පැලුණු විලුඹට ප්‍රතිකාර කරන්නේ කොහොමද?

කාලයෙන් කාලයට විවිධ රෝගාබාධ පැතිරයාම සුලබ ලක්ෂණයක්. මෙසේ පැතිර යන වසංගත රෝගවලට අමතරව වසරේ සමහර කාලවලට ඇතැම් අය තුළින් දැකිය හැකි රෝග තත්ත්වයන්ද තිඛෙනවා. ඒ අතර චර්ම රෝග ප්‍රධාන තැනක් ගන්නවා. ඒ කොහොම වුණත් ශ්‍රී ලාංකිකයන් සියයට විස්සක් පමණ දෙනාගේ සම වියලි ස්වභාවයක් උපතින්ම පිහිටා තිඛෙනවා. ඊට අමතරව සමහරකගේ සමේ වියළි ස්වභාවය ඔක්තෝම්බර්, නොවැම්බර්, දෙසැම්බර් හා ජනවාරි මාසවලදී වැඩිවන අයුරු දකින්නට පුළුවන්.

මෙයට ප්‍රධාන හේතු සාධකය වන්නේ වාතයේ ඇති ආර්ද්‍රතාවය අඩුවීමයි. දහවල් කාලයේ ආර්ද්‍රතාවය අඩුවීමත් රාත්‍රි කාලයේ එය වැඩීමත් දකින්නට පුළුවන්. මධ්‍යම පලාතේ නුවර, නුවරඑළිය වැනි ප්‍රදේශවල සිටින අයට වඩා කොළඹ ප්‍රදේශ අයගේ විලුඹ පැළීමේ තත්ත්වය වැඩියි. ඒ කොහොම වුණත් මවගේ පියාගේ සම වියළි ස්වභාවයකින් යුක්ත නම් ඔවුන්ට උපදින දරුවන් තුළින්ද සමේ වියළි ස්වභාවයක් දකින්නට පුළුවන්. සම වියලි ස්වභාවය වැඩිවුවහොත් කොරළ ස්වභාවයක් ඇතිවෙනවා. විශේෂ යෙන් දෙපාවල. අත්වල මෙම තත්ත්වය ඇති වුණාම ඇතැම් යුවතියන් දිගු කලිසම් අදිනවා. ශරීරයේ සමට ප්‍රතිකාර නොකර. මුහුණ අලංකාරව තබා ගැනීමට බොහෝ යුවතියන් ප්‍රතිකාර කරනවා. ඒ හා සමාන උනන්දුවක් මුළු සිරුරටම දැක්විය යුතුයි. සමහර යුවතියන්ගේ දෙපාවල රෝම කූපද තිඛෙනවා. එය හෝර්මෝන ක්‍රියාකාරිත්වය මත සිදුවන දෙයක්. ඊට රූපලාවන්‍ය මගින් ප්‍රතිකාර කළ හැකියි. දිගු කලිසම් ඇදීම ඊට පිළියම් යෙදිය නොහැකිය. අප ඉහතින් කතාබහ කළ ආකාරයට ඔක්තෝම්බර්, නොවැම්බර්, දෙසැම්බර්, ජනවාරි කාලයට වියළි පාරිසරික තත්ත්වයක් ඇති නිසා කුණු දූවිලි පරිසරයේ පවතිනවා. එළිපහලියේ ගමන් කරන කොට මේවා ශරීරයේ තැවරෙනවා. එමෙන්ම මේ කාලයේ සමහර අයගේ විලුඹ පැලීමද බහුලව දකින්නට පුළුවන්. දෙපාවලට කුණුදූවිලි තැවරීමට පුළුවන්. එහෙත් මෙම පැලීම් මඩ වතුරට හසුවුණොත් ඉතා වේදනාකාරී තත්ත්වයක් ඇතිවෙනවා. ඒ නිසා මේවාට ප්‍රතිකාර ලබාගත යුතුයි.

මීට අමතරව සම වියළි ස්වභාවයෙන් යුක්ත අයගේ හිස කෙස්ද වියළි ස්වභාවයකින් යුක්තයි. හිස්හොරි හැදීමද සිදුවෙයි. එහෙත් ඔබ අමතක නොකළ යුතු කරුණවන්නේ විලුඹ පැලීම හා කොන්ඩය වියළි ස්වභාවය හා හිස්හොරි ඇතිවීම අතර කිසිදු සම්බන්ධතාවයක් නැහැ. වියළි කාලගුණයක් ඇති කාලෙට සම කැසීම උග්‍රවීමට වැඩි ඉඩකඩක් තිඛෙනවා. මෙම තත්ත්වයන් මගහරවා ගැනීම සඳහා ආලේපන ක්‍රීම්, තෙල්වර්ග ආදිය තිඛෙනවා. මේවා ආවට ගියාට භාවිතයට නොගත යුතුයි. නිසි වෛද්‍යවරයකු ගෙන් ඒ සඳහා උපදෙස් ලබාගත යුතුයි. විශේෂයෙන් විලුඹ පැලීම් ඇති අයට මඩවතුර පෑගීම නිසා ඒවායේ දැවැල්ලක් වේදනාවක් රාත්‍රි කාලයට ඇතිවිය හැකියි. උදෑසනට ඒවායේ වේදනාකාරි තත්ත්වයක් නැත්තේ සවස හෝ රාත්‍රියේ එම පැලුම්වලට කුණු දූවිලි නොවදින නිසයි. සම වියළි ස්වභාවයක් ඇති සබන් වර්ග භාවිතයෙන් වැළකිය යුතුයි. සබන් වෙනුවට වෙනත් ක්‍රීම් වර්ගයක් භාවිතයට ගන්න. කිළිටු වුණු සම පිරිසිදුකර ගැනීමට ළදරු සබන් වර්ග සුදුසුයි. ඒ කොහොම වුණත් විලුඹ පැලී ඇතිවිට ඊට වෛද්‍ය උපදෙස් මතම ප්‍රතිකාර ගැනීමට සැලකිළිමත් වන්න.

curtesy : sithmalyaya.com

(under the courtesy of goodhousekeeping.lk web)