පිරිමින් ආදරය කරන්නේ ස්වාභාවික ඇස්වලටයි

දීප්තිමත් ඇස්, කතා කරන ඇස්, අඩවන් ඇස්... මේ මොනම අන්දමේ ඇස් දෙකකින් වුවත් මුහුණට ලැඛෙනුයේ උතුරා යන සුන්දරත්වයකි. ඇස් දෙකෙන් ඉඟි බිඟි කරමින් ඕනෑම කෙනකු වශී කරගැනීමේ හැකියාව යුවතියක සතු හැටහතර මායමින් එකකි. අදහස් ප්‍රකාශ කිරීමේ ප්‍රබල මාධ්‍යයක්වන ඇස් ඔබේ සැමියාගේත් සිත දිනන අනගි මාධ්‍යයකි. උතුරා යන සුන්දරත්වයෙන් යුතු නෙත් සඟල නිරෝගීමත් නෙත් සඟලක් ද විය යුතුවේ.

අව්වේ සිට ආ විගස ජලය නෑම අහිතකරය. ඉතා දුර ඇති වස්තූන් දෙස දීර්ඝ වේලාවක් බලා සිටීම, ඉතා සියුම් වස්තූන් දෙස අපහසුවෙන් බලා සිටීමත් සුදුසු නොවේ. දහවල නිදා ගැනීම හා රාත්‍රියේ නිදි වැරීම ඇස්වලට ඛෙහෙවින්ම අහිතකරය. මීට අමතරව දුම්, දූවිලි ඇති ස්ථානවල නිතර සිටීම, අධික ලෙස මත්පැන් පානය, කඳුළු පිට නොකර දරා සිටීම, මලමූත්‍ර පිට නොකර දරා සිටීම, ප්‍රමිතියෙන් තොර අව් කණ්ණාඩි හා සිවි කාච පැළඳීම, රූපවාහිනිය සමීපයේ සිට නැරඹීම, නිතර පරිගණකය අසල සිටීම සුදුසු නොවේ.

ඇස්වල නිරෝගීභාවය නැතිකර දමන්නට ඇතැම්විට ඔබ ඇස් සුන්දර කරන්න භාවිත කරන රූපලාවණ්‍ය නිෂ්පාදනම හේතුවිය හැකියි.

ඇස්වල දීප්තිය වඩ වඩාත් ඉස්මතු කරලීමට අයිෂැඩෝ, අයි ලයිනර්, මස්කාරා ආදිය භාවිත කරයි. ප්‍රමිතියෙන් තොර බාල තත්ත්වයෙන් යුතු මෙවැනි රූ ආලේපන ඔබේ ඇස්වල නිරෝගී බව නැතිකර දමයි.

ඇස්වල වෙහෙසකර බව, ඇස් ගිලී ගිය ස්වරූපය, මලානික බව, දීප්තිමත් බව අඩුවීම වර්තමානයේ යුවතියන්ට ඇස් සම්බන්ධව තිඛෙන ප්‍රධානම රූපලාවණ්‍ය ගැටලුවකි.

නිරෝගීමත් නෙත් සඟලකට

ෆ පිපිඤ්ඤා පෙති හෝ අලපෙති දෙකක් එළකිරි වීදුරුවකට දමා පැයකට පසු ඇස් මත විනාඩි 20 ක පමණ කාලයක් තබා සිටීම.

ෆ කෝමාරිකා මදය එළකිරි වීදුරුවකට දමා පැයකට පසු ඇස් මත විනාඩි 20 ක පමණ කාලයක් තබා සිටීම.

ෆ තේ කොළ මණ්ඩිවලින් පොට්ටනි දෙකක් සාදා ඇස් මත විනාඩි 20 ක පමණ කාලයක් තබා සිටීම.

ෆ රාබු අලයක් එළකිරි වීදුරුවකට දමා පැයකට පසු ඇස් මත විනාඩි 20 ක් පමණ තබා සිටීම.

