ලස්සන වෙනවට අමතරව ව්‍යායාම කිරීමෙන් ලැබෙන වාසි 8 ක් ….

අද කාලෙ ගොඩක් කාන්තාවන්ගේ මැසිවිල්ල තමයි මගේ ශරීරය බර වැඩියි නැත්නම් මහත වැඩියි කියන එක. බොහෝ දෙනෙක් කෙට්ටු වෙන්න කියල ව්‍යායාම වල නිරත වෙනවා. මොන අරමුණක් ඇතුව කළත් ව්‍යායාම කිරීම කියන්නේ ශරීරෙට ගොඩක් වැදගත් දෙයක්. කාන්තාවකට ව්‍යායාම කිරීමෙන් අත් කර ගන්න පුලුවන් ප්‍රතිලාභ ගොඩක් තියනවා. ඒ ගැන ඉගෙන ගත්තොත් ඔබට එයින් වැඩියෙන් ව්‍යායාම වල නිරත වෙන්නට දිරියක් ලැබේවි.

fb- like-beg
1. Dementia ( මොළයේ සිදුවන හායන තත්වයක්) රෝගයේ අවධානම අඩු වීම

වයසට යද්දී බොහෝ දෙනෙකුට සුලභව ඇති වන අමතක වීම් වැනි තත්වයන් නිතිපතා ව්‍යායාම කිරීමෙන් අඩු වෙනවා. ශරීරය වෙහෙසලා වැඩ කරපු අය මහලු උනාමත් ඉතාම නිරෝගීව සන්නිවේදනයේ සහ එදිනෙදා ක්‍රියාකාරකම් වල යෙදෙනවා ඔබ දැකල ඇති. විද්‍යාත්මකව තහවුරු වී තිබෙනවා ව්‍යායාමය මගින් මොලයේ ශක්තිය සහ ක්‍රියාශීලීත්වය වැඩි වෙන බව. Alzheimer’s disease රෝගය සඳහා අවධානමක් ඇති අයට මතකය සහ මානසික ඒකාග්‍රතාවය වැදගත්වන නර්තනය වැනි ව්‍යායාම කිරීම මගින් එම අවධානම පහත හෙළිය හැකි බව විද්‍යාඥයන් විසින් පෙන්වා දී ඇත.
2. ඔස්ටියෝපොරෝසිස් ( Osteoporosis) අවදානම අඩු කරයි.

බර එසවීම , දිවීම, කඳු නැගීම, නර්තනය වැනි ව්‍යායාම ඔස්ටියෝපොරෝසිස් රෝගය වළක්වා ගැනීම සඳහා ඉතා වැදගත් වේ. මෙම ව්‍යායාම මගින් අස්ථි ස්කන්ධය වැඩි කරවන අතර වැටීම් ආදියෙන් ප්‍රවේශම් වීමට උපකාර කරයි.
3. ඔබේ ලිංගික ශක්තිය වර්ධනය කරයි

ව්‍යායාම මගින් ඔබේ ශරීර ශක්තිය වැඩි කරනවා පමණක් නෙවෙයි ඔබේ මනස ප්‍රබෝධමත් කිරීමත් එමගින් සිදුවෙනවා. ව්‍යායාම කිරීම සමග මොලය මගින් සතුට උපදවන හෝර්මෝන ශ්‍රාවය කරවනවා. ඔබ පමණක් නෙවෙයි ඔබේ ස්වාමියාවත් ව්‍යායාම වලට සම්බන්ධ කරගන්න. එමගින් දෙදෙනාට එකට ඉන්න කාලයක් ලැබෙනවා විතරක් නෙවෙයි ඔබ තුල නිරෝගීබව සහ ආදරය වැඩි වෙන්නත් හේතුවක් වේවි.
4. පරිවෘත්තීය ක්‍රියා වේගවත් කිරීම

වයස ගෙවෙද්දී අපි ටිකක් ආහාර ගත්තත් මහත් වෙනවා ඔබ දැකල ඇති. ඒ ශරීරයේ පරිවුර්තීය ක්‍රියා මන්දගාමී වෙන නිසයි. මේකට තිබෙන හොඳම විසඳුම තමයි ව්‍යායාම කිරීම.
5. ආහාර ජීර්ණය නිසි ලෙස සිදුවීම

ජීර්ණ පද්ධතියේ පවතින අභ්‍යන්තර මාංශ පේශී ශක්තිමත්වීම ව්‍යායාම මගින් සිදු කරනවා. ව්‍යායාම කිරීම නීතිපතාම කරන අයට කවදාවත් මළබද්ධය වැනි රෝග තත්වයන් ඇතිවෙන්නේ නැහැ.
6. මානසික අවපීඩනය ( depression) සහ වෙනත් සංකූලතා අවම කිරීම

ඔබේ මානසික මට්ටම ඉහලට ගෙනෙන සතුට ඇතිකරන හෝර්මෝන ශ්‍රාවය කිරීමට ව්‍යායාම ගොඩක් උදවුවක් වෙනවා. දිනපතා ව්‍යායාම කරන අය අතරේ මානසික රෝග තත්වයන් අවමයි. කාර්යබහුල ජීවිතයක් ගෙවන නිසා ඇතිවෙන මානසික පීඩනය අවම කරගන්න ව්‍යායාම වල යෙදීම අද සිටම පටන් ගන්න.
7. පිළිකා වැළඳීමේ අවධානම පහළට

නිතිපතා ක්‍රියාශීලීව ඉන්න අය බොහෝ පිළිකා වල අවධානමෙන් මිදෙනවා. විශේෂයෙන්ම පියයුරු පිළිකාව වළක්වා ගන්න ශාරීරිකව ක්‍රියාශීලීව ඉඳීම වැදගත් වෙනවා.
8. සුන්දර සමකට ගොඩක් වැදගත්

ව්‍යායාම ඔබේ සම වෙත රුධිරය සංසරණය වීම වේගවත් කරයි.DHEA සහ DHT වැනි කුරුලෑ ඇතිකරන ටෙස්ටෙස්ටෙරෝන් හෝර්මෝන වර්ග ශ්‍රාවය කිරීම අවම කරන්නටත් දිනපතා ව්‍යායාම කිරීම වැදගත්. දහදිය දැමීම මගින් හමේ වැසුන සිදුරු ඇරිලා සම තුල තැම්පත් වුන තෙල් සහ දූවිලි පිරිසිදු කිරීමටත් හේතුවක් වෙනවා.

ඉතින් මේ ප්‍රතිලාභ ලබන අතරේම ඔබ කැමතිම ඇඳුම් නැවත අඳින්න පුලුවන් වෙන්න බර ටිකක් අඩු කරගන්නත් අකමැති නැහැ නේද? අදම ව්‍යායාම කිරීමට පටන් ගන්න

goodhousekeeping.lk

(under the courtesy of goodhousekeeping.lk web)