දවස් දෙකෙන් සුදු වෙන්න රහස් ඛෙහෙත් වට්ටෝරුව

ස්ක්‍රබ් කරගත් ඔබේ සම මත පැක් එකක් යෙදීමෙන් පැහැපත් බව තවත් වර්ධනය කරගන්න පුළුවන්. ඔබේ සමේ ස්වභාවය අනුව ඔබට ගැළපෙන පැක් එකක් සාදා ගන්න.

තෙල් සහිත සමට

කඩල පිටි, මුං පිටි, රතුහාල් පිටි සමාන ප්‍රමාණයෙන් ගෙන එයට කිරි පිටි මේස හැඳි එකක් සහ දෙහි බින්දු කිහිපයක් දමා මිශ්‍ර කරගන්න.

වියළි සමට

කඩල පිටි, මුං පිටි, රතු පරිප්පු කුඩු කර, රතුහාල් පිටි සමව ගෙන කෝමාරිකා යුෂ, යෝගට් එක් කොට මිශ්‍රකර ගන්න.

සාමාන්‍ය සමට

කඩල පිටි, මුං පිටි, රතු පරිප්පු පිටි, සුදු හාල් පිටි, කුරක්කන් පිටි, කස්තුරි කහ කුඩු ආදිය සම ප්‍රමාණයෙන් ගෙන එළකිරි, මී පැණි, යෝගට්, දෙහිබින්දු කිහිපයක් හා අයිස් වතුර ස්වල්පයක් දමා මිශ්‍රණය සාදා ගන්න.

ඔබේ සමට ගැළපෙන සේ සකස් කරගත් පැක් එක මුහුණේ උඩු අතට ගනව සිටින සේ බුරුසුවකින් ආලේප කරන්න.

විනාඩි 20ක් පමණ එය වියළෙන්නට හැර එළකිරි හෝ පිටිකිරි ස්වල්පයක් දියකර බුරුසුවක ආධාරයෙන් මුහුණේ ආලේප කර ඇති පැක් එක මත තවරන්න

නැවැත විනාඩි 15ක් හෝ 20ක් එය මුහුණේ තබා වියළුණු පසු අයිස් වතුර පෙඟවූ ස්පොන්ජ් කැබැල්ලකින් මුහුණ තෙත් කරන්න.

ගැල් වූ ආලේප අයිස් වතුරෙන් හොඳින් පෙගුණු පසු ස්පොන්ජ් කැබැල්ලෙන්ම එය ඉවත් කරන්න.

ටිෂූ කැබැල්ලක ආධාරයෙන් මුහුණ හොඳින් තෙත මාත්තු කරගන්න. සාදාගත් ටෝනර් එක පුළුන් කැබැල්ලකින්ද මුහුණේ ආලේප කරන්න.




ටෝනර් සාදා ගන්නා අයුරු

රතු රෝස පෙති පිරිසුදු වතුර වීදුරුවකට දමා රාත්‍රියේ වසා තබන්න. පසුදා උදෑසන එය පෙරා භාවිතයට ගන්න

පිපිඤ්ඤ බ්ලෙන්ඩර් කර පෙරා ඉස්ම ගන්න.

සමන් පිච්ච මල්, ස්පාලිකා මල් පිරිසුදු වතුර වීදුරුවකට දමා රැයක් පෙඟෙන්නට තබා පසුදා උදෑසන පෙරා ගන්න.

මේ සියල්ල ශීතකරණයක දමා දවස් 5ක් පමණ කල් තබා ගත හැකිය. එසේ කිරීමට අපහසු නම් අවශ්‍ය ප්‍රමාණයට පමණක් සාදා ගන්න. සති කිහිපයක් පුරා අප කතා කළ මේ සත්කාරය කිරීමෙන් පසු හිරු රශ්මියට නිරාවරණය වීමෙන් හැකිතාක් අවම කරගන්න. එසේ නොමැති නම් හිරු කිරණින් සම ආරක්‍ෂා කරන ආලේප වර්ගයක් සම මතුපිට ආලේප කරන්න. ස්වාභාවික ඖෂධ ඇසුරෙන් කරන මෙම ප්‍රතිකාර උදෑසන 7 - 11 අතර හා සවස 2 - 5 අතර කරන්න. එසේ නොමැති නම් වඩාත් සුදුසු වන්නේ රාත්‍රි කාලයයි. මේ සත්කාරය කිරීමෙන් පසු එදින රාත්‍රියේ සහ පසුදා උදෑසන සබන් නොයොදා අයිස් වතුරෙන් පමණක් මුහුණ සෝදන්න. සෙම බහුල අයෙක් නම් මඳ රස්නය ඇති ජලය පමණක් භාවිත කරන්න. ඊට පසුදින සවස් වූ විට ඔබට සුපුරුදු පරිදි මුහුණ සේදීම කළ යුතුය. ස්වාභාවික සත්කාර කළ පසු නැවැත සති 2ක් යනතෙක් ස්ක්‍රබ් කිරීම හෝ ෆෙෂල් කිරීම එතරම් සුදුසු නැත. මෙහි ප්‍රතිඵල නිවැරැදිව දැකිය හැක්කේ දවස් 2ක් පමණ ඉක්ම ගිය පසුය.

(under the courtesy of goodhousekeeping.lk web)