නිරෝගීමත් නෙත් සඟලකට ව්‍යායාම

ෆ වම්පස සිට දකුණු පසටත්, දකුණු පස සිට වම් පසටත් වාර 10 බැගින් බැලීම. මේ ව්‍යායාමය පළමුව ඉතා සෙමින් වාර 10 ක් ද, දෙවනුව මඳක් වේගවත්ව වාර 10 ක් ද, තෙවනුව වේගවත්ව වාර 10 ක් ද කළ යුතුය.

ෆ ඉහළ සිට පහළටත්, පහළ සිට ඉහළටත් වාර 10 බැගින් බැලීම. මෙම ව්‍යායාමයත් පළමුව ඉතා සෙමින් වාර 10 ක් ද, දෙවනුව මඳක් වේගවත්ව වාර 10 ක් ද කළ යුතුයි.

ෆ ඇස කරකවමින් වම්පස සිට දකුණු පසටත්, දකුණු පස සිට වම්පසටත් වාර 10 බැගින් බැලීම. එම ව්‍යායාමය පළමුව ඉතා සෙමින් වාර 10 ක් ද, දෙවනුව මඳක් වේගවත්ව වාර 10 ක් ද, තෙවනුව වේගවත්ව වාර 10 ක් ද කළ යුතුයි.

ෆ අත් දෙක මාරුවෙන් මාරුවට දිග හරින විට අතේ දබර ඇඟිල්ල දෙස මාරුවෙන් මාරුවට බැලීම, මෙය ද මින් පෙර අවස්ථා මෙන් ඉතා සෙමින්, මඳක් වේගවත්ව හා වේගවත්ව වශයෙන් වාර 10 බැගින් කළ යුතුවේ.

ඉහත සඳහන් කළ ව්‍යායාම් ක්‍රම හතර දිනපතා කිරීමෙන් ඔබටත් දීප්තිමත් හා නිරෝගීමත් නෙත් සඟලක් ලබාගත හැකියි.

පිරිපුන් දෙනෙතට සම්බාහනය

ෆ ඇස් යටට අත් දෙකේ වෙදැඟිලි දෙක තබා ඇස් යට සෙමින් තද කිරීම හා ලිහිල් කිරීම.

ෆ ඇස් වසා ඇස් යටට අත් දෙකේ වෙදැඟිලි දෙක තබා වම් පස සිට දකුණු පසටත්, දකුණු පස සිට වම් පසටත් රවුම් ආකාරයට වාර 10 බැගින් සම්බාහනය කිරීම.

මෙම සම්බාහන ක්‍රම දෙක උදේ, සවස කිරීමෙන් ඇස්වල රුධිර සංසරණය දියුණු වී ඇස්වල මලානික බව දුරු වී ඇස් ප්‍රබෝධවත් ස්වභාවයකට පත්වේ.

ඇස් වටා කළුවීමට

ෆ කඩල, මුං ඇට, කව්පි, එළඟි තෙල් දමා රන්වන් පාට වනතෙක් කබලේ බැද කුඩුකර එම කුඩු එළකිරි සමඟ මිශ්‍රකොට ඇස් වටා ආලේපය.

ෆ අමුක්කරා කුඩු, වැල්මී කුඩු, එළකිරි සමඟ මිශ්‍රකොට ඇස් වටා ආලේපය.

ෆ අර්තාපල්, රාබු එළකිරෙන් තම්බා පොඩිකර ඇස්වටා ආලේපය.

ෆ ආමන්ඩ් කුඩු එළකිරි සමඟ මිශ්‍රකොට ඇස් වටා ආලේපය.

මෙලෙස නිවැරැදි විහරණ රටා අනුගමනය කිරීමෙන් ඔබට හිමි සාමාන්‍ය නෙත් සඟල දීප්තිමත් නෙත් සඟළක් බවට පත්ව මුහුණින් අමුතුම කාන්තියක් විහිදේවි. එය ඔබ කෙරෙහි සැමියාගේ ආකර්ෂණයට එකහෙළාම බලපානු ඇත.

curtesy : wishmaya.com

(under the courtesy of goodhousekeeping.lk web)