- Advertisement -

දුප්පතකු ධනවතකු කරවන මහා වාස්‌තු රහස්‌ මෙන්න

Aug 19, 2016 3605 Views Astrology


දුප්පතකු ධනවතකු කරවන මහා වාස්‌තු රහස්‌ මෙන්න

සමාජයේ ජීවත් වන සමහර පුද්ගලයන් හට යහමින් ධනය ලැඛෙන අතර ඔවුන් ධනවතුන් ලෙස වැජඹෙන අතර සමහර පුද්ගලයින් හට ධනය නොලැබී යන අතර ඔවුන් දිළින්දන් ලෙස කල් ගෙවනු ලැබේ. සමාජයේ පවතින මෙම ධනය ඛෙදීයාමේ විෂමතාවය මත දුප්පතුන් පිරිසක්‌ හා පොහොසතුන් පිරිසක්‌ ලෙස කොටස්‌ දෙකකට ඛෙදී ඇති අතර එම දුප්පත් කම අතරද මට්‌ටම් පවතින අතර පොහොසත්කම අතරද තව තවත් උප මට්‌ටම් පවතිනු ඇත. කෙසේ වුවද සමහර පුද්ගලයින් දුප්පත්ව සිට කෙටි කාලයකින් ධනවතුන් අතරට පැමිණෙන අතර සමහර පුද්ගලයන් ධනවතුන්ව සිට කෙටි කාලයකදී දිළිඳු බවට පත්වන බවට ඕනෑතරම් ප්‍රායෝගික උදාහරණ සමාජය තුළින්ම ඔබ දැක ඇතිවාට සැක නැත. මෙම සෑම අවස්‌ථාවකදීම බොහෝ දෙනා පවසන්නේ එය ඔහුගේ කර්මය බවයි. ධනවතෙකු දුප්පත් වූ විට පව් පළදීම ලෙසද, දුප්පතෙකු පොහොසත් වූ විට පින් පළදීම ලෙසද සමාජය විසින් හඳුන්වනවා. ඇත්තටම සිදුවන්නේ කුමක්‌ද යන්න පිළිබඳව බුද්ධ දේශනාවේදී මනාව පැහැදිලි කොට ඇති අතර ඒ ඒ පුද්ගලයාගේ කුසල් අකුසල් ශක්‌තියේ වෙනස්‌ වීම ඒ තුළින් පිළිබිඹු වන බව පෙන්වා දී තිඛෙනවා. එසේ වුවද කිසියම් පුද්ගලයෙකුගේ කුසල් අකුසල් වල ශක්‌තිය හෝ තරම පිළිබඳව හෝ එය වෙනස්‌ වන කාලවකවානු පිළිබඳව ප්‍රකාශ කිරීමට සාමාන්‍ය පුද්ගලයන් වන අප හට නොහැකි අතර එය කර්ම විෂයට අයත් බැවින් එම තත්වය නිවැරදිව විග්‍රහ කළ හැක්‌කේ සම්මා සම්බුදු වරුනට පමණි. මේ නිසා සාමාන්‍ය පුද්ගලයන් වන අපට මේ සෑම අවස්‌ථාවකදීම කර්මය නිසා මෙය සිදු වූවාය යන්න පවසා සෑහීමකට පත්වන්නට සිදුවනවා.
ඩ්්ිඑමපුද්ගලයාගේ කර්ම ශක්‌තිය විග්‍රහ කිරීමට අපට නොහැකි නිසා කර්ම ශක්‌තිය හොඳ අතට හරවා ගැනීමේ උපක්‍රමයන් භාවිතා කිරීමට අවශ්‍ය චතුර් විද්‍යා විෂය ඥානය ලැබී තිඛෙන අතර ඒවා ප්‍රයෝජනයට ගැනීමේ හැකියාවක්‌ පවතිනවා. ඒ අතර පුද්ගලයෙකු දුප්පත් වීමට බලපාන වාස්‌තු ශිල්පීය කරුණු මොනවාද යන්න ඔබ වෙත පැහැදිලි කරදීම මෙම ලිපියේ අරමුණ වේ.
උතුරු . දකුණු දිශා ද්වාර භාවිතය
ගෘහයක ධනය විනාශ වී එම ගෘහවාසීන් දුප්පතුන් බවට පත් වීමට එම ගෘහයේ ද්වාර සටහන ප්‍රබල සාධකයක්‌ ලෙස පෙන්වා දී තිඛෙනවා . ඒ අතර යම් ගෘහයක ඇත්තේ උතුර . දකුණු ද්වාර සටහනක්‌ නම් එම ගෘහ වාසීන්ගේ ධනය පිරිහී ගොස්‌ දුප්පත් වන බව හමා වාස්‌තු සෘෂී මතයයි. ඔබගේ ගෘහයේ මංගල ද්වාරය උතුරේ තිඛෙන විට මුළුතැන්ගේ ද්වාරය දකුණු දිශාවේ පිහිටීම හෝ මංගල ද්වාරය දකුණේ ඇතිවිට මුළුතැන්ගේ ද්වාරය උතුරේ පිහිටීම මෙම ද්වාර සටහනට ඇතුළත් වන අතර එවැනි නිවාස වල බලවත් වන අයහපත් ප්‍රතිඵල පහත පරිදි විය හැකි.
                කවදා හෝ දිනයක නිවස සොර සතුරන්ට ගොදුරු වේ.
                කවදා හෝ දිනයක තම දරුවන් තමන්ට විරුද්ධ වන අතර ධනය විනාශ වේ.
                කවදා හෝ දිනයක රාජ බිය ඇතිවී ධනය විනාශ වේ.
මේ ආකාරයට උතුරු . දකුණු ද්වාර සටහන් යෙදී ඇති නිවාස හිමි වී ඇති ගෘහයක වර්තමානයේ ධනය ගැවසුනද අනාගතයේදී ධනය පිරිහී දුප්පත් වීමට ඇති ඉඩකඩ බහුල බැවින් ඔබ ඒ ගැන දැන් සිටම දැනුවත් වී සිටිය හොත් ඔබත් කර්මය පිළිබඳව පූර්වකතනය කිරීමේ ශිල්පීය ඥානය ඔබට ලැඛෙන බව කිව යුතුයි. දැන් ඔබ ජීවත් වන නිවසේ ඇත්තේ උතුරු . දකුණු ද්වාර සටහනක්‌ වුවද ඔබට යහමින් මුදල් ලැඛෙන අතර ඔබ ධනවත්ව සිටිනවා විය හැකිය. එයට හේතුව නිවසේ දෝෂවලට වඩා ඔබගේ කුසල් ශක්‌තිය මෙම අවස්‌ථාවේදී බලවත්ව පවතින බැවිනි. එසේ වුවද ඔබගේ කුසල් ශක්‌තිය දුර්වල වී අකුසල් බලවත් වන අවස්‌ථාව උදා වන විට ඔබගේ ගෘහයේ වාස්‌තු දෝෂ වල අයහපත් ප්‍රතිඵල ඔබට නිතැතින් උදාවනු ඇත. මේ නිසා පොහොසතුන් හිටි හැටියේ දුප්පතුන් බවට පත් වන්නේ එබැවිනි.
ඔබගේ නිවසේ දැනටමත් ඇත්තේ උතුරු . දකුණු දිශාවලට යෙදී ඇති ද්වාර සටහනක්‌ නම් ඔබ එම දෝෂ හඳුනාගෙන එය වාස්‌තු ශිල්පයට එකඟ කර ගැනීම කළ යුතු වෙනවා. එහිදී ඔබ කළ යුත්තේ ඔබගේ ගෘහයට පොදු ස්‌ථානයකින් (කාමර හැර) නැගෙනහිර දිශාවෙන් හෝ බටහිර දිශාවෙන් ඔබගේ ගෘහයට නව ද්වාරයක්‌ විවෘත කර ගැනීමයි. නැගෙනහිර දිශාවෙන් ඔබ නව ද්වාරයක්‌ එක්‌ කළ විට .ධනද. නමැති ඉතා යහපත් ද්වාර සටහන ගෘහයේ බලවත් වන අතර බටහිර දිශාවෙන් ද්වාරයක්‌ එක්‌ කළ හොත් .විපුල. නම් යහපත් ද්වාර සටහන බලවත් වනු ඇත. ප්‍රායෝගිකව හැකියාව ඇතිනම් නැගෙනහිර හා බටහිර යන දිශා දෙකෙන්ම ද්වාර දෙකක්‌ ගෘහයට විවෘත කළ හැකිනම් ඔබගේ ගෘහයේ සතර දිශා ද්වාර සටහන නැත්නම් .විජය. නමැති ඉතා යහපත් ද්වාර සටහන බලගැන්වෙනු ඇත.
ධනවත් වන ද්වාර සටහන්
                   1.උතුර , දකුණ, නැගෙනහිර .ධනද. ( ධන සම්පත් බහුල වේ.)
                   2.උතුර, දකුණ, බටහිර .විපුල. (කීර්ති ප්‍රසංශා ලැබේ.)
                   3.උතුර, දකුණ, නැගෙනහිර බටහිර, .විජය. (යස ඉසුරු සම්පත් පහළ වේ.)
දැන් ඔබට කියා දෙන්නම් ඉතා දුප්පත්ව සිටි කෙනෙක්‌ ඉතා කෙටි කාලයකින් ධනවතෙකු වන්නේ කෙසේද කියා. කිසියම් පුද්ගලයෙකුගේ වර්තමාන ජීවිතයේ අකුසල් බලවත්ව පවතින විටදී ඔහු ධනයෙන් පිරිහී යනවා. එම පුද්ගලයා තමන්ගේ ගෘහ පරිශ්‍රයට ධනද, විපුල හෝ විජය ද්වාර සටහනක්‌ එක්‌කර ගන්නවා, එවිට ඔහුගේ අකුසල් ශක්‌තිය දුර්වල වී කුසල් ශක්‌තිය බලවත් වෙනවා. ඔහුගේ ධනය ඉපයීමේ ශක්‌තිය ප්‍රබල වී කෙටි කාලයකින් ධනවතෙකු බවට පත් වෙනවා. මේ ආකාරයටම යම් පුද්ගලයෙකු වර්තමාන ජීවිතයේදී කුසල් බලවත් වී ධනවතෙකු වී සිටිනවා. ඔහුගේ ගෘහයේ ද්වාර සටහන උතුරු . දකුණු ද්වාර සටහනක්‌ ලෙස පවතිනවා. ඔහුගේ අකුසල් බලවත් වී ඔහුගේ ධනය කෙටි කාලයකින් පිරිහී ගොස්‌ ඔහු දුප්පතෙකු බවට පත් වෙනවා.
ඔබගේ ගෘහය යනු ඔබගේ ජීවන ගමන් මගේ කැඩපත බව ප්‍රකාශ කළ යුතුයි. නිවසේ පවතින වාස්‌තු තත්වයන් නිසි පරිදි නිරීක්‍ෂණය කොට එම ගෘහ වාසීන්ගේ අනාගත ජීවිතය කෙලෙස වේවිද කියා කලින්ම පූර්වෝකතනය කළ හැකි බව කිව යුතුයි. උතුරු . දකුණු ද්වාර සටහනට අමතර වශයෙන් ඔබගේ ධනය පිරීහී දුප්පත් වන්නට බලපාන ප්‍රබල අයහපත් ද්වාර සටහන් කිහිපයක්‌ම පවතින බව මතක තබා ගන්න. එනම් යම් ගෘහයක පිහිටා ඇත්තේ ඇතුළු වීමට හා පිටවීමට එක්‌ ද්වාරයක්‌ පමණක්‌ නම් එම ද්වාරය බටහිර දිශාවේ හෝ උතුරු දිශාවේ යෙදී තිබීම නිසා ඔහු අන්ත දිළින්දෙකු වන අතර. මෙය උතුරු . දකුණු ද්වාර සටහනට වඩා ප්‍රබලව සක්‍රීය වන අයහපත් ද්වාර පිහිටීමක්‌ ලෙස මහා වාස්‌තු ශිල්පයේ පෙන්වා දී තිඛෙනවා. බටහිර දිශාවෙන් පමණක්‌ ප්‍රධාන ද්වාරයක්‌ යෙදී ඇති විටක එම ද්වාරය .බර. නැත්නම් දුප්පත් බවේ ද්වාරය ලෙස හඳුන්වන අතර උතුරු දිශාවෙන් පමණක්‌ ප්‍රධාන ද්වාරය යෙදී තිඛෙන විට එය .දුර්මුඛ. නැත්නම් කායික සහ මානසික පීීඩනය බලවත් කරන ද්වාර සටහනක්‌ පෙස බලවත් වනු ලබයි.
ගෘහයක මංගල ද්වාරයේ පියන
වමට විවෘත වීම සහ දෝෂ පාද පිහිටීම
යම් ගෘහයක මංගල ද්වාරයේ පියන එළියේ සිට විවෘත කරන විට වාමාවෘතව විවෘත වන්නේ නම් එම ගෘහ වාසීන් දිළිඳු බවට පත් වන අතර දක්‌ෂිණාවෘතව විවෘත වන්නේ නම් ගෘහයේ ධනය සුරැකේ. මීට අමතරව ගෘහයක මංගල ද්වාරය .භද්‍ර. සහ .රික්‌තා. නමැති අයහපත් පාද වලින් යෙදී ඇති විටෙක ගෘහයේ සම්පත් හීන වන අතර .නන්දා. .ජයා. .පූර්ණා. නමැති සුභ පාද වල යෙදී ඇති විටෙක එම ගෘහයේ ධනය රැඳීම බහුල වන බව මහා වාස්‌තු පුරාණයේ පෙන්වා දී තිඛෙනවා.
මහා වාස්‌තු ශිල්පයට අනුව යම් ගෘහයක ජීවත් වන ගෘහ වාසීන් දුප්පත් වීම හෝ පොහොසත් වීම උදෙසා බලවත්ව සක්‍රීය වන වාස්‌තු අංගයක්‌ ලෙස එම නිවසේ ද්වාර සටහන මූලිකව දායක වන බව කිව යුතුයි. ඔබගේ ධනය පිරිහී ගොස්‌ ඔබ දිළින්දෙකු වීමට ප්‍රථම ගෘහයේ ද්වාර සටහන පිළිබඳව නිසි ලෙස අවධානය යොමු කිරීමෙන් අනාගත අවදානමෙන් ආරක්‍ෂාවීම උදෙසා ඔබට හැකියාව ලැඛෙනු ඇත. මිනිසුන්ගේ අකුසල් බලවත් කාල වලදී කිසිම අධ්‍යාත්මික කටයුත්තක්‌ උදෙසා සිත නැඹුරු නොවන අතර සෑම විටම අකුසල් වල ප්‍රතිවිපාක පළ දීමේ දිශාවටම ගමන් කිරීම සිදු වේ. මේ නිසා ඔබ සෑම විටම ඔබගේ සිත නම් විශ්වාස කරන්න එපා. ඔබගේ අකුසල් සිත පිළිබඳව ප්‍රඥාවෙන් විමසා බලා බුද්ධිමත්ව කටයුතු කිරීම තුළින් පමණක්‌ ඔබට අකුසල් පරාජය කිරීමේ ආධ්‍යාත්මික ශක්‌තිය වර්ධනය වනු ඇත. මේ නිසා ඔබ සෑම විටම මහා විශ්ණු දෙවියන්ට පින් අනුමෝදන් කොට කුසල් සිත් වර්ධනය කර ගනිමින් දේව ශක්‌තිය ලබා ගන්න. ඒ තුළින් ඔබගේ ගෘහයේ දෝෂ දුරු වී ධන ධාන්‍යයෙන් හා නිරෝගී සම්පතින් බහුල වනු ඇත.

- Advertisement -

Similar Post You May Like

  • Gauraumaārauva-you-feel

    ගුරුමාරුව ඔබට දැනෙනවද?

    Feb 01, 2017 1999 Views Astrology

    ක්‍රි. ව. 2015 ජුලි 14 දින ගුරු සිංහරාශි ගතවිය. 2016 අගෝස්‌තු 11 තෙක්‌ සිංහ රාශියේ ගමන් කරයි. මේ වන විට විවිධ පුවත්පත්වලින් ගුරු මාරුවේ සුබාසුබ දැනගෙන සිටිය යුතුය. අප මෙහිදී අවධ

  • Errors-must-be-centered-in-both-hot

    කේන්දර දෙකේම යෙදිය යුතුම සරාගී දෝෂ

    Sep 17, 2016 1594 Views Astrology

    පොරොන්දම් බැලීමේදී සලකා බලන දෝෂ කිහිපයක් ගැන මිට පෙර ලිපි දෙකකින් අපි ඔබව දැනුවත් කළා. මෙවර ඔබව දැනුවත් කරන්නට යන්නේ වැන්දඹු,බහු විවාහ, අවිවාහක, සරාගී දෝෂ සහ

  • Links-through-fingerprints-revealed-the-secret-of-life

    ඇඟිලි පුරුක්‌ තුළින් හෙළිවන ජීවිත රහස්‌

    Sep 17, 2016 2778 Views Astrology

    සාමුද්‍රික ශාස්‌ත්‍රය අනුව අත්ල පරීක්‍ෂාවේදී අත්ලේ පිහිටි රේඛාවල පිහිටීමෙන්ම ඇඟිලිවල පිහිටීම ගැනද පරීක්‍ෂා කිරීම වැදගත් වෙයි. අතේ ඇඟිලි එකකට එකක්‌ සමාන නොවන්නාසේම එක්‌ එක්‌ අයගේ ඇඟිලි පිහිටි ආකාරය අනුවද එක්‌ එක්‌ අයගේ ගතිගුණ මෙන්ම ජීවන රටාවන්ද විවිධාකාරය.

- Advertisement -