iranama
තහනම් ආදරයකට හිත ඇදෙන නාරි දේහ ලක්‍ෂණ
ඉසිවරු පැරැණි තල්පත් ඉරුවල ස්‌ත්‍රියකගේ දේහ ලක්‍ෂණයන් හඳුනා ගැනීමේ හා පලාපල කීමටද දේහ ලක්‍ෂණ විද්‍යාව උපයෝගී කොට ඇත. ඒ දේහ ලක්‍ෂණයන් මෙසේය.
ස්‌වාභාවිකව මුව ඉතා කුඩා අය ලඡ්ජාශීලීය. තමාගේ කටයුතු පමණක්‌ බලන්නාහුය. මෙවැන්නන් අතර ස්‌වභාවයෙන් තොල් සඟල තදින් පියවා සිටින්නී. ගුප්තමය චරිත ඇත්තියකි. කටයුතු ඉතා රහස්‍යයි. ඊට හේතුව ඔවුන් තුළ ඇති ලඡ්ජාශීලී බව විය හැක. කුලෑටි බවද ඇත. සිතැඟි එක එල්ලේ පළ නොකළ හැකි මෙවැන්නිය ආලය ප්‍රකාශ කරන්නේද විවෘතව නොවේ. යටි හිතේ පිරී ඇති ආදරය ආලය ප්‍රකාශ කරන්නේද විවෘතව නොවේ. යටි හිතේ පිරී ඇති ආදරය වචනයට නොනගයි. එවන් ප්‍රතිචාරයක්‌ හඳුනා නොගැනීම නිසා විවාහය බිඳ වැටී දෙදරා යයි.
ලවන් පෙති නිබඳ සසලවමින් විවිධ ඉරියව්වලට නඟමින් කතාකරන අය ඉහත දැක්‌වූ චරිතයට හාත්පසින්ම වෙනස්‌ චරිත ඇත්තේය. විවෘතව තම සිතැඟි පළ කිරීම ඔවුන්ගේ සිරිතයි. මොවුන් කෙළින් විවෘතව සෘජුව කතාකරන්නියන්ය.
සිනාසීමේදී උඩුතොල එයට සහභාගි කර නොගන්නා ඉරියව්වද ඉතා වැදගත් චරිත ලක්‍ෂණයන් විදහා පායි. සොම්නස්‌ දොම්නස්‌ ඈ වේදනා කෙතරම් තදින් සිත තුළ හට ගතුදු ඒවා වචනයට නඟා පිට කිරීම ඔවුන් අතින් සිදු නොවේ. ගිලගෙන සිටින හැඟීම් ඇත්තියකි. එහෙත් ඔවුන් සඟවාගෙන සිටින සුඛ දුක්‌ඛ වේදනා කවරේදැයි ස්‌ත්‍රීමනා පරීක්‍ෂාවකින් සිටින්නකුට වෙනස්‌ ඉන්ද්‍රියයන් කෙරෙන් හඳුනාගත හැකිවෙයි. ඇසට උනන කඳුළ උදාහරණයකි.
මුවෙහි ඇත්තේ ඉතා සංවේදී සියුම් සිවියකි. එය දෙතොල් පෙති මතුයෙහි රනින් මැවී පෙනෙයි.
