Kitchen
රසම රස සුප් වර්ග දෙකක්
කලබල වේලාවකදී පෝෂණයක් අවශ්‍ය මොහොතකදි අපහසුවකින් තොරව ඉතාමත්ම ඉක්මනින් සාදා ගන්නට හැකි රසවත් සුප් වර්ගයන් දෙකක්.
වැටකොළු සුප්
අවශ්‍ය දේවල්:
ළපටි වැටකොළු ග්‍රෑම් 350
එළවලු ස්ටොක් කෝප්ප 3
මාගරින් මේස හැඳි 1 1/2
කුඩාවට කපාගත් ළුණු ගෙඩියක්
කුඩාවට කපාගත් සුදු ළුණු ගෙඩි 2
පාන් පිටි මේස හැඳි 1 1/2
ලා රන්වන් පැහැයට බැද ගත්කොත්තමල්ලි ඇට තේ හැඳි බාගයක්
දෙහි යුෂ තේ හැඳි බාගයයි
ලුණු ගම්මිරිස් රස අනුව
සාදන ක්‍රමය:
වැටකොළු වල පොත්ත රැස හැඩයක් නොමැතිව කපන්න. බඳුනකට මාගරින් දමා මඳ රස්නෙන් රත් කරන්න. එයට ළුණු, සුදු ළුණු, කපාගත් වැටකොළු, කොත්තමල්ලි කුඩු දමා ටිකක් කලවම් කර එයට පිටි ටික ටික දමන්න. එළවලු ස්ටොක් ටික එකතු කරන්න. හැඳි ගාමින් තම්බා ගන්න. නිවෙන්නට හැර බ්ලෙන්ඩ් කරන්න. දෙහි යුෂ, ලුණු, ගම්මිරිස් එක් කරන්න. බඳුනකට දමා මේසයට යවන්න.
