Gossip
‘ඔයා ගිහින් පොදුජන පෙරමුණේ අයගෙන් අහන්න‘ - නාමල් රාජපක්ෂට කැනඩා මහකොමසාරිස්ගෙන් සැර පිළිතුරක්..!
එක්සත් ජාතික පක්ෂය , ජනතා විමුක්ති පෙරමුණ හා දෙමළ ජාතික සන්ධානය අන්තර්ජාතික ප්‍රජාව හමුවීමට උනන්දුවක් දක්වන බව පර්ලිමේන්තු මන්ත්‍රී නාමල් රාජපක්ෂ මහතා පවසනවා.
ට්විටර් පණිවුඩයක් නිකුත් කරමින් ඔහු මේ බව කියා සිටිනවා.
එහිදී ඔහු වැඩිදුරටත් සඳහන් කර ඇත්තේ ඔවුන් රටේ ජනතාව හමුවී මැතිවරණයක් පිළිබඳව ජනතාවගේ ඇති බලාපොරත්තු පිළිබඳව අවධානය යොමුකළ යුතු බවයි.
කෙසේ වෙතත් නාමල් රාජපක්ෂගේ ට්විටර් පනිවුඩයට ප්‍රතිචාර දක්වා ඇති ශ්‍රීලංකාවේ හා මාලදිවයිනේ කැනඩා මහ කොමසාරිස් ඩේව්ඩි මැක්කිනොන් මහතා පවසා ඇත්තේ ‘‘ඔබ ඔබේ පොදුජන පෙරමුණේ සමාජිකයන්ගෙන් ඔවුන් හමුවන්නේ කාවදැයි‘‘ යන්න විමසිය යුතු බවයි.
ඩේවිඩ් මැක්කිනොන්ගේ එම ප්‍රතිචාරයට ශ්‍රීලංකාවේ හා මාලදිවයිනේ ඔස්ට්‍රේලියානු මහකොමසාරිස් බ්‍රයිස් හචෙස්සන් මහතා කැමැත්ත (ලයික්) පළකර තිබෙනුද දක්නට ලැබීම විශේෂත්වයකි.
කෙසේ වෙතත් කැනඩා මහ කොමසාරිස්වරයාගේ ප්‍රකාශයට පිළිතුරු ලබාදී ඇති නාමල් රාජපක්ෂ මහතා සඳහන් කර ඇත්තේ, ශ්‍රීලංකාව තවමත් ස්වෛරී රාජ්‍යයක් බවත්, අති විශිෂ්ඨ ජනතාවකට නිවහනක් බවත්, පාලකයන් කවුරුන් වුවද ජනතාවගේ අභිලාෂයන් පිළිබඳ සැළකිල්ලක් දැක්විය යුතු බවයි.
