කාන්තාවන්ට අත්‍යවශ්‍යම විටමින් වර්ග...

පිරිමි අයට පෝෂණයට වඩා වැඩියෙන් අවශ්‍ය වෙන්නෙ ප්‍රමාණාත්මක වශයෙන් වැඩි ආහාර කියලයි බටහිර රටවල් කියන්නෙ. ඒ අය එහෙම කියන්න හේතුවෙන කරුණු කීපයකුත් පැහැදිලි කරලා දෙනවා. එකක් තමයි කාන්තාව කියන්නෙ ගැබිනි කෙනෙක් වෙන්න පුළුවන්. එහෙමත් නැත්නම් කිරි දෙන අම්මා කෙනෙක් වෙන්නත් පුළුවන්. මේ අවස්ථා දෙකේදීම පිරිමි කෙනකුට වඩා වැඩි පෝෂණයක් කාන්තාවට ඕනෙ වෙනවා. දෙවැනි කාරණාව තමයි කාන්තාවට සිදු වන ආර්තවභාවය. ආර්තවභාවය නිසා සිරුරෙන් රුධිරය ඉතා විශාල ප්‍රමාණයක් පිට වෙනවා. ඉතින් එහෙම පිටවන රුධිරය නැවැත නිපදවා ගන්න පෝෂ්‍යදායී ආහාර වර්ග ලබා ගන්න ඕනෙ. ඉතින් මේ වෙනුවෙන් විවිධ පෝෂණ සංඝටක ලබා ගන්න පුළුවන් වෙන විදිය ගැන තමයි මේ කියන්න යන්නෙ.


විටමින් 'ඒ'
විටමින් 'ඒ' කියන්නේ දිනපතාම සිරුරට එකතු කර ගත යුතු සංඝටකයක්. විටමින් 'ඒ' නිසා තමයි හෘදය, පෙණහලු සහ වකුගඩුවල ක්‍රියාකාරිත්වය යහපත් වෙන්නෙ. විටමින් 'ඒ' ලබා ගන්න පුළුවන් ක්‍රම දෙකක් තියෙනවා. ඉන් එකක් තමයි මස්, මාළු වගේ මාංසමය ආහාර, අනෙක් ආකාරය තමයි ශාකමය ආහාර. ඒ කියන්නෙ පලතුරු සහ එළවළු වගේ දේවල්. වයස අවුරුදු 18 ඉක්ම වූ කාන්තාවන්ට එක දවසකට විටමින් 'ඒ' මයිකේ‍රාග්‍රෑම් 700ක් අවශ්‍ය වෙනවා කියලා පෝෂණවේදීන් කියනවා. ඒ වගේම ගැබිනි කාන්තාවන්ට දවසකට විටමින් ඒ මයිකේ‍රාග්‍රෑම් 770ක් අවශ්‍ය වෙනවා. කිරි දෙන මවුවරුන්ට දවසකට අවශ්‍ය විටමින් 'ඒ' ප්‍රමාණය මයිකේ‍රාග්‍රෑම් 1,300ක්. ඒ වගේම විටමින් 'ඒ' ඕනෑවට වඩා ලබා ගැනීමත් සිරුරට යෝග්‍ය නැහැ. ඒ කියන්නේ වයස අවුරුදු 18 ඉක්ම වූ කාන්තාවක් විටමින් 'ඒ' මයිකේ‍රාග්‍රෑම් 3,000 ඉක්මවා ලබා ගැනීම සුදුසු නැහැ. ඒ වගේම ගැබිනි සහ කිරි දෙන මවුවරුන් විටමින් ඒ මයිකේ‍රාග්‍රෑම් 3,200 ඉක්මවා ලබා ගැනීම හානිදායකයි. විටමින් 'ඒ'වල ප්‍රතිඔක්සිකාරක ගුණ අඩංගු වෙනවා. සියලුම වයස් කාණ්ඩවල කාන්තාවන් ඇටකටු, දත්, මෘදු පටක, ශක්තිමත් කිරීමටද, නිදන්ගත රෝග අවදානම අඩු වීමටද සහ පෙනීම වර්ධනයටද විටමින් 'ඒ' වලින් ලැබෙන්නේ විශාල රුකුලක්. ඒ වගේම වයසට යෑමේ ක්‍රියාවලිය මන්දගාමී කිරීම සහ ප්‍රතිශක්තිකරණ පද්ධතිය වර්ධනයට බලපානවා. විටමින් 'ඒ' බහුල ආහාර ලෙස කැරට්, වට්ටක්කා, තක්කාලි, කොමඩු, පේර, කිරළ, පැපොල්, රතු මිරිස්, නිවිති, බිත්තර, කිරි සහ ධාන්‍ය වර්ග හඳුන්වන්න පුළුවන්.


විටමින් 'ඕ'
විටමින් 'බී' කියලා කියන්නෙ පරිවෘත්තීය ක්‍රියාවලිය කාර්යක්ෂම කරන්න උදවු වන ප්‍රෝටීනයක්. ඒ වගේම ප්‍රතිශක්තිකරණ පද්ධතියේ ප්‍රතිදේහ සඳහා අත්‍යවශ්‍යම විටමින් වර්ගයක්. මේ සුවිශේෂ විටමින් අවපාතය, හෘද රෝග සහ මතකය වැඩි කිරීමට උපකාර කරන අතරම ශරීරයේ හෝමෝන නිෂ්පාදන හා මොළය රසායනික ද්‍රව්‍ය නිෂ්පාදනයටද බෙහෙවින් අවශ්‍ය වෙනවා.


එමෙන්ම එය ඔබගේ රුධිරයේ සීනි මට්ටම පාලනය කිරීමටද, ගැබිනි කාන්තාවන්ට උදෑසන ලෙඩ රෝගවලින් මිදෙන්නටද විටමින් 'බී' සමඟ ආහාර අනුභව කරන්න පුළුවන්. ශරීරය තුළ විටමින් 'බී' නොමැති වීම නිසා නීරක්තිය ඇති වන බව වෛද්‍යවරු කියනවා. විටමින් 'බී' ඇති ආහාර ලෙස සමහර ධාන්‍ය වර්ග, අලිගැට පේර, කෙසෙල්, මස් වර්ග, බෝංචි, මාළු, ඇට වර්ග, බීජ හා වියළි පලතුරු ගත හැකියි.


විටමින් 'ඕ7'
සෛල වර්ධනය හා සංස්ලේෂණ සඳහා අවශ්‍ය වෙනවා. මෙම විටමින් හිසකෙස් හා සම, අස්ථි වර්ධනයට, ඇට මිදුළු සහ ශරීරයට අවශ්‍ය කොලෙස්ටරෝල් මට්ටම පවත්වා ගැනීමටද බෙහෙවින් යෝග්‍යයි. නමුත් විටමින් 'බී7' අඩු වුවහොත් කුෂ්ඨ රෝග, අසාමාන්‍ය හෘද ක්‍රියාකාරිත්ව, රක්තහීනතාව හා මෘදු අවපාතය වැනි තත්ත්වයන් ඇති වෙන්න පුළුවන්. විටමින් 'බී7' ඇති ආහාර ලෙස සමහර මාළු, බතල, ආමන්ඩ්, කැරට්, කෙසෙල්, කැන්ටලූප්, කහ පලතුරු, කොළ පැහැති කොළ එළවළු, පරිප්පු, දුඹුරු සහල්, ගම්මිරිස්, ටූනා, සෝයා බෝංචි, කිරි, චීස්, යෝගට් හඳුන්වන්න පුළුවන්.
විටමින් 'ඕ9'


මෙය හෘද රෝග, අධික රුධිර පීඩනය, මානසික අවපීඩනය, පිළිකා සහ මතකය අහිමි වීම් වැනි තත්ත්වයන් වැළැක්වීමට උපකාර වන අතර සෑම කාන්තාවක් සඳහාම අත්‍යවශ්‍ය දෙයක්. එයද මොළයේ සෞඛ්‍ය හා සෙලියුලර් ක්‍රියාකාරිත්වය වඩාත් වැඩි කරන අතර ගර්භණී සමයේදී කලල වර්ධනයටද බෙහෙවින් උපකාරී වෙනවා. විටමින් 'බී9' සහිත ආහාර ලෙස අඳුරු කොළ හරිත එළවළු, දෙහි යුෂ, කොමඩු, ස්ට්‍රෝබෙරි, රනිල කුලයට අයත් බෝග, බෝංචි, පෝෂණ ඊස්ට් හා බිත්තර ආදිය හඳුන්වන්න පුළුවන්.

Wmqgd .ekSu u