලවත්ව ලග්නයේ 6 වැන්නේ මෙම රාශියේ සිටියොත් පමණි. ධනු ලග්නයෙන් උපත ලැබූ අයට ආත්ම කාරක ලග්නාධිපති ග්‍රහයා වන්නේ ගුරුය. ගුරු ලග්නගත වෙමින් ගුරු, බුධ සමඟ සංයෝග වේද ඔහු හෝ ඇය දැනුමින් උසස් අයෙක් වේ. එසේ සිදුවන්නේ ගුරු ග්‍රහයා බුධ සමඟ ලග්නගතව ධනු රාශියේ සිටියොත් පමණි.

ධනු  

ධනු ලග්නකාරයා නීතියට වැඩ කරන සටන්කාමී බලයක් ඇති අවංක පිනට ළැදි අයෙකි. එසේ වන්නේ ගුරු බලවත් වුවොත් පමණි. 

මකර

මකර ලග්නයෙන් උපදින අයට ලග්නාධිපතියා වන්නේ දුකට අධිපති සෙනසුරු ග්‍රහයාය. එනිසා ලග්නයේ හෝ 2 වැන්නේ සෙනසුරු ග්‍රහයා ලග්නාQACXධිපති ග්‍රහයා ලෙසින් බලවත් වෙමින් මකර කුම්භ යන රාශිවල සිටී නම් සෙනසුරුගේ නිසර්ග ගතිගුණ ජන්මියා තුළින් විද්‍යමාන වන කරුණු රැසක් ඇත. දුක හඳුනන ගතිය, ආත්ම සංයමය කිසි කෙනකුට කරදරයක් නොදී තමාගේ වැඩ පාඩුවේ තමන් විසින්ම කිරීම. දුක්විඳ කුසට අහරක් හරියට නැතිව ජීවිතය පුරාම දුක්විඳ සටන්කර තම දියුණුවේ විමුක්තිය සොයාගන්නා අය මකර ලග්න හිමි අය ය. එය එසේ සිදුවන්නේ ලග්නාධිපති ශනි ග්‍රහයා බලවත්ව ජන්ම පතේ පිහිටියහොත් පමණි.

කුම්භ

කුම්භ ලග්නයද සෙනසුරු විසින් නියෝජනය කරන විට සෙනසුරු සමඟ ගුරු, බුධ, කුජ වැනි ග්‍රහයන් ග්‍රහ සංයෝග මඟින් යෝග වී බලවත් වෙමින් අන්තර්ගත වුණද ඔහු මුළු ජීවිතය පුරාම පවතින අනුකම්පාව, කරුණාව අනුන්ට උපකාර කිරීම තුළ තම මුළු දිවිය පුරාම ඇප කැප වී වැඩ කරන දුකට ඔරොත්තු දෙන ශක්තියක් හිමි අයෙක් වන අතර ආගම දහම ගිලනුන්ට උපස්ථාන කරන ආරෝග්‍ය ශාලාවල සිටින  හෙදියන් සාත්තු සේවිකා සේවකයන් වැඩි හරියක් කුම්භ, මීන, කටක, තුලා ලග්නකාරයෝ වෙති. මෙම ලග්නවලින් උපදින අයගේ ජන්ම පත්වල ගුරු, කුජ, බුධ, ශනි යන ග්‍රහයන් උපතේ බලවත්වීමෙන් එය සිදුවේ.

මීන 

මීන ලග්නය හිමි අයට ලග්නාධිපති වන්නේ ගුරුය. ගුරු ග්‍රහයා මීන රාශියේ සිටින වේලාවක සිකුරුද එම රාශියේ උච්ච බලයෙන් සිටීනම් සුරූපී දෑහිතකාමී කලාවට ප්‍රිය අනුකම්පාව කරුණාව පරෝපකාරයට කැපවූ අයෙක් වීම ගුරු ලග්නාධිපතිගේ බලය අනුව සිදුවේ. 

මෙම ග්‍රහයන්ගේ බල දුබලතා උඩ ලග්න 12හේ ලග්නාධිපති ග්‍රහයන්ගේ බල දුබලතා 12හෙන් උපදින අයට සුබ-අසුබ ජීවිත උදාවට ගෙන දෙමින් මෙම ලග්න 12න් උපදින අයගේ ජීවිත දිවිපෙවෙත මෙලෙස ලග්නාධිපතියන් වූ ග්‍රහයන් විසින් හොඳ හෝ නරක පැත්තෙන් පාලනය කරන අයුරු ලග්නාධිපති ග්‍රහයන් ශුභ-අශුභ උදා කරන ග්‍රහයන් සමඟ සංයෝග ග්‍රහයෝග යෙදී ඇති අයුරු අනුව උදාවන ශුභ-අශුභත් ඒ අනුව තමාට හිමි දිවි කමල මරණය තෙක්ම ලග්නාධිපති ග්‍රහයා පාලනය කරන අයුරුත් මෙයින් පෙන්වා දුන්නෙමි. මෙයින් තවත් වැදගත් වන එක දෙයක් ඇත.ලග්නාධිපති ග්‍රහයාට සහයෝගය කැන්දමින් 1 - 5 - 9 ත්‍රිකෝණ අධිපති ග්‍රහයන් 1,4,7,10 අධිපති ග්‍රහයන්ද උපතේ බලවත්ව යෙදී ඇත්නම් ලග්නාධිපති වන ග්‍රහයාගේ බලය දෙගුණ තෙගුණ වෙමින් මිනිසාට හරි වැටහීම, පින් පව් දෙක, ලෝක ස්වභාවය, ලෝකයේ පැවැත්ම, ජීවත් විය යුතු ආකාරය, සමාජ මට්ටම, නානා ශිල්ප ශාස්ත්‍ර ප්‍රගුණ කිරීම, රට ජාතිය ආගම් ගැන උතුරා යන හදගැස්ම, මවුපියන්ට දරුවන්ට ගුරුවරුන්ට සහෝදරයන්ට ප්‍රේමවන්ත ආදර භාවය, ඉෂ්ට දේවතාවුන් පිදීම, දැහැමි වූ දිවි පෙවෙතක් මරණය දක්වා ගෙවීම, පවට බිය ගතිය,ජීවිතයේ යථාර්ථය වූ සත්‍ය දුක්ඛ සත්‍ය සමුදය සත්‍ය නිරෝධ මාර්ග සත්‍ය යන චතුරාර්ය සත්‍ය වැනි බුදු දහමෙහි එන චතුරාර්ය සත්‍ය පිළිගනිමින් පිළිපදිමින් ලග්නාධිපති 1,5,9 1,4,7,10 අධිපති ග්‍රහයන් බලවත් වූ අය දිවි ගෙවමින් අල්පේච්ඡ ජීවිතය තුළින් දුක නැති කර සතර මාර්ගඵල ලබා බුදුන් දෙසූ නිවන් මඟ අවබෝධ කරගන්නා අය වීම ජේ‍යාතිර්විද්‍යාවට අනුව ඔබට රහසක් නොවනු ඇත. කේන්දරයක් බැලීමේදී ලග්නාධිපති ග්‍රහයාගේ බලයද 1,5,9 1,4,7,10,8 අධිපති යන ග්‍රහයන්ගේ බලයද මැනවින් ජේ‍යාතිර්විද්‍යාවට අනුව පරීක්ෂණ කළොත් ලග්නාධිපති ග්‍රහයාගේ බලය කිනම් ක්‍රමයකට ක්‍රියාත්මක වේද යන්න බලාගත හැකිය.

courtesy :sithmalyaya.com