ඔබේ දරුවාත් ලොව නිරෝගීම දරුවන් අතරට ගෙනයන ක්‍රම 20ක්

ඔබේ දරුවා ලෝකයේ සිටින නිරෝගීම දරුවා කරන්න අවශ්‍ය නම් මෙන්න ඒ සඳහා සුදුසුම ක්‍රමයක් තිබෙනවා. නමුත් ඒක රහසක්. ජපාන පෝෂණවේදීන් පිරිසක් තමයි මුලින්ම මේ රහස අනාවරණය කරගත්තේ. මේ රහසට කරුණු 20ක් අන්තර්ගත වෙනවා.

විශේෂයෙන්ම බොහෝ දරුවන් කෙටි ආහාරවලට පුරුදු වී සිටීම මේ වෙද්දී සුලබ කාරණයක්. පිට්සා, චොක්ලට්, කේක් සහ අයිස් ක්‍රීම් ඒ අතුරින් ප්‍රධානයි. ඒ හේතුව නිසාම දරුවන් අතර ලෙඩ රෝග විශේෂයෙන් හෘදයේ ආබාධ, දියවැඩියාව වැනි බෝ නොවන රෝග බහුලව දක්නට ලැබෙනවා.
මේ නිසාම ජපානය අලුත් සහ පහසු ක්‍රමවේදයක් හඳුන්වාදී තිබෙනවා. මේ ක්‍රමය මඟින් දරුවා කෙටි කෑමවලින් මඟහරවා පෝෂ්‍යදායී ආහාර රටාවකට හුරු කරවිය හැකියි.
1. දරුවන් ඉදිරියේ පෝෂ්‍යදායී ආහාර, සෞඛ්‍යසම්පන්න ආහාර ලෙස ආහාර වර්ග කරන්න එපා. එය දරුවන්ට ආහාර එපා කරවීමට හේතු වෙනවා.
2. රාත්‍රි ආහාර වේලට එළවළු සුප් හදන්න.
3. කැලරි අධික ආහාර නිතර දරුවාට කෑමට දෙන්න එපා.
4. කෙටි කෑම වර්ග එළවළු සහ පලතුරුවලින් හදන්න. බිස්කට්, අයිස් ක්‍රීම්වලට එළවළු, පලතුරු එක්කරන ක්‍රම ගැන සිතා බලන්න.
5. ප්‍රධාන ආහාර වේල් තුනට පසු විවිධ පලතුරු එක්කළ අතුරුපසක් දෙන්න.
6. කුස්සිය නැවුම් එළවළු, පලතුරු ගබඩාවක් කරන්න.
7. දරුවන්ට එළවළු වර්ග එකතු කළ පිට්සා, ස්පැගට් සාදා දෙන්න.
8. සෑමදාම එළවළු විවිධ ලෙස සකස් කරන්න. ආහාර වට්ටෝරු වෙනස් කරන්න.
9. එළවළු, පලතුරු විවිධ හැඩයට කපා දරුවන්ට කෑමට දෙන්න. ඒ සඳහා ගැළපෙන හැඩතල වෙළෙඳපොළේ තිබෙනවා.
10. දරුවන් වෙළෙඳපොළට රැගෙන ගොස් එළවළු, පලතුරු තෝරා ගැනීමට උදව්කරුවකු කරගන්න.
11. එළවළු පිසීමට, සේදීමට දරුවාටත් අවස්ථාව ලබාදෙන්න.
12. ගෙවත්තේ දරුවා සමඟ එක්ව එළවළු වගා කරන්න.
13. එළවළු, පලතුරු ගැන දරුවන්ගෙන් අහන්න.
14. දරුවා සෙල්ලම් කරන විට ඉවත් කරන එළවළු, පලතුරු කැබලි දෙන්න.
15. දරුවාට විවිධ රස දැනෙන්නට ඉඩහරින්න.
16. පෝෂ්‍යදායී ආහාර ගන්න දරුවාට බල කරන්න එපා.
17. පිඟාන පිරිසුදු කරන්න අණ දෙන්න එපා.
18. සියලු දෙනාම එක්ව ආහාර ගන්න.
19. අමුවෙන් ආහාරයට ගතහැකි එළවළුවලට වැඩි ප්‍රවණතාවක් දෙන්න.
20. එළවළු සහ පලතුරුවල වටිනාකම දරුවාට දැනෙන්නට ඉඩහරින්න. කියා දෙන්නට යන්න එපා.

Wmqgd .ekSu u