- Advertisement -

ලස්සන ඇහිබැම් කියන රහස්- ඔබේ ඉදිරි අනාගතය ගැන අනාවැකි කිව හැකි බැව් ඔබ මෙතෙක් දැන සිටියාද

Sep 05, 2016 1131 Views Astrology


ලස්සන ඇහිබැම් කියන රහස්- ඔබේ ඉදිරි අනාගතය ගැන අනාවැකි කිව හැකි බැව් ඔබ මෙතෙක් දැන සිටියාද

ඔබේ දෑස ලස්සන කරන, එහෙත් ඔබ අවතක්සේරු කරන ඇහිබැමිවලට ඔබ ගැන, ඔබේ ඉදිරි අනාගතය ගැන අනාවැකි කිව හැකි බැව් ඔබ මෙතෙක් දැන සිටියාද?
මුවැත්තියන් සේ අහිංසක යුවතියන් තම ඇහිබැමි සඟල තාලෙට නටවමින්, නිල් මැණික් සේ දිස්වන දෑසින් ඉඟිබිගි පාන විට කෙතරම් ලස්සනද? ඒ දේදුනු වැනි ඇහිබැමිවලින් කියැවෙන ඔබේ ගති ලක්ෂණ ගැන අද අපි කතා කරමු.
කිසියම් ස්ත්‍රියකගේ ඇහිබැම මුදු මොළොක්ව පිහිටා නිල්වන් වූ දුනු ආකාරයෙන් රෝම පිහිටා තිබේනම් ඇය ආශාවන්ගෙන් පිරුණු, පුරුෂ පක්ෂය තම වසඟයට ගත හැකි කාන්තාවකි.
එසේම ඇහිබැමි දෙක අතර පරතරය විශාලව පිහිටා තිබේ නම් ඇයට ඉවසීම, කරුණාව යන ගුණාංග උපරිමයෙන් පිහිටයි. ඕනෑම හදිසි අවස්ථාවක දී වුවද කලබල නොවී අන්‍යයන්ට සවන්දීමේ හැකියාවක් ද ඇයට තිබේ. එසේම ඇයගේ කතා විලාසය අන් අයගේ සිත් ඇදබැඳ තබාගැනීමට සමත්ය. නිතරම පොදු වැඩවලට සහභාගිවීමට රුචිකත්වයක් දක්වන ඔවුන් ඒ වෙනුවෙන් කැපවෙයි. එවැනි කාන්තාවෝ කීර්තිමත් කෙනෙකු හා විවාහවන අතර එම විවාහය ඉතා භාග්‍යවන්ත වේ. ආදර්ශමත් ජීවිතයක් ගතකරයි.
ඒ කෙසේ වුවද ඇහිබැම නොවැඩුණු, එහෙත් ක්‍රමානුකූලව ලස්සනට පිහිටා තිබේනම් ඇය ඉක්මන් තීරණවලට එළඹෙයි. අන්‍යයන් සමඟ සුහදතාවය එකදිගටම පවත්වාගෙන යාමට නොහැකිය. මේ නිසා ප්‍රේම සම්බන්ධතා කිහිපයක්ම ඇතිකර ගනියි. ඉන් සාර්ථක ප්‍රතිඵල නොලැබේ. කේන්දර ගළපා විවාහවීම ඔවුන්ට සුදුසු වේ. දුරුවලකම් නිවැරැදි කරගෙන ඉදිරියට යාමට දක්වන අකමැත්ත නිසා මොවුන් නිරන්තරවම පවුලේ හිතවතුන් සමඟ නිතර ප්‍රශ්න, ගැටුම් ඇතිකර ගනියි.
මනාව වැඩුණු, වටකුරුව පිහිටි ඇහිබැමි පිහිටා තිඛෙන ස්ත්‍රීන් සාර්ථක විවාහ ජීවිතයක් ගතකරයි. සිතේ ඇති අපරිමිත ශක්තිය, ධෛර්ය නිසා තම ජිවිතය හොඳින් ගොඩනඟා ගනියි. ඔවුන්ට යහපත් ගතිගුණ ඇති ජනප්‍රිය, ධනවත් පුද්ගලයන් හා විවාහවීමට හැකියාව ලැබේ. ඉසුරින් පිරි ජීවිතයක් ගතකරන අතර ලොව පුරා සංචාරය කිරීමේ භාග්‍ය උදාකර ගනියි. නිරෝගී, වාසනාවන්ත දරුවන් ලබයි.
ඇහිබැම තද නීල වර්ණයෙන් යුක්තව, මෘදුව, රෝමකූප සහිතව ඇස් දෙකට එළිය වැටෙන ආකාරයෙන් පිහිටා තිබේ නම් ඇය වාසනාවන්ත තැනැත්තියකි. සැප සම්පත්ලබයි. උපතින්ම දයාව, කරුණාව රැගෙන එන මොවුන් ඉතා සාර්ථක විවාහ ජීවිතයක් ගතකරයි. කඩවසම්, යහපත් පුරුෂයෙකු ලබයි. සැමියාගේ ආදරය, සෙනෙහස නොඅඩුව ලබයි. දැහැමි ජීවිතයක් ගතකරයි.
දිගු රෝම සහිත ඇහිබැමක් ඇත්තී අලස ගතිගුණවලින් යුක්තය. අධ්‍යාපනය දීර්ඝව කිරීමේ වරම් අහිමිකර ගනියි. තමා සතු සහජ දක්ෂතාවලින් නිසි ප්‍රයෝජන නොගනී. දුක් ගැහැට විඳිමින් රැකියාවක නියුක්තවන අතර ආර්ථික ප්‍රශ්න රැසකට ද මුහුණදෙන්නීය. විවාහය ප්‍රමාදවීම්, බලාපොරත්තු කඩවීම් වැනි අනපේක්ෂිත සිදුවීම් නිසා ගිහිගෙය ගැන ඔවුන් කලකිරෙයි. එහෙත් සසුන්ගත නොවෙයි. තමන් සමඟ ජීවත්වන සිල්ලන් සමඟම කලකිරී උපන්නාට ජීවත්වෙමින් කාලය ගතකරයි.
කාන්තාවකගේ ඇහිබැම හා ඇස් දුඹුරු වර්ණයෙන් යුක්ත වේ නම් ඇයට කිසිදු ගැටලූවකින් තොරව තම ජීවිතය ඉදිරියට ගෙනයාමට හැකි වේ. නොපසුබට උත්සාහය නිසා අධ්‍යාපන කටයුතු සාර්ථක කරගනියි. මෙම කාන්තාවන් පැහැපත්ය. යහපත් විවාහ ජීවිතයක් ගතකරන අතර නීරෝගී දරුවන් ලබයි.
ඇතැමුන්ගේ ඇහිබැමි දුඹුරු පාට නොවන තඹ වර්ණයෙන් පිහිටයි නම් ඔවුන් තරමක් කලබලකාරී සිත් ඇති පුද්ගලයන් වේ. නිතරම වැඩ ප්‍රමාද කිරීමට උත්සාහ ගනියි. එහෙත් තම ජීවිතය සමබරව පවත්වා ගනියි. හොඳ රැකියාවක් කිරීමට සමත්වෙන අතර ජීවිතයේ අවසාන මොහොත දක්වාම දුක සැප සමසේ, සමබරව විඳ දරාගනියි. මධ්‍යස්ථ ජීවිතයක් ගතකරයි.

