Kitchen
බැදගත් බට්ටෝ මිශ්‍රණය
අවශ්‍ය ද්‍රව්‍ය
කඩල පිටි ග්‍රෑම් 200
පාන් පිටි ග්‍රෑම් 100
ලුණු කුඩු රසට අනුව
කෑලි මිරිස් කුඩු රසට අනුව
ලොකුලූනු ග්‍රෑම් 100
කරපිංචා කිනිති 2-3ක්
බැද ගැනීමට තෙල්
අමුමිරිස් කරල් 2-3ක්
සාදන ආකාරය
කඩල පිටි, පාන්පිටි එකට දමා හොඳ හැටි මිශ්‍ර කරන්න. ලුණු ස්වල්පයක්ද දමා වතුර එකතු කරමින් අතේ නොඇලෙන ගානට අනාගෙන පැතැලි පෘෂ්ඨයක සිහින්ව තුනී කරන්න. දැන් මෙය සුරුට්ටුවක් සේ රෝල් කර ගන්න. ඉන්පසු පෙති කපා රත්වූ ගැඹුරු තෙ‍ලේ දමා රන්වන් පාටට බැද ගන්න. ලූනුද සිහින්ව කපා බැද ගන්න. කරපිංචා සහ අමුමිරිස්ද වෙන වෙනම බැදගන්න. දැන් බැදගත් සියල්ල හොඳින් තෙල් බේරෙන්නට හැර වියළි බඳුනකට දමා එයට ලුණු, කෑලිමිරිස් දමා හොඳින් මිශ්‍ර කර ගන්න.
උපුටා ගැනීම ලක්බිම පුවත් පත ඇසුරෙනි
