2018 ඔබට පල අපල මෙහෙමයි

ශ්‍රී බුද්ධ වර්ෂ 2561 වූද, ශක වර්ෂ 1940 ක්‌ හෙවත් කලියුග වර්ෂ 5119 හෙවත් ව්‍යවහාරික වර්ෂ හෙවත්

ක්‍රි. ව. 2018 ක්‌ වූ ජනවාරි මස 01 වැනි සඳු දින උදාවන නව වසරත් සමගින් රාශි වළල්ලේ මූලික වූ නව ග්‍රහ ගෝචරය අනුව ලග්න දොළහෙන් පළමු ලග්නය වන මේෂ ලග්නයේ සිට මීන ලග්නය දක්‌වා වූ ලග්න 12 හේ නව අවුරුදු ලග්න පලාපල මෙසේ දිගහැරෙන වගයි¾

මේෂ

* ඒරාෂ්ටක නිමා වූ යහපත් වසරක්‌

* නව වසරේ මේෂ ලග්නයේ ග්‍රහ පිහිටීම

2018 නව වසර ආරම්භයත් සමග ඔබගේ මේෂ ලග්න ජන්ම පතේ ග්‍රහ පිහිටීම පහත පරිදි වේ. ලග්නාධිපති අඟහරු ලග්නයෙන් 07 වැන්නේ ගුරු සමඟින් යෝග වීමෙන් මෙම නව වසර උදාවන අතර සඳු 3 වැන්නේ සිටී. රවි, සිකුරු හා ශනි සමගින් 9 වැන්නේ හා බුධ ලග්නයෙන් 8 වැන්නේ සිටීම ඔබට සුබදායක වේ. රාහු 4 වැන්නේත් කේතු 10 වැන්නේත් සමගින් පසුගිය වසරේ ඔක්‌තෝබර් 26 වසර 3 කට පසු සෙනසුරු ලග්න අෂ්ටම ඒරාෂ්ටකය නිම වූ ඔබට මෙම වසර සුබදායක වනු ඇත.

2018 නව වසර ඔබට මෙසේ බලපානු ඇත.

විවාහය හා ගෘහ ජීවිතය

මෙම නව වසර විවාහ අපේක්‌ෂිත ඔබට විවාහ ඉටු වන වසරකි. විවාහක මේෂ ලග්න හිමියන්ගේ පවුල් ජීවිතය සම්බන්ධයෙන් සිතා බැලීමේදී බොහෝ විට නිතරම ගේදොර වාසනාව ඇති වන කාලයකි. උසස්‌ අයගෙන් යහපතක්‌ උදාවන කාලසීමාවකි. පවුලේ දියුණුවට කටයුතු සැලසෙනු ඇත. විශේෂයෙන්ම අවිවාහක මේෂ ලග්න හිමියන් වසරේ මුල් මාස 6 න් පසු එම කටයුතු සම්බන්ධයෙන් උනන්දු වීමෙන් ඔබට යහපත් ප්‍රතිඵල උදාකර ගත හැකි වනු ඇත. බොහෝ විට මෙම අගෝස්‌තු දක්‌වා කාලය තුළ පෙම්වතුන්ගේ ප්‍රේම සම්බන්ධතා සාර්ථක වන කාලසීමාවකි. ඔක්‌තෝබර් වලින් පසු කාලය තරුණ වයසේ පසුවන ස්‌ත්‍රීන්ට හා පුරුෂයන්ට ආදර හැඟීම් අතින් යහපත් වූ කාලසීමාවකි. මෙම තත්ත්වය බෙහෙවින්ම බලපාන්නේ මෙම වසරේ මුල් මාස 6 තුළය. වසරේ අග භාගයේ ග්‍රහ ගමන අනුව නම් අඹු සැමි සතුට හීනවන කාලයකි.

ධනය හා ලැබීම්

මෙම වර්ෂය ආරම්භයේදී ඔබට මිල මුදල් හා ධන ලාභවලින් සුබදායක වනු ඇත. වසරේ මුල් මාස 6 ක කාලය ධන ලාභ ලැබෙන කාලයකි. නමුත් විටින් විට අධික වියදම් හා ප්‍රබල ධන හානිද මෙම වසර පුරාවටම ඔබට යම් යම් අවස්‌ථාවල ඇති විය හැකිය. ඒ පිළිබඳව නිතරම අවධානය යොමු කිරීම හා බුද්ධිමත්ව කටයුතු කිරීම නුවණට හුරුය. වසරේ ජූලි සිට නොවැම්බර් දක්‌වා කාලසීමාව මිල මුදල් අතින් යහපත් කාලසීමාවකි. ලොතරැයි වාසනා වැනි ධන ලාභ ලැබීමට අවස්‌ථාවන් උදාවේ. මෙම කාලයේ ඔබ කතාවට දක්‌ෂ වනු ඇත. වචනයේ බලය පෙන්වීමට හොඳ කාලයකි. ගුප්ත විද්‍යාවෙන් වැඩ ගැනීමට බලාපොරොත්තු වන අයට මුල් මාසවලදී ඉතා යහපත් ප්‍රතිපල ලැබෙන කාල සීමාවක්‌ වනු ඇත. ඔබගේ බාල සහෝදරයෙකුට උසස්‌ වීමක්‌ ලැබීමට අවස්‌ථා උදාවනු ඇත.

රැකී රක්‌ෂා කටයුතු

රැකීරක්‍ෂාවල උසස්‌ වීම් මෙන්ම නව රැකියා අවස්‌ථා ලැබෙන කාලයකි. නමුත් වසර අග කාලසීමාව තුළ තමා රැකියාව කරන ස්‌ථානයේ යම් යම් මානසික පීඩා ඇතිවන ආකාරයේ සිද්ධීන් උදා විය හැක. විශේෂයෙන් සමාජයෙන් ගරු නාම ලැබෙන අතර සමාජයේ පිළිගැනීමක්‌ ඇති වේ. රැකියාව හේතු කොටගෙන ආදායම් මාර්ග සරුවන හා පඩි වැඩි වන කාලයකි. මෙම වසර තුළ වෙළෙඳ ව්‍යාපාරවල යෙදෙන ලග්න හිමියන්ට එමගින් ලාභ ලැබෙන අතර මෙම වර්ෂය ව්‍යාපාරවලට සුබදායක වසරක්‌ වනු ඇත. කෙසේ වෙතත් රාහු මහ දශා හා අන්තර් දශා ගතකරන හා සෙනසුරු ජන්ම හෝ චන්ද්‍ර අෂ්ඨම ඒරාෂ්ටක ගතකරන මේෂ ලග්න හිමියන්ට ව්‍යාපාර අතින් එතරම් සුබදායක නොවනු ඇත. අධික ලෙස මුදල් වියදම් කිරීමට සිදුවීම හේතුවෙන් ඒවායින් අලාභ හා පාඩු සිදුවිය හැකිය. එම නිසාවෙන් ඔවුන්ට මිල මුදල් අතින් එතරම් සුබ නොවනු ඇත. හවුලේ කරන රැකියා හෝ ව්‍යාපාර කටයුතුවලින්ද පාඩු සිදුවේ. කලක පටන් කරගෙන ආ රැකී රක්‌ෂාවලට බාධා ඇති වේ.

