රුධිරයේ කොලෙස්ටරෝල් මට්ටම ඉහළයාම හෘදයාබාධයක අවදානම් සාධකයක්

කොලෙස්ටරෝල් මට්ටම ඉහළ යාම හෘදයාබාධ වැළැඳීමෙහිලා වැදගත් අවදානම් සාධකයක් ලෙස පිළිගැනේ.

රුධිර මිලි. 100 අඩංගු කොලෙස්ටරෝල් ප්‍රමාණය මි.ග්‍රෑ 200 ට වඩා පහළ දැමීමෙන් හාදයාබාධයක් ඇති වීමට පවත්නා අවදානම පහළ හෙලීමට පුළුවන.

රුධිර කොලෙස්ටරෝල් මට්ටම පහළ දැමීම සඳහා අනුගමනය කළ යුතු ආහාරමය ප්‍රතිපත්ති තුනෙකි. ඒවා නම්

1. කොලෙස්ටරෝල් පෝෂිත ආහාර ගන්නා ප්‍රමාණය අඩු කිරීම.

2. සිරුර තුළදී කොලෙස්ටරෝල් සෑදීම ප්‍රවර්ධනය කිරීමට සමත් ආහාර (එම ආහාරවලම කොලෙස්ටරෝල් අඩංගු නොවුවද) ගන්නා ප්‍රමාණය අඩු කිරීම.

3. කවර වර්ගයකට වුවද අයත් වූ මේද ආහාර ගන්නා ප්‍රමාණය අඩු කිරීම.

කොලෙස්ටරෝල්වලින් සරු ආහාර අඩු කිරීම

ඌරු මස්, හැම් -බේකන්, ලිංගුස්, සත්ත්ව අවයව (පීකුදු, වකුගඩු, මොළය ආදී මස්), හරක් මස්, ඉස්සෝ, පොකිරිස්සෝ, බටර්, චීස්, බිත්තර

ගෘහමය (කොටේපර්) චීස් තුළ අඩංගු වන මේද ප්‍රමාණය ඉතා ඉහළ මට්ටමක පවතින නිසා තරමක ප්‍රමාණයකින් එය අහාරයට ගැනීමේ එතරම් වරදක් නොවේ.

කොලෙස්ටරෝල් සෑදීම වැඩි කරන ආහාර ගන්නා ප්‍රමාණය අඩු කරන්න.

සමහර ආහාර වර්ග තුළ කොලෙස්ටරෝල් අන්තර්ගතව නැත. එහෙත් ඒවා ආහාරයකට ගත් පසුව කොලෙස්ටරෝල් සාදා ගැනීමට සිරුරට පුළුවන. මෙම කෙලෙස්ටරෝල් අන්තර්ජනිත කොලෙස්ටරෝල් ලෙස හැඳින්වෙයි. (ශරීරය තුළම එය නිෂ්පාදනය වන බැවිනි.)

සංතෘප්ත මේද හා පවිත්‍ර කළ සීනි කොලෙස්ටරෝ අවධානමට හිතකර ආහාර මෙම ආහාර කාණ්ඩයෙහි වැදගත් තැන් ගනී.

සංතෘප්ත මේද සහිත ආහාර

පොල්තෙල්, එළවළු තෙල් (නිශ්චිතව වර්ගය සඳහන් නොකළ) , බටර්, ගිතෙල්, සත්ත්වමය මේදය, මාගරින්

බහු අසංතෘප්ත මේද යනු කවරේද?

හානිකර රුධිර මේදය (එල්.ඩී.එල්) ඉවත් කරමින් ආහාරයට රසය හා පෝෂණය එක් කිරීමට බහු අසංතෘප්ත තෙල් වර්ග යෝග්‍යය.