- Advertisement -

Similar Post You May Like

  • Gauraumaārauva-you-feel

    ගුරුමාරුව ඔබට දැනෙනවද?

    Feb 01, 2017 1999 Views Astrology

    ක්‍රි. ව. 2015 ජුලි 14 දින ගුරු සිංහරාශි ගතවිය. 2016 අගෝස්‌තු 11 තෙක්‌ සිංහ රාශියේ ගමන් කරයි. මේ වන විට විවිධ පුවත්පත්වලින් ගුරු මාරුවේ සුබාසුබ දැනගෙන සිටිය යුතුය. අප මෙහිදී අවධ

  • Errors-must-be-centered-in-both-hot

    කේන්දර දෙකේම යෙදිය යුතුම සරාගී දෝෂ

    Sep 17, 2016 1595 Views Astrology

    පොරොන්දම් බැලීමේදී සලකා බලන දෝෂ කිහිපයක් ගැන මිට පෙර ලිපි දෙකකින් අපි ඔබව දැනුවත් කළා. මෙවර ඔබව දැනුවත් කරන්නට යන්නේ වැන්දඹු,බහු විවාහ, අවිවාහක, සරාගී දෝෂ සහ

  • Links-through-fingerprints-revealed-the-secret-of-life

    ඇඟිලි පුරුක්‌ තුළින් හෙළිවන ජීවිත රහස්‌

    Sep 17, 2016 2779 Views Astrology

    සාමුද්‍රික ශාස්‌ත්‍රය අනුව අත්ල පරීක්‍ෂාවේදී අත්ලේ පිහිටි රේඛාවල පිහිටීමෙන්ම ඇඟිලිවල පිහිටීම ගැනද පරීක්‍ෂා කිරීම වැදගත් වෙයි. අතේ ඇඟිලි එකකට එකක්‌ සමාන නොවන්නාසේම එක්‌ එක්‌ අයගේ ඇඟිලි පිහිටි ආකාරය අනුවද එක්‌ එක්‌ අයගේ ගතිගුණ මෙන්ම ජීවන රටාවන්ද විවිධාකාරය.

- Advertisement -