ශරීර සෞඛ්‍ය

ඔබට මෙම වසර සෞඛ්‍යය අතින් නම් සතුටුදායක යහපත් කාලයක්‌ වනු ඇත. ශරීර සනීපය ඇතිවන කාලයකි. ශරීරයේ බර වැඩිවේ. උදරාශ්‍රිත රෝග ආහාර ජීර්ණ පද්ධතියේ විවිධ ආබාධ, වසංගත රෝග, නිදන් ගත රෝගාබාධ, තත්ත්ව සුළු වශයෙන් ඇති වේ. වසරේ මුල් භාගයේදී සුළු අනතුරුවලට මුහුණ පෑමට සිදු වනු ඇත. එය බොහෝ දුරට අපරික්‌ෂාකාරී තත්ත්වයන් මත සිදුවිය හැකිය. ඒ පිළිබඳව සැලකිලිමත් වන්න. විශේෂයෙන්ම මෙම කාලය තුළ පාදවලට අනතුරු ඇති විය හැකිය. යාන වාහන පැදවීමේදී පරිස්‌සම් විය යුතු කාලයකි.

අධ්‍යාපනය

ඥානය හා බුද්ධිය වැඩි දියුණු වන අතර අමුතු දෙයක්‌ පිළිබඳ ඉගෙනීමටද අවස්‌ථාව ලැබේ. තරග විභාගවලට ඉදිරිපත් වන ශිෂ්‍ය ශිෂ්‍යාවන්ට එමගින් ජය හිමිවන අතර ඔවුන්ගේ උසස්‌ අධ්‍යාපන අවස්‌ථා පුළුල් වීමටද කටයුතු සැලසේ. අධ්‍යාපනය ලබන ශිෂ්‍ය ශිෂ්‍යාවන්ගේ ශාරීරික නිරෝගීතාව අඩුවන අතර බොහෝ දේ අමතක වන ස්‌වභාවයක්‌ ඇත. වසරේ මුල් මාස 3 කාලයේදී නොගැලපෙන බැඳීම්වලට සිත යොමු වීම හේතු කොටගෙන අධ්‍යාපනයට බාධා හා අවහිරතා පැමිණේ.

වසරම සුබ දායක වීමටත් පවතින ග්‍රහ අපල සමනය වීමටත් -

පුර පක්‌ෂයේ සිකුරාදා දින 07 ක්‌ සවස 8 - 9 අතර හෝ උදෑසන 6 - 7 අතර කාලය තුළ නිල් කටරොළු මල් හා විවිධ වර්ගයේ මල් සමග බෝධි පූජාවන් පවත්වා විෂ්ණු දෙවියන්, පත්තිනි මෑණියන් ප්‍රධාන තම ඉෂ්ට දෙවියන්ට පින් අනුමෝදන් කර පවතින නවග්‍රහ අපල සමනය වේවායි ප්‍රර්ථනා කරන්න. මේෂයෙන් උපන් අයට රතු මැණික්‌ ගල් පැළඳීම යහපති.

2018 මේෂ ලග්න අය - 08, වැය - 05.

සුබ දවස්‌ - ඉරිදා, අඟහරුවාදා, සෙනසුරාදා

සුබ වර්ණ - රතු හා නිල් පාට

සුබ අංක - 06, 07 09

සුබ පාට - රතු මැණික්‌

වෘෂභ

* වැය පක්‌ෂය ඉහළට

නව වසරේ වෘෂභ ලග්නයේ ග්‍රහ පිහිටීම

2018 නව වසර ආරම්භයත් සමග ඔබගේ වෘෂභ ලග්න ජන්ම පතේ ග්‍රහ පිහිටීම පහත පරිදි වේ. ලග්නාධිපති ශුක්‍ර හෙවත් සිකුරු ලග්නයෙන් 08 වැන්නේ රවි හා ශනි සමගින් පිහිටන අතර කුජ හා ගුරු 6 වැන්නේ යෝග වන අතර බුධ 7 වැන්නේත්, සඳු 2 වැන්නේත්, රාහු 3 වැන්නේත්, කේතු 9 වැන්නේත් ගෝචර ගමනක යෙදෙන අවස්‌ථාවක මෙම නව වසර උදාවනු ඇත. මෙම නව වසර වෘෂභ ලග්නය හිමි ඔබට මධ්‍යම ප්‍රතිඵල උදා වන්නා වූ වසරකි.

2018 වසර වෘෂභ ලග්න ග්‍රහචාරය අනුව ඔබට මෙසේ බලපානු ඇත.

වෘෂභ ලග්නයෙන් උපන් ඔබගේ ජන්ම පත්‍රයේ නව වසර ආරම්භයත් සමග පවතින ග්‍රහචාරයට අනුව ලග්නාධිපති සිකුරු සමගින් ශනි ඔබගේ ලග්නයෙන්

8 වැන්නේ ගමන් කරන අතර ලග්නාධිපති 8 වැන්නේ සෙනසුරු සමඟ ගමන් කිරීම මත ඔබට මෙම නව වසර ආරම්භය එතරම් සුබදායක නොවනු ඇත. එසේම රාහු 3 වැන්නේ සතුරු වීමත්, ඔබගේ ලග්නයට ලග්න අෂ්ටම ඒරාෂ්ටක අපල උදා කරමින් සෙනසුරු එළඹෙන 2020 ජනවාරි දක්‌වා ලග්නයෙන් 8 වැන්නේ සම රාශිගතව ගමන් කිරීම මත සියලු කටයුතුවලට බාධාකාරී තත්ත්ව වසර පුරාවට වරින් වරට මතුවිය හැකිය. ඒ පිළිබඳ සැලකිලිමත් විය යුතුය. එළඹෙන 2018 ඔක්‌තෝබර් මාසය දක්‌වා ගුරු හෙවත් බ්‍රහස්‌පති ඔබගේ ලග්නයෙන් 4 වැන්නේ බලවත්ව ගමන් කිරීම ඔබට මෙම වසර ආරම්භයත් සමඟ යම්කිසි කැපී පෙනෙන සුබ දායක තත්ත්වයකි. උෂ්ණාධික රෝගාබාධ මෙන්ම සෙම් ආශ්‍රිත රෝග, යටිබඩ ආශ්‍රිත ආබාධ, තුනටියේ හා අත පයවල ආබාධ, ස්‌නායු ආබාධ, තුවාල වැළඳීමේ අවදානමක්‌ වසරේ මුල් මාස 06 තුළ පවතී. ආදායම් තත්ත්වය මෙම වසර පුරාවට මධ්‍යස්‌ථ මට්‌ටමක පවතී. වැය පක්‌ෂය ඉහළ යන අවස්‌ථා උදාවනු ඇත. විශේෂයෙන් වසරේ අගෝස්‌තුවලින් පසු තමාගේa මවට අසුබඵල උදා කරනු ඇත. නව ව්‍යාපාර ආරම්භ කිරීමට වසරේ මුල් මාස 03 තුළ සුබදායක වනු ඇත. මෙම වසර ඔබගේ නෑදෑ හිතවතුන් ඔබට වඩාත් සමීප වන වසරකි. හිතමිතුරන් ඔබ හා එක්‌වන වසරකි. වන්දනා ගමන් මෙන්ම විදේශ සංචාරද වසරේ මුල් මාස 06 තුළ හිමිවනු ඇත. වසරේ මුල් මාස තුන තුළ පවුල් ජීවිතය ආශ්‍රිතව යම් යම් ගැටලු මතු විය හැකි බැවින් ඒ පිළිබඳ සැලකිලිමත් විය යුතුය. ව්‍යාපාරවලට හා ඒවායේ නිරත අයට සාර්ථක ප්‍රතිඵල උදාවනු ඇත. මුදල් ණයට දීමේදී ප්‍රවේශම් විය යුතු අතර ඔබ ඉල්ලා ඇති ණය මුදලක්‌ වසර මුලදීම ලැබෙනු ඇත. ලොතරැයි ලාභ හා භූමි ලාභ ඉටුවන වසරකි. ගේ දොර ඉඩකඩම් යාන වාහන ලැබීමේ හැකියාව වසරේ ඔක්‌තෝබර් දක්‌වා කාලය තුළ උදාවනු ඇත. විශේෂයෙන් අධ්‍යාපන කටයුතුවල නිරත අයටත්, දරුඵල බලාපොරොත්තු වන අයටත් වසරේ ඔක්‌තෝබර් දක්‌වා කාලය තුළ බාධක මැද වුවත් යම් පමණක යහපත් ප්‍රතිඵල උදාවනු ඇත. ඉන්පසු වසරේ ඉතිරි මාස කීපය සුබදායක නොවනු ඇත. උසස්‌ අධ්‍යාපන කටයුතුවල නිරත ඔබටත් සුබ දායක බලාපොරොත්තු තබාගත හැක්‌කේ වසරේ අගෝස්‌තු දක්‌වා වූ කාලය තුළය.

නව වසරේ රැකියා බලාපොරොත්තු වන ඔබගේ එම කටයුතු සාර්ථක වන අතර රැකියා ස්‌ථාන මාරු හා නව රැකියා සඳහා ද අවස්‌ථාවන් උදා වනු ඇත. විශේෂයෙන් ඔබ විදුලියෙන් පරිස්‌සම් විය යුතු වසරකි. ඒ පිළිබඳ ඔබ සැලකිලිමත් විය යුතුය. සාමාන්‍ය අනතුරු තත්ත්වයන්, ඇළ දොළ ගංගාවලදී සිදුවන අනතුරු තත්ත්ව හා රථවාහන අනතුරු තත්ත්ව ඇති විය හැකිය. වසරේ මුල් මාස 04 න් පසුව විවාහ කටයුතු සඳහා අවස්‌ථාවන් එතරම් උදා නොවනු ඇත. මෙම වසරේ අගෝස්‌තු දක්‌වා මෙම ලග්න හිමි පෙම්වතුන්ට සුබදායක වනු ඇත. මැණික්‌ ව්‍යාපාර හෝ භූමිය ආශ්‍රිත ව්‍යාපාර කරන ඔබට මෙම වර්ෂය මධ්‍යම ප්‍රතිඵල උදා කරනු ඇත. රෙදි කර්මාන්තවල යෙදෙන මෙම ලග්න හිමියන්ට මෙම වසර සුබදායක වනු ඇත. ගොවිතැන් කටයුතු කරන මෙම ලග්න හිමියන්ට මෙම වසර එම ගොවිතැන් කටයුතු සඳහා යහපත් වූ වසරකි. සෙනසුරු හා රාහු මහ දශා, අන්තර් දශා ගතකරන මෙම ලග්න හිමියන්ට බාධක හා පීඩා තත්ත්වයන් ඇති වනු ඇත. ගුරු සිකුරු මහ දශා හා අතුරු දශා ගත කරන්නන්ට සුබයි.

අපල දෝෂ දුරු කර ගැනීමට පිළියම්

හැකි සෑම විටම අඟහරුවාදා හා සෙනසුරාදා දිනවල සතිපතා බෝධි පූජා පවත්වා, සෙනසුරු අඟහරු ප්‍රමුඛ නවග්‍රහයන්ගේ අපල දුරුවීමට විෂ්ණු දෙවියන් වහන්සේට හා කතරගම දෙවියන් වහන්සේට පින් අනුමෝදන් කර උන්වහන්සේලාගේ පිහිට පතන්න. නිල් හා රතු මල් හා නිල් හා රතු කොඩි වැඩි වශයෙන් පූජා කරන්න.

පහත සඳහන් ගාථා කියා ශ්‍රී විෂ්ණු දිව්‍යරාජයාණන් වහන්සේටත්, කතරගම ස්‌කන්ධ කුමාර දිව්‍ය රාජෝත්තමයන් වහන්සේටත් පින් අනුමෝදන් කරන්න.

ශ්‍රී විෂ්ණු දිව්‍යරාජයාණන් වහන්සේට පින් දෙන ගාථාව

සම්බුද්ධ ශාසනවරං යතිපුංග වංච

සම්පාලනාය පටිලද්ධ වරෝ යසස්‌සී

පුඤ්Æනිමානි අනුමෝධීය වාසු දේවෝ

පාලේතු මං සතත සහත හිතා වහන්තූ.

කතරගම ස්‌කන්ධ කුමර දිව්‍ය රාජෝත්තමයන් වහන්සේට පින් අනුමෝදන් කරන ගථාව

කාචරේ දේව ගෝවින්දං

රක්‌ඛන්තු ලෝක සාසනං

ඒතෙ දේවානු භාවේන

කන්ද ස්‌වාමි නමෝ වරං.

මෙම ගාථා තෙවරක්‌ කියා කතරගම දෙවියන්ටත් විෂ්ණු දෙවියන්ටත් පිං අනුමෝදන් කරන්න. ඔබේ ග්‍රහ අපල බෙහෙවින්ම සමනය වනු ඇත.

2018 වෘෂභයේ අය - 02, වැය - 14

සුබ දවස්‌ - ඉරිදා, බදාදා, සිකුරාදා

සුබ වර්ණ - සුදු හා ක්‍රීම් පාට

සුබ අංකය - 06

මිථුන

* කාන්තා ඔබට තනතුරු ලාභ.

2018 වසර මිථුන ලග්න ග්‍රහ චාරය අනුව ඔබට මෙසේ බලපානු ඇත.

මිථුන ලග්නයෙන් උපන් ඔබගේ ජන්ම පත්‍රයේ නව වසර ආරම්භයත් සමග පවතින ග්‍රහ චාරයට අනුව ඔබට කාලයක්‌ තිස්‌සේ බලාපොරොත්තු වූ රැකියා ලැබීමේ වාසනාව හිමිවනු ඇත. පවුලේ හෝ හිතවතකුට ඇතිවන අසනීප තත්ත්වයන් නිසා ඔබට බොහෝ කාලය, ශ්‍රමය, ධනය ඒ වෙනුවෙන් ගත කිරීමට සිදුවනු ඇත. අවිවාහක ඔබට මෙම වසර විවාහ යෝජනා ඉදිරිපත් වන වසරක්‌ වනු ඇත. පසුගිය වසර පුරා පැවති බාධා යම් පමණක ඉවත් වෙයි. කාන්තාවන්ට විශේෂයෙන් තනතුරු ලාභ ලැබෙයි. උසස්‌ අධ්‍යාපන කටයුතු සාර්ථක වන අතර අඵතින් අරඹන කටයුතු මේ කාලයේ සාර්ථක වේ. එසේම මේ කාලසීමාව තුළ ශරීර සෞඛ්‍ය යහපත්ව පවතිනවා. සිතේ ඇතිවන මානසික අසහනය දුරු වෙයි. දරුවන්ගේ දියුණුවට කටයුතු යෙදේ.

විවාහය හා ගෘහ ජීවිතය

තමන් පදිංචි ස්‌ථානයේ වෙනසක්‌ සිදුවන වසරකි. එසේම මෙම කාලයේ ඔබ කතාවට දක්‌ෂ වනු ඇත. වචනයේ බලය පෙන්වීමට හොඳ කාලයකි. ගුප්ත විද්‍යාවෙන් වැඩ ගැනීමට බලාපොරොත්තු වන අයට මුල් මාසවලදී ඉතා යහපත් ප්‍රතිඵල ලැබෙන කාල සීමාවක්‌ වනු ඇත. ඔබගේ බාල සහෝදරයෙකුට උසස්‌ වීමක්‌ ලැබීමට අවස්‌ථා උදාවනු ඇත. මෙම නව වසර විවාහ අපේක්‌ෂිත ඔබට විවාහ සාර්ථක වන වසරකි. විවාහක මිථුන ලග්න හිමියන්ගේ පවුල් ජීවිතය සම්බන්ධයෙන් සිතා බැලීමේදී බොහෝ විට පසුගිය කාලයේ පැවති බාධක හා ගැටලු පහව යනු ඇත. ගේ දොර වාසනාව ඇති වන කාලයකි. උසස්‌ අයගෙන් යහපතක්‌ උදාවන කාලසීමාවකි. පවුලේ දියුණුවට කටයුතු සැලසෙනු ඇත. විශේෂයෙන්ම දරුවන් බලාපොරොත්තු වන මිථුන ලග්න හිමියන් වසරේ මුල් මාස 6 න් පසු එම කටයුතු සම්බන්ධයෙන් උනන්දු වීමෙන් ඔබට යහපත් ප්‍රතිඵල උදා කරගත හැකි වනු ඇත. බොහෝ විට මෙම වසරේ අගෝස්‌තු දක්‌වා කාලය තුළ පෙම්වතුන්ගේ ප්‍රේම සම්බන්ධතා සාර්ථක වන කාලසීමාවකි. වසරේ අග භාගයේ ග්‍රහ ගමන අනුවද අඹු සැමි සතුට හීනවන කාලයකි.

ඔක්‌තෝබර් වලින් පසු කාලය තරුණ වයසේ පසු වන ස්‌ත්‍රීන්ට හා පුරුෂයන්ට ආදර හැඟීම් අතින් යහපත් වූ කාලසීමාවකි. පවුලේ වැඩිහිටියෙකුට අපල තත්ත්වයක්‌ පෙන්නුම් කරයි. මෙම අසුබ තත්ත්වය බෙහෙවින්ම බලපාන්නේ මෙම වසරේ මුල් මාස 6 තුළය.

ධනය හා ලැබීම්

වියදම් වැඩිවන වසරකි. ණය මුදලක්‌ ලබා ගැනීමට සිදුවනු ඇත. නමුත් වසරේ ජූලි සිට නොවැම්බර් දක්‌වා කාලසීමාව මිල මුදල් අතින් යහපත් වූ කාලසීමාවකි. මේ කාලයේ ලොතරැයි වාසනා වැනි ධන ලාභ ලැබීමට අවස්‌ථාවන් උදාවේ. සතුරන්ගෙන් ධන හානි ඇති විය හැකිය. දේපළ හෝ භූමි ලාභයක්‌ හිමි විය හැකිය.

රැකීරක්‌ෂා කටයුතු

සිකුරු, ගුරු දශා අනු දශා ගත කරන මිථුන ලග්න හිමියන්ට නව රැකියා ලාභ හිමිවන වසරකි. රැකියාව හේතු කොටගෙන ආදායම් මාර්ග සරුවන හා පඩි වැඩි වන කාලයකි. මෙම වසර තුළ වෙළෙඳ ව්‍යාපාරවල යෙදෙන මිථුන ලග්න හිමියන්ට එමගින් ලාභ ලැබෙන අතර මෙම වර්ෂය ව්‍යාපාරවලට සුබදායක වසරක්‌ වනු ඇත. කෙසේ වෙතත් රාහු මහ දශා හා අන්තර් දශා ගත කරන හා සෙනසුරු ජන්ම හෝ චන්ද්‍ර අෂ්ටම ඒරාෂ්ටක ගතකරන මිථුන ලග්න හිමියන්ට ව්‍යාපාර අතින් එතරම් සුබදායක නොවනු ඇත. අධික ලෙස මුදල් වියදම් කිරීමට සිදුවීම හේතුවෙන් ඒවායින් අලාභ හා පාඩු සිදුවිය හැකිය. එම නිසාවෙන් ඔවුන්ට මිල මුදල් අතින් එතරම් සුබ නොවනු ඇත. හවුලේ කරන රැකියා හෝ ව්‍යාපාර කටයුතුවලින් ද පාඩු සිදුවේ. කලක පටන් කරගෙන ආ රැකී රක්‌ෂාවලට බාධා ඇති වේ. රැකියා ස්‌ථාන මාරු ඇති විය හැකිය.

ශරීර සෞඛ්‍යය

ශරීර සනීපය ඇති වන කාලයකි. උදරාශ්‍රිත රෝග, නිසාවෙන් ඇතිවන්නා වූ සුළු ආබාධ තත්ත්වයන් නිසා අනතුරුවලට මුහුණ පෑමට සිදු වනු ඇත. එය බොහෝ දුරට නොදැනුවත් භාවය නිසා සිදු වෙයි.

අධ්‍යාපනය

මෙම වසර අධ්‍යාපන කටයුතුවලට සුබදායක වසරකි. ඥානය හා බුද්ධිය වැඩි දියුණු වන අතර අමුතු දෙයක්‌ පිළිබඳ ඉගෙනීමටද අවස්‌ථාව ලැබේ. තරග විභාග වලට ඉදිරිපත් වන ශිෂ්‍ය ශිෂ්‍යාවන්ට එමගින් ජය හිමිවන අතර ඔවුන්ගේ උසස්‌ අධ්‍යාපන අවස්‌ථා පුළුල් වීමටද කටයුතු සැලසේ.

වසරම සුබදායක වීමටත් පවතින ග්‍රහ අපල සමනය වීමටත් -

පුර පක්‌ෂයේ බදාදා දින 09 ක්‌ සවස 6 - 8 අතර හෝ උදෑසන 6 - 7 අතර කාලය තුළ නිල් කටරොළු, රතු නෙළුම් මල් හා විවිsධ වර්ගයේ මල් සමග බෝධි පූජාවන් පවත්වා විෂ්ණු දෙවියන් කතරගම දෙවියන් ප්‍රධාන තම ඉෂ්ට දෙවියන්ට පින් අනුමෝදන් කර පවතින නවග්‍රහ අපල සමනය වේවායි ප්‍රර්ථනා කරන්න.

2018 මිථුනයේ අය - 08, වැය - 11

සුබ දවස්‌ - බදාදා, බ්‍රහස්‌පතින්දා, සිකුරාදා

සුබ වර්ණ - ලා කොළ පාට හා ක්‍රීම් පාට

සුබ අංක - 05

මිථුනයෙන් උපන් අයට පච්ච ගල් පැළඳීම යහපති.

කටක

* ගේදොර ඉඩකඩම් යාන වාහන ලැබීමේ හැකියාව.

2018 වසර කටක ලග්න ග්‍රහචාරය අනුව ඔබට මෙසේ බලපානු ඇත.

කටක ලග්නයෙන් උපන් ඔබගේ ජන්ම පත්‍රයේ නව වසර ආරම්භයත් සමග පවතින ග්‍රහචාරයට අනුව ඔබට මධ්‍යම ප්‍රතිඵලදායක වනු ඇත. කටක ලග්නය හිමි ඔබට වසර ආරම්භය සෞඛ්‍ය තත්ත්වය සම්බන්ධයෙන් නම් එතරම් සුබදායක නොවනු ඇත. නමුත් උදාවන මෙම නව වසර ආර්ථික වෘත්තීය අංශවලින් සාර්ථක ප්‍රතිඵල උදාවන වසරකි.

ගෘහ ජීවිතය

ආදායම් තත්ත්වය මෙම වසර පුරාවට මධ්‍යස්‌ථ මට්‌ටමක පවතී. වැය පක්‌ෂය ඉහළ යන අවස්‌ථා රාශියක්‌ම උදා වනු ඇත. විශේෂයෙන් වසරේ මුල් මාස 07 තුළ තමාගේ මවට, පියාට සුබඵල උදාකරනු ඇත. නව ව්‍යාපාර ආරම්භ කිරීමට වසරේ මුල් මාස 03 තුළ සුබදායක වනු ඇත. මෙම වසර ඔබගේ නෑදෑ හිතවතුන් ඔබට වඩාත් සමීපවන වසරකි. හිතමිතුරන් ඔබ හා එක්‌වන වසරකි. වන්දනා ගමන් මෙන්ම විදේශ සංචාරද වසරේ මුල් මාස 07 තුළ හිමිවනු ඇත. වසරේ මුල් මාස තුන තුළ පවුල් ජීවිතය ආශ්‍රිතව යම් යම් ගැටලු මතු විය හැකි බැවින් ඒ පිළිබඳ සැලකිලිමත් විය යුතුය. එසේම ඔබගේ ලග්නයට බාධක ග්‍රහයෙකු වන ශනි හෙවත් සෙනසුරු ග්‍රහයා පසුගිය වසරේ ඔක්‌තෝබර් 26 වැනිදා සිට ලග්නයෙන් 6 වැන්නේ සම රාශිගතව ගමන් කිරීම මත යම් පමණක ඔබගේ දරුඵල සඳහා පැවති බාධාකාරී තත්ත්ව වසරේ මුල් මාස 03 තුළ පහව යනු ඇත. සාමාන්‍ය අනතුරු තත්ත්වයන්, ඇළ දොළ ගංගාවලදී සිදුවන අනතුරු තත්ත්ව හා රථවාහන අනතුරු තත්ත්ව ඇති විය හැකිය. වසරේ මුල් මාස 03 න් පසුව විවාහ කටයුතු සඳහා අවස්‌ථාවන් උදාවනු ඇත. මෙම වසරේ මුල් මාස 06 තුළ කටක ලග්න හිමි පෙම්වතුන්ට නම් සුබදායක වනු ඇත.

ධනය

ගේ දොර ඉඩකඩම් යාන වාහන ලැබීමේ හැකියාව වසරේ මුල් මාස 06 තුළ කැපී පෙනෙන ලෙස උදාවනු ඇත. ව්‍යාපාරවලට හා ඒවායේ නිරත අයට සාර්ථක ප්‍රතිඵලද උදාවනු ඇත. මුදල් ණයට දීමේදී ප්‍රවේශම් විය යුතු අතර, ඔබ ඉල්ලා ඇති ණය මුදලක්‌ වසර මුලදීම ලැබෙනු ඇත. ලොතරැයි ලාභ හා භූමි ලාභ ඉටුවන වසරකි. ඒ පිළිබඳ සැලකිලිමත් විය යුතුය. එළඹෙන 2018 මැද භාගය දක්‌වා ගුරු හෙවත් බ්‍රහස්‌පති ඔබගේ ලග්නයෙන් 4 වැන්නේ හෙවත් ගෘහ ස්‌ථානයේ තුලා රාශි ගතව ගමන් කිරීම ඔබට ධන සම්පත් අතින් මෙම වසර ආරම්භයත් සමඟ කැපී පෙනෙන සුබ දායක තත්ත්වයකි. මැණික්‌ ව්‍යාපාර හෝ භූමිය ආශ්‍රිත ව්‍යාපාර කරන ඔබට මෙම වර්ෂය මධ්‍යම ප්‍රතිඵල උදාකරනු ඇත. ඉදිකිරීම් කර්මාන්තවල යෙදෙන කටක ලග්න හිමියන්ට මෙම වසර එතරම් සුබදායක නොවනු ඇත. ගොවිතැන් කටයුතු කරන කටක ලග්න හිමියන්ට මෙම වසර එම ගොවිතැන් කටයුතු සඳහා යහපත් වූ වසරකි. ලොතරැයි වාසනා හිමි වීමේ අවස්‌ථා උදාවනු ඇත.

අධ්‍යාපනය හා රැකියාව

විශේෂයෙන් අධ්‍යාපන කටයුතුවල නිරත අයටත්, වසරේ මුල් මාස 07 තුළ එතරම් යහපත් ප්‍රතිඵල උදා නොවනු ඇත. ඉන්පසු වසරේ ඉතිරි මාස කීපය සුබ දායක වනු ඇත. උසස්‌ අධ්‍යාපන කටයුතුවල නිරත ඔබටත් සුබදායක බලාපොරොත්තු තබාගත හැක්‌කේ වසරේ මුල් මාස 07 න් පසුවයි. නව වසරේ රැකියා බලාපොරොත්තු වන ඔබගේ එම කටයුතු සාර්ථක වන අතර රැකියා ස්‌ථාන මාරු හා නව රැකියා සඳහා ද අවස්‌ථාවන් උදාවනු ඇත. විශේෂයෙන් ඔබ ජලයෙන් පරිස්‌සම් විය යුතු වසරකි. ඒ පිළිබඳ ඔබ සැලකිලිමත් විය යුතුය. විදේශ රැකියා වාසනාව හිමිය.

සෞඛ්‍ය තත්ත්වය

උෂ්ණාධික රෝගාබාධ මෙන්ම සෙම් ආශ්‍රිත රෝග, යටි බඩ ආශ්‍රිත ආබාධ, තුනටියේ හා අත් පයවල ආබාධ, ස්‌නායු ආබාධ, තුවාල වැළඳීමේ අවදානමක්‌ වසරේ මුල් මාස 06 තුළ පවතී. සතුරු කරදර උදාවිය හැකි බැවින් ඒ පිළිබඳ සැලකිලිමත් විය යුතුය.

වසරම සුබදායක වීමටත් පවතින ග්‍රහ අපල සමනය වීමටත් -

පුර පක්‌ෂයේ සඳුදා දින 07 ක්‌ සවස 8 - 9 අතර හෝ උදෑසන 6 - 7 අතර කාලය තුළ කහපාට මල් හා නිල් කටරොළු මල් ඇතුළු විවිධ වර්ගයේ මල් සුවඳ දුම් සමග පූජාකොට බෝධි පූජාවන් පවත්වා පත්තිනි මෑණියන්, සුමන සමන් දෙවියන් ප්‍රධාන තම ඉෂ්ට දෙවියන්ට පින් අනුමෝදන් කර පවතින නවග්‍රහ අපල සමනය වේවායි ප්‍රර්ථනා කරන්න. අසරණ අයට දානමාන දෙන්න. නිවසේ කිරි දානයක්‌ දීම ඉතාම යහපත් වනු ඇත. කටකයෙන් උපන් අයට මුතු පැළඳීම යහපති.

2018 කටකයේ අය - 02, වැය - 08

ජය වර්ණය - රන්වන් පාට

ජය අංකය - 04

ජය දිශාව - උතුර

ජය අකුර - ග

සිංහ

* ලොතරැයි ලාභ හා භූමි ලාභ ඉටුවන වසරකි.

2018 නව වසර සිංහ ලග්න ග්‍රහචාරය අනුව ඔබට මෙසේ බලපානු ඇත.

බදාදා වාසනාවන්ත දිනයකි. සිකුරාදා ධනය ලැබේ. අඟහරුවාදා / සෙනසුරාදා හා ඉරිදා අශුභ වෙයි. සඳුදා මිතුරන් හමුවීම හා මිතුරන් හා ගනුදෙනුවලට සුබ වෙයි. එසේම මෝටර් රථ මිලදී ගැනීමට හා ව්‍යාපාරවලට මුදල් යෙදවීමට හා ප්‍රේම සම්බන්ධතාවලටද ඉතා සුබ වේ.

ගෘහ ජීවිතය

සිංහ ලග්නයෙන් උපන් ඔබගේ ජන්ම පත්‍රයේ නව වසර ආරම්භයත් සමඟ පවතින ග්‍රහචාරයට අනුව ලග්නාධිපති රවි, සිකුරු හා ශනි සමඟින් ඔබගේ ලග්නයෙන් 5 වැන්න හෙවත් පූර්ව පුණ්‍යස්‌ථානයේ ගමන් කරන අතර ලග්නාධිපති රවි, සිකුරු හා ශනි සමගින් යෝගව බලවත්ව එම ස්‌ථානයේ ගමන් කිරීම මත ඔබට මෙම වසර ආරම්භය ඔබගේ අධ්‍යාපන කටයුතු ඇතුඵ සියලු කාර්යයන් සඳහා සුබදායක වනු ඇත. පෙර පින මතුවන වසරකි. සඳු 11 වැන්නේ ගමන් කිරීම මත ඔබගේ අය පක්‌ෂය ඉහළ යන අවස්‌ථාද බහුලව උදාවනු ඇත. බුධ 4 වැන්නේත්, ගුරු හා අඟහරු 3 වැන්නේත් රාහු 12 වැන්නේ හා කේතු 6 වැන්නේ ගමන් කිරීම මත සුබ හා අසුභ සම සමව උදාවන වසරකි. වසරේ මුල් මාස තුන තුළ පවුල් ජීවිතය ආශ්‍රිතව යම් යම් ගැටලු මතු විය හැකි බැවින් ඒ පිළිබඳ සැලකිලිමත් විය යුතුය. වසරේ මුල් මාස 09 න් පසුව විවාහ කටයුතු සඳහා අවස්‌ථාවන් වනු ඇත. මෙම වසරේ මුල් මාස 06 තුළ සිංහ ලග්න හිමි පෙම්වතුන්ට ඉතා සුබදායක වනු ඇත. මැණික්‌ ව්‍යාපාර හෝ භූමිය ආශ්‍රිත ව්‍යාපාර කරන ඔබට මෙම වර්ෂය මධ්‍යම ප්‍රතිඵල උදා කරනු ඇත. රෙදි කර්මාන්තවල යෙදෙන සිංහ ලග්න හිමියන්ට මෙම වසර එතරම් සුබදායක නොවනු ඇත. ගොවිතැන් කටයුතු කරන සිංහ ලග්න හිමියන්ට මෙම වසර එම ගොවිතැන් කටයුතු සඳහා ඉතාමත් යහපත් වූ වසරකි. සාමාන්‍ය අනතුරු තත්ත්වයන්, ඇළ දොළ ගංගාවලදී සිදුවන අනතුරු තත්ත්ව හා රථවාහන අනතුරු තත්ත්ව ඇති විය හැකිය. එසේම ඔබගේ ලග්නයට බාධක ග්‍රහයා වන අඟහරු වසර ආරම්භයේදී ලග්නයෙන් 3 වැන්නේ ගුරු සමඟින් ගමන් කිරීම එතරම් සුබදායක නැත. සහෝදරයන්ගෙන් බාධා එල්ල විය හැකිය. පසුගිය 2017 ඔක්‌තෝබර් 26 දක්‌වා ශනි හෙවත් සෙනසුරු ලග්නයෙන් 4 වැන්නේ සතුරු රාශිගතව ගමන් කිරීම මත යම් පමණක ගේදොර ඉඩකඩම් ආශ්‍රිත කටයුතු කෙරෙහි පැවති බාධාකාරී තත්ත්ව මෙම නව වසර උදාවත් සමඟ පහව යනු ඇත. ඒ පිළිබඳ සැලකිලිමත් විය යුතුය. එළඹෙන 2018 ඔක්‌තෝබර් මාසය දක්‌වා ගුරු හෙවත් බ්‍රහස්‌පති ඔබගේ ලග්නයේ 3 න් වැන්නේ ගමන් කිරීම ඔබට මෙම වසර ආරම්භයත් සමඟ කැපී පෙනෙන බාධාකාරී තත්ත්වයකි. එමනිසා ගේ දොර ඉඩකඩම් යාන වාහන ලැබීමේ හැකියාව වසරේ මුල් මාස 06 තුළ උදාවුවත් ඒ සඳහා බාධාකාරී තත්ත්ව උදාවනු ඇත. විශේෂයෙන් විදේශ අධ්‍යාපන කටයුතුවල නිරත අයටත් දරුඵල බලාපොරොත්තු වන අයටත් වසරේ මුල් මාස 03 තුළ එතරම් යහපත් ප්‍රතිඵල උදා නොවනු ඇත. ඉන්පසු වසරේ ඉතිරි මාස කීපය සුබදායක වනු ඇත.

රැකියා හා වෘත්තීය කටයුතු

නව වසරේ රැකියා බලාපොරොත්තු වන ඔබගේ එම කටයුතු සාර්ථක වන අතර රැකියා ස්‌ථාන මාරු හා නව රැකියා සඳහා ද අවස්‌ථාවන් උදාවනු ඇත. විශේෂයෙන් වසරේ මුල් මාස 04 තුළ තමාගේ පියාට සුබඵල උදා කරනු ඇත. නව ව්‍යාපාර ආරම්භ කිරීමට වසරේ මුල් මාස 03 තුළ සුබදායක වනු ඇත. මෙම වසර ඔබගේ නෑදෑ හිතවතුන් ඔබට වඩාත් සමීප වන වසරකි. හිතමිතුරන් ඔබ හා එක්‌වන වසරකි. වන්දනා ගමන් මෙන්ම විදේශ සංචාරද වසරේ මුල් මාස 05 තුළ හිමි වනු ඇත. ව්‍යාපාරවලට හා ඒවායේ නිරත අයට සාර්ථක ප්‍රතිඵල උදා වනු ඇත. මුදල් ණයට දීමේදී ප්‍රවේශම් විය යුතු අතර, ඔබ ඉල්ලා ඇති ණය මුදලක්‌ වසර මුලදීම ලැබෙනු ඇත. ලොතරැයි ලාභ හා භූමි ලාභ ඉටුවන වසරකි.

අධ්‍යාපනය

උසස්‌ අධ්‍යාපන කටයුතුවල නිරත ඔබටත් සුබදායක බලාපොරොත්තු තබාගත හැක්‌කේ වසරේ මුල් මාස 06 න් පසුවයි. වෘත්තීය හා පරිගණක අංශවලින් අධ්‍යාපන කටයුතු කරන අයට යහපත් අතර වසරේ මුල් මාස 6 තුළ එම අධ්‍යාපන කටයුතුවලටද බාධා ඇති වනු ඇත.

සෞඛ්‍ය තත්ත්වය

විශේෂයෙන් ඔබ විදුලියෙන්, ජලයෙන් පරිස්‌සම් විය යුතු වසරකි. ඒ පිළිබඳ ඔබ සැලකිලිමත් විය යුතුය. උෂ්ණාධික රෝගාබාධ මෙන්ම සෙම් ආශ්‍රිත රෝග, යටිබඩ ආශ්‍රිත ආබාධ, තුනටියේ හා අත් පයවල ආබාධ, ස්‌නායු ආබාධ, තුවාල වැළඳීමේ අවධානමක්‌ වසරේ මුල් මාස 06 තුළ පවතී. ආදායම් තත්ත්වය මෙම වසර පුරාවට මධ්‍යස්‌ථ මට්‌ටමක පවතී.

සිංහයෙන් උපන් අයට තනි රතු, දියමන්ති පැළඳීම යහපති.

සිංහ ලග්නයේ ඔබගේ එළඹෙන නව වසරම සුබ දායක වීමටත් පවතින ග්‍රහ අපල සමනය වීමටත් -

පුර පක්‌ෂයේ ඉරිදා දින 09 ක්‌ සවස 8 - 9 අතර හෝ උදෑසන 6 - 7 අතර කාලය තුළ සුදු හා රතු මල් හා විවිධ වර්ගයේ මල් සමඟ බෝධි පූජාවන් පවත්වා ඊශ්වර දෙවියන් ප්‍රධාන තම ඉෂ්ට දෙවියන්ට පින් අනුමෝදන් කර පවතින රවි ඇතුළු නවග්‍රහ අපල සමනය වේවායි ප්‍රාර්ථනා කරන්න.

2018 සිංහ ලග්නයේ අය - 05, වැය - 05

වසරේ ජය වර්ණය - රතු හා කොළ පාට

වසරේ ජය අංකය - 05

වසරේ ජය දිනය - සිකුරාදා

කන්‍යා

* ව්‍යාපාරවලට හා ඒවායේ නිරත අයට සාර්ථක ප්‍රතිඵල උදාවනු ඇත.

2018 නව වසර, කන්‍යා ලග්න ග්‍රහ චාරය අනුව, ඔබට මෙසේ බලපානු ඇත.

ගෘහ ජීවිතය

කන්‍යා ලග්නයෙන් උපන් ඔබගේ ජන්ම පත්‍රයේ නව වසර ආරම්භයත් සමඟ පවතින ග්‍රහචාරයට අනුව ලග්නාධිපති බුධ ඔබගේ ලග්නයෙන් 3 වැන්නේ ගමන් කිරීමත්, ගුරු හා කුජ 2 වැන්නේත්, කේතු 05 වැන්නේත් සෙනසුරු, රවි හා සිකුරු සමගින් 4 වැන්නේත් ගෝචර ගමනක යෙදීම මත ඔබට මෙම නව වසර යහපත් හා ප්‍රතිඵලදායක වනු ඇත. සිකුරු වසර ආරම්භයේම 4 වැන්නේ ගමන් කිරීම නිවාස කටයුතු බලාපොරොත්තු ඔබට බෙහෙවින් සුබදායක වනු ඇත. ඔබ ඉල්ලා ඇති ණය මුදලක්‌ වසර මුලදී ලැබෙනු ඇත. ලොතරැයි ලාභ හා භූමි ලාභ යම් පමණකට ඉටුවන වසරකි. වසරේ මුල් මාස 06 යෙන් පසුව විවාහ කටයුතු සඳහා අවස්‌ථාවන් උදා වනු ඇත. මෙම වසරේ මුල් මාස 03 තුළ කන්‍යා ලග්න හිමි පෙම්වතුන්ට නම් සුබදායක නොවනු ඇත. මැණික්‌ ව්‍යාපාර හෝ භූමිය ආශ්‍රිත ව්‍යාපාර කරන ඔබට මෙම වර්ෂය මධ්‍යම ප්‍රතිඵල උදාකරනු ඇත. ඉදිකිරීම් කර්මාන්තවල යෙදෙන කන්‍යා ලග්න හිමියන්ට මෙම වසර සුබදායක වනු ඇත. පසුගිය වසරක්‌ පුරාවට ඔබට පැවති නීති අංශවල ගැටලු මෙම උදාවන 2018 නව වසරත් සමඟින් බොහෝ දුරට විසඳී යනු ඇත. දරුඵල බලාපොරොත්තු වන අයටත් නව වසරේ යහපත් ප්‍රතිඵල උදාවනු ඇත. ආදායම් තත්ත්වය මෙම වසර පුරාවට මධ්‍යස්‌ථ මට්‌ටමක පවතී. වැය පක්‌ෂය ඉහළ යන අවස්‌ථා රාශියක්‌ම උදාවනු ඇත. විශේෂයෙන් වසරේ මුල් මාස 06 තුළ තමාගේa මවට, පියාට වැඩි වශයෙන් සුබඵල උදාකරනු ඇත. නමුත් වැඩිමහල් සහෝදරයන්ට අපලය. නව ව්‍යාපාර ආරම්භ කිරීමට වසරේ මුල් මාස 04 න් පසු සුබදායක වනු ඇත. මෙම වසර ඔබගේ නෑදෑ හිතවතුන් ඔබගෙන් ඈත්වන වසරකි. හිතමිතුරන්ද ඔබ හා අමනාප වන අතර ඒ තුළින් ඔබට පාඩු සිදුවන වසරකි. විශේෂ වන්දනා ගමන් මෙන්ම විදේශ සංචාරද වසරේ මුල් මාස 04 න් පසු හිමිවනු ඇත. වසරේ මුල් මාස කීපය තුළ පවුල් ජීවිතය ආශ්‍රිතව යම් යම් ගැටලු මතු විය හැකි බැවින් ඒ පිළිබඳ සැලකිලිමත් විය යුතුය. ඔබට මෙම වසරේ මුල් මාස 06 තුළ නීතිය සම්බන්ධ කටයුත්තකට මුහුණ දීමට සිදු විය හැකිය. ඒ පිළිබඳ අවධානය යොමු කිරීම ඉතා වැදගත් වනු ඇත. සාමාන්‍ය අනතුරු තත්ත්වයන්, ඇළ දොළ ගංගාවලදී සිදුවන අනතුරු තත්ත්ව හා රථවාහන අනතුරු තත්ත්ව ඇති විය හැකිය. එසේම ඔබගේ ලග්නයට බාධක ග්‍රහයා වන බ්‍රහස්‌පති හෙවත් ගුරු ග්‍රහයා එළඹෙන 2018 ඔක්‌තෝම්බර් මාසය දක්‌වා ලග්නයෙන් 2 වැන්නේ හෙවත් ධනස්‌ථානයේ ගමන් කිරීම මත ආදායම් තත්ත්වයට බාධාකාරී තත්ත්ව වසරේ මුල් මාස 04 තුළ වරින් වරට මතු විය හැකිය. ඒ පිළිබඳ සැලකිලිමත් විය යුතුය. පසුගිය 2017 ඔක්‌තෝබර් මාසය දක්‌වා ශනි හෙවත් සෙනසුරු ඔබගේ ලග්නයෙන්

3 වැන්නේ හෙවත් වික්‍රමස්‌ථානයේ සතුරු රාශිගතව ගමන් කිරීම මත ඔබට තිබූ බාධාකාරී තත්ත්ව මෙම වසර ආරම්භයත් සමග කැපී පෙනෙන ලෙස අඩුවීම සුබදායක තත්ත්වයකි. ගේදොර ඉඩකඩම් යාන වාහන ලැබීමේ හැකියාව වසරේ මුල් මාස 06 පසු උදාවනු ඇත. අගෝස්‌තුවෙන් පසු ව්‍යාපාරවලට හා ඒවායේ නිරත අයට සාර්ථක ප්‍රතිඵල උදාවනු ඇත. මුදල් ණයට දීමේදී ප්‍රවේශම් විය යුතු අතර, දේශපාලනයේ නිරත කන්‍යා ලග්න හිමියන්ට මෙම වසර ඉතාම යහපත් වසරක්‌ වනු ඇත.

අධ්‍යාපනය

විශේෂයෙන් අධ්‍යාපන කටයුතුවල නිරත අයටත් පරිගණක හා තාක්‌ෂණ අංශවල නිරත අයටත් මෙම වසර සුබදායක වනු ඇත. උසස්‌ අධ්‍යාපන කටයුතුවල නිරත ඔබට නම් සුබදායක බලාපොරොත්තු තබාගත හැක්‌කේ වසරේ මුල් මාස 03 න් පසුවයි. විදේශ ගත අධ්‍යාපන කටයුතු කරන කන්‍යා ලග්න හිමියන්ට මෙම වසර එම කටයුතු සඳහා යහපත් වූ වසරකි. තමා විසින් මහන්සියෙන් උපයාගත් දෙයින් සාර්ථක ප්‍රතිඵල උදා කරගත හැකිය.

රැකියා හා වෘත්තීය කටයුතු

නව වසරේ රැකියා බලාපොරොත්තු වන ඔබගේ එම කටයුතු අගෝස්‌තුවෙන් පසු සාර්ථක වන අතර රැකියා ස්‌ථාන මාරු හා නව රැකියා සඳහා ද අවස්‌ථාවන් උදා වනු ඇත. මෙම නව වසර විශේෂයෙන් ඔබ විරුද්ධවාදීන් ගෙන් පරිස්‌සම් විය යුතු වසරකි. ඒ පිළිබඳ ඔබ සැලකිලිමත් විය යුතුය. ස්‌වයං රැකියා කටයුතුවලට හා රාජ්‍ය අංශයේ රැකියාවල නිරත අයට යහපත් වසරකි.

ශරීර සෞඛ්‍යය

උෂ්ණාධික රෝගාබාධ මෙන්ම සෙම් ආශ්‍රිත රෝග, හෘදය ආශ්‍රිත ආබාධ, තුනටියේ හා අත් පයවල ආබාධ, ස්‌නායු ආබාධ, තුවාල වැළඳීමේ අවධානමක්‌ වසරේ මුල් මාස 04 තුළ පවතී.

කන්‍යාවෙන් උපන් අයට ලා රතු හෝ ලා පාට ගල්, පත්ම රාග පැළඳීම යහපත් වේ.

කන්‍යා ලග්න ඔබගේ උදාවන නව වසරම සුබදායක වීමටත් පවතින ග්‍රහ අපල සමනය වීමටත් - පුර පක්‌ෂයේ බදාදා දින 09 ක්‌ සවස 8 - 9 අතර හෝ උදෑසන 6 - 7 අතර කාලය තුළ නිල් මානෙල් මල් හා නිල් කටරොළු මල් ඇතුළු විවිධ වර්ගයේ මල්, සුවඳ දුම් සමඟ බෝධි පූජාවන් පවත්වා කතරගම දෙවියන් සුමන සමන් දෙවියන් ප්‍රධාන තම ඉෂ්ට දෙවියන්ට පින් අනුමෝදන් කර පවතින නවග්‍රහ අපල සමනය වේවායි ප්‍රාර්ථනා කරන්න.

2018 කන්‍යා ලග්නයේ අය - 08, වැය - 11

සුබ පාට - කොළ හා කහ වර්ණ සුබ වේ.

සුබ දිශාව - උතුර

සුබ අංකය - 06

තුලා

2018 වසරේ තුලා ලග්නයේ ග්‍රහ ගෝචරය

* ඒරාෂ්ටක අපල නිම වූ යහපත් වසරකි.

ග්‍රහ ගෝචරය

ලග්නාධිපති සිකුරු ග්‍රහයා එළඹෙන 2018 වර්ෂයේ ආරම්භයේදී රවි හා ශනි සමග ලග්නයෙන් 3 වැන්නේ හෙවත් වික්‍රමස්‌ථානයේද, කුජ හා ගුරු ලග්නයේද තැන්පත් වෙද්දී සඳු පුණ්‍යස්‌ථානය හෙවත් 9 වැන්නේද, කේතු 4 වැන්න හෙවත් මාතෘ ස්‌ථානයේද, රාහු 10 වැන්න එනම් කර්මස්‌ථානය හෙවත් රැකී රක්‌ෂා ස්‌ථානයේද තැන්පත්ව සිට උදාවන්නා වූ 2018 නව වර්ෂය ආරම්භ වනු ඇත. මෙම වර්ෂය ඔබට මිශ්‍රඵල උදාවන්නා වූ වසරකි. පසුගිය 2017 ඔක්‌තෝබර් 26 සිට ලග්න ඒරාෂ්ඨකය අවසන් වූ පසුගිය වසරට වඩා බොහෝ අංශවලින් ඔබට මෙම වසර සුබදායක වනු ඇත.

පොදු ලක්‌ෂණ

උපුටා ගැනීම දිවයින පුවත් පත ඇසුරෙනි