බහු අසංතෘප්ත තෙල් වර්ග

බඩඉරිඟු තෙල්, සෝයා තෙල්, සූරියකාන්ත තෙල්

බහු අසංතෘප්ත තෙල් වර්ග ශීත උෂ්ණත්වයන්හිදී සාමාන්‍යයෙන් නොමිදෙයි. (එසේ වුවත් සාමාන්‍ය උෂ්්ණත්වයේදී ඝන තත්ත්වයේ පවතින බහු අසංතෘප්ත මාගරින් වර්ග ඇත. මේවායේ ගුණාත්මකභාවය සැක සහිත ය.)

බහු අසංතෘප්ත තෙල් හා මේද නිතර කකාරවමින් යළි යළි භාවිතා කිරීම සුදුසු නැත. වරක් රත් කළ තෙල් යළි භාවිතයට නොගෙන ඉවත හළ යුතුය.

බහු අසංතෘප්ත මාගරින් තුළ බහු අසංතෘප්ත තෙල් ඉතා ඉහළ සාන්ද්‍රණයෙකින් පවතී. සීමිත ප්‍රමාණයන්ගෙන් භාවිතය ප්‍රයෝජනවත්ය.

තේ හැඳි එකකට වඩා වැඩියෙන් දිනෙකට ආහාරයට ගැනීම අනතුරුදායක බව සැලකෙයි.

ඒක අසංතෘප්ත මේදය

ඔලිව් තෙල්

මේ තෙල් වර්ගය ආහාරයට ගැනීමෙන් යහපතක් සැලැසේ යනු දැන් සනාථ වී ඇති නිගමනයෙකි.

මේද අනුභවය පිළිබඳ අමතර කරුණු කීපයක්

සර්ව සම්පූර්ණ ආහාර වේලක් සඳහා මේදය අවශ්‍ය බව සැබෑය. එහෙත් අනුභව කරනා මේද වර්ගය ද වැදගත් බව සලකනු මැනවි.

බිත්තර උසස් ගණයේ ප්‍රෝටීන සපයන ආහාරයක් නිසා සතියකට බිත්තර දෙකක් ගැනීමට පුළුවන. බිත්තර සුදු මදයේ කොලෙස්ටරෝල් අඩංගු නොවන නිසා ඒ කොටස පමණක් වැඩිපුර ගත හැකිය.

බහුඅසංතෘප්ත මාගරින් හා බහු අසංතෘප්ත තෙල් වර්ග සීමිත ප්‍රමාණයන්ගෙන් ගන්නා විට ප්‍රයෝජනවත්ය. ඒවා ඕන තරම් ගැනීමේ වරදක් නැතැයි සිතීම වැරැදි සිතිවිල්ලෙකි. ඒවා ගත යුත්තේ සුළු ප්‍රමාණයන්ගෙනි. (එනම් දිනකට තේ හැඳි එකක් පමණ)

තෙල් හා සීනිවලින් සරු සීමා කළ යුතු ආහාර

චොකලට්, කේක්, පුඩිං, බිස්කට්, අයිස්ක්‍රීම්, තෙලේ බැදපු අල පෙති/තීරු, පේස්ට්‍රි/රෝල්

කුකුළු මස්

මෙහි අඩංගු වන්නේ අඩු මේද ප්‍රමාණයන් බැවින් කුකුළු මස් ආහාරයට ගැනීම අනුමත කළ හැකිය. (එහෙත් පිළියෙළ කිරීමේදී සම ඉවත් කිරීම අවශ්‍යය.)

රුධිර කොලෙස්ටරෝල් කෙරෙහි අහිතකර බලපෑමක් නොකරන බැවින් කුකුළු මස් සාමාන්‍යයෙන් සීමා නොකැරේ.

කුකුළු මස් මේදයේ වැඩි ප්‍රමාණයක් අඩංගු වනුයේ සමෙහිය.

එහෙත් තාරා මස් පිළිබඳ තත්ත්වය එසේ නොවේ. පාත්තයන් වැනි වෙනත් කුකුළු වර්ග තුළ ද අධික මේද ප්‍රයක් අඩංගු බැවින් ඒවා ගන්නා ප්‍රමාණය සීමා කරන්න.

curtesy : tharunee